كلمنا عن عيلتك..يمكن نطلع اقارب.

**محمد محمد** · 08-07-2010 01:09 AM

السلام عليكم ورحمة الله وبركاته....
اسعد الله اوقاتكم بكل خير
كام مرة صدفة قابلت واحد متعرفوش وطلع قريبك من بعيد او من قريب وممكن الصدفة دي تكون جواز معاملة مالية او...خناقة.
اكيد في المنتدي فيه حد قريبك بس انت متعرفش انه قريبك
ايه رأيكم كل واحد يتكلم عن عائلته وجذورها اماكن تواجدها....وانا هبتدي بنفسي.
عائلة الوالد من محافظة الفيوم من قرية ابشواي جدي يسمي حمدي صميدة عبد الله طلبة معرفش عنه حاجة كتير ولا حتي اعرف هو كان شغال ايه كل اقاربي من جهة الوالد عايشين في الفيوم
عائلة الوالدة عيلة الجندي ودول اصلهم اتراك (علشان كده انا طالع شبه السعوديين) موجودين في مصر من ايام عصر محمد علي وماشاء الله كان ليهم شوية املاك لاتحصر ولكن انضم اكثرها للأوقاف ولعلكم سمعتم عن قضايا التعويض واسترداد لهذه العائلة مؤخرا وموجودين في اماكن شتي في مصر اهمها الفيوم ثم الشرقية وبني سويف وبعض محافظات الصعيد...يمكن انا اعرف عن عيلة والدتي اكتر لأن والدتي دايما بتحكيلي عنها.
انت بقي من عائلة مين.

**د/أحمد ابراهيم** · 08-07-2010 01:12 AM

انا نفسي اعرف شجرة العيلة بتاعتي

نصر

لامعلومات اخري

**mobitic** · 08-07-2010 01:30 AM

وعليكم السلام ورحمه الله وبركاته
الموضوع حلو قوى
شوف يا سيدى
العبد لله ينتمى لقبيلة وليس عائلة
لعل بعضكم سمع عنها وخصوصا فى الصعيد
وهى قبيلة الأشراف أو آل البيت
ودى نسبها ينتهى لسيدنا على بن ابى طالب رضى الله عنه وزوجته السيدة فاطمة بنت سيدنا محمد صلى الله عليه وسلم
وابنائهم سيدنا الحسن وسيدنا الحسين.
طبعا الموضوع ليس فخر بقدر ما هو مسئولية انك تكون قدوة صالحة لغيرك
بحكم نسبك
أما بقى انك تلاقى قرايب ليك فالحمد لله
بكتشف كل يوم ان ليا اقارب من كل حتة فى الدنيا
آخرها واحد اتعرفت عليه من المدينة المنورة وطلعنا اقارب من الجد الرابع او الخامس عشر.
وتقبلوا تحياتى

**hamedo0** · 08-07-2010 01:57 AM

الموضوع جميل فعلا يا محمد
اولا عائله الوالد من السويس من عائله الكراني جدى رحمة الله عليه علي محمد علي الاسكندراني ( الكراني ) لشهرة جدى باعائله ولدته عشان ولد جدى كان غريب عن البلد طبعا الهجره ايام الحرب من السويس للقاهره
اما الولده ربنا يعطيها الصحه وطولت العمر عائله الامبابي وهي من الاشراف المتصل نسابهم الي علي ابن ابي طالب والسيدة فاطمه بنت الرسول صلي الله عليه وسلم

تفتكر يا موبتيك ممكن نطلع قرايب

**mobitic** · 08-07-2010 02:11 AM

والله يا استاذ محمد
كون اننا نطلع قرايب دى حاجه تشرفنى
لأنى زى ما قلت ما شاء الله ابناء قبيلة الأشراف منتشرين فى كل مكان
واعرف ان السويس فيها من عائلات الأشراف كتير
وتقبل تحياتى
أخوك محمد الفوال (على فكرة الفوال ده لقب العائلة)

**hamedo0** · 08-07-2010 02:23 AM

يا استاذ محمد انا الذدني شرف
الحاجه عندى مش من السويس الاصل من المنوفية ولاكن هي مولوده في القاهره ومن عائله الامبابي
انا اخوك محمد الكراني لقب العائله الكراني

**ahmedfouad** · 08-07-2010 03:26 AM

موضوع جميل

اتولدت فى القاهرة شبرا مصر
ووالدى وجدى من القاهرة ولكن الاصل من اسيوط من ابو تيج
عائلة الفرغل وهو كان شيخ وليه كرامات وكده
واسمع انه كان بيمشى على الميه وحاجات كده-والله اعلم-
لكن الاكيد انه بيتعمله مولد فى ابو تيج
وعائلة جدتى من الجيزة من منيل شيحة وهى عائلة سلام -سللام مشددة

اتمنى يكون فى قريب ليا هنا فى المنتدى

**AhMeD EzZ** · 08-07-2010 04:25 AM

المشاركة الأصلية كتبت بواسطة ahmedfouad

موضوع جميل

اتولدت فى القاهرة شبرا مصر
ووالدى وجدى من القاهرة ولكن الاصل من اسيوط من ابو تيج
عائلة الفرغل وهو كان شيخ وليه كرامات وكده
واسمع انه كان بيمشى على الميه وحاجات كده-والله اعم-
لكن الاكيد انه بيتعمله مولد فى ابو تيج
وعائلة جدتى من الجيزة من منيل شيحة وهى عائلة سلام -سللام مشددة

اتمنى يكون فى قريب ليا هنا فى المنتدى

فين في شبرا مصر يا باشا؟؟

**mikho83** · 08-07-2010 11:13 AM

أنا عائلتي عائلة مسلم(بتشديد حرف اللام) ومش عارف ليها أصل
وعائلة ماما السقاري وبردوا مش عارف ليها أصل
يا ريت لو الاقي قريب ليا في المنتدي ويجيب لي الأصول بتاعتنا

**mazagngi2010** · 08-07-2010 11:44 AM

المشاركة الأصلية كتبت بواسطة mikho83

أنا عائلتي عائلة مسلم(بتشديد حرف اللام) ومش عارف ليها أصل
وعائلة ماما السقاري وبردوا مش عارف ليها أصل
يا ريت لو الاقي قريب ليا في المنتدي ويجيب لي الأصول بتاعتنا

زيك بالظبط معرفش اصل العيلتين

المفروض يكون معروفين فى الشرقيه
من الام عيله هيبه (القنايات خصوصا)
من الاب عيله السروجى (الزقازيق)

الموضوع: كلمنا عن عيلتك..يمكن نطلع اقارب.

LinkBack

أدوات الموضوع

عرض

كلمنا عن عيلتك..يمكن نطلع اقارب. - انشر الموضوع فى :

-

-

-

-

-

-

-

المواضيع المتشابهه

شراء عربية من اقارب ؟؟

احنا اللى مردناش نطلع

نطلع برة السياسة شوية ؟؟؟؟؟؟؟؟؟؟؟؟؟؟؟

عاوز هيونداى كلمنا على طول

الكلمات الدلالية لهذا الموضوع

المفضلات

المفضلات

ضوابط المشاركة