اعتقد الموضوع ده محدش اتكلم فيه قبل كده هنا في المنتدى
وهو اتفاقية التعاون بين مصر والصين في مجال الرقابة على جودة الصادرات من الصين الى مصر واللي تمت في فبراير 2010 وسميت اتفاقية CIQ واللي بموجبها لا يمكن استيراد سلع صينية بدون الحصول على شهادة الجودة CIQ
http://www.goeic.gov.eg/CIQ.jpg
تفاصيل الموضوع من موقع هيئة الرقابة على الصادرات والواردات
http://www.goeic.gov.eg/dalelindex.asp
السؤال دلوقتي هل الاتفاقية دي هتغير سمعة المنتج الصيني في مصر ؟ موضوع للمناقشة
والله ياباشمهندس طارق
الموضوع ده قرافنا اخر ارف في الجمارك
والبضاعه بتاعتنا اتأخرت شهرين
وكل البضايع كده في المينا
ومعتقدش انها حتفرق في الجوده ولا بتاع
هيا اللي فرقت فيه بجد ان البضايع الرديئه مبقاش ينفع تضرب فواتيرها زي زمان
وبالتالي اترفع سعرها
ولا بقي فيه تهريب ولا تحط بضاعه بغير تمنها الاصلي
لان كل ده بيتقفش هناك لان الشهاده بتطلع بعد ما الخبراء يكشفوا علي البضاعه هناك
مش عارف والله اخرتها ايه
اما نشوف
عن كلام لصديق فى الرقابة على الصادرات و الواردات
قالى بيحصل تحايل عليها بكل سهولة
البضاعة تتشحن لبلد اخرى و يعاد شحنها بأوراق جديدة
و اكيد هاتزيد فى كلفة الشحن انما كله بحسابه
---
على فكرة سمعة المنتج الصينى كما تم ذكرها مرارا هنا و فى كل مكان
ان المسئول عنها هو المستورد اللى عندنا
----
مش معقول الصين هاتغزو اسواق العالم و يحدث لها كل هذا النمو الاقتصادى
و تغزو الاسواق اللى فى امريكا و الدول المتقدمة ببضاعة شبة اللى بيتجيلنا
استحاااااااااااااالة
أنا سمعت إنهم بدؤا تطبيق الموضوع ده في لعب الأطفال
عشان كده بتوع محلات اللعب بيقولوا إن اللعب هاتغلى و مفيش لعب ب 2.5 بعد كده
بس بصراحة أنا أتمنى إن الموضوع ده يمشي صح فعلا , حتى لو أدى لزيادة في السعر , كده كده الأسعار بتزيد , فلما الأسعار تزيد في مقابل تحسين الجوده دي حاجه كويسة جدا , لأن العمر الإفتراضي هايزيد
أحسن ماشتري حاجه صيني رخيصة و أبقى فرحان قوي إنها رخيصة وبعد كام يوم أرميها في الزبالة يبقى كده خسارة من كل ناحية