ما هى اكثر فئة سيارات اصبحت مناسبة للظروف الحالية ؟

**fiatmomo** · 01-03-2008 09:05 PM

المشاركة الأصلية كتبت بواسطة SEATLOVER

يعنى كدة معناها ان السيدان ما زالت افضل و اكثر الخيارات مهما تقلبت و تغيرت الظروف !

ياعم سيات ... بلدنا ديه محتاجة باتيناج مش عربيات ...يافرحتى لما اركب سيدان و ابقى مش عارف امشى فيها فى وسط الزحمة
شوارع مصر فى اخر 5 سنوات بجد بجد بقت موقف سيارات

المفروض العربية البرادوا كليسا بجد تتعمم اكتر من كدة فى مصر .. اكتر عربية شوفتها تنفع شوارعنا بكل امانة .رخيصة , عملية , بها كل الكمليات , من مريحة من الداخل وابعادها صغيرة من الخارج ... = سيارة الشعب القاهرة

**SEATLOVER** · 01-03-2008 09:11 PM

المشاركة الأصلية كتبت بواسطة fiatmomo

ياعم سيات ... بلدنا ديه محتاجة باتيناج مش عربيات ...يافرحتى لما اركب سيدان و ابقى مش عارف امشى فيها فى وسط الزحمة

يا فيات هو انت بتقولى انا لية ...بص على الاستطلاع اللى فوق هاتلاقى كل الناس لسة مصرة على ان السيدان ما زالت افضل الاختيارات ..ولو رجعت كام صفحة لورا هاتعرف رأى انا اية .

**fiatmomo** · 01-03-2008 10:01 PM

المشاركة الأصلية كتبت بواسطة SEATLOVER

يا فيات هو انت بتقولى انا لية ...بص على الاستطلاع اللى فوق هاتلاقى كل الناس لسة مصرة على ان السيدان ما زالت افضل الاختيارات ..ولو رجعت كام صفحة لورا هاتعرف رأى انا اية .

:Dياعم سيات منا عارف رأيك وقريتة ...........

**fiatmomo** · 01-03-2008 10:03 PM

انا اقصد الكلام للناس الى مصوتا للسيدان بكثره

**mohamed_88sk** · 01-03-2008 10:20 PM

أنا عن نفسي بحب أي حاجه عالية خصوصآ من ال 8 سلندر بس الغاوي ينقط بطاقيته أسعار العالين عالين أوي.حتى العالي اللي مش 4x4 أقصد الصغير العالي.عمتأ العالي بحبه عشان وجاهه وقوة باللذات مع شوارع البلدي.
بعدين أفضل السيدان أرخص وبرضو مريحه .
بعدين الميني أو الهاتشباك.

**SEATLOVER** · 01-03-2008 10:42 PM

المشاركة الأصلية كتبت بواسطة fiatmomo

انا اقصد الكلام للناس الى مصوتا للسيدان بكثره

هى بينى وبينك فعلآ معدش ينفع اى عربية سيدان فى البلد بجد حرام (بيتعك بيها ) طول ما هو ماشى و خصوصاً لو كبيرة شوية ..انا شخصياً بقيت حاسس انى مخنوق جداً بالعربية حاسس انى ماشى ب 7 متر جوة طرقة البيت ..العربية ما بتصدق تطلع على اى طريق سفر ..تتنفس شوية

بس هما بردو ليهم وجهة نظر محترمة (انها كدة كدة مش فارقة ) و بيختاروا راحتهم فى صالون اوسع

**fiatmomo** · 01-03-2008 11:30 PM

المشاركة الأصلية كتبت بواسطة SEATLOVER

هى بينى وبينك فعلآ معدش ينفع اى عربية سيدان فى البلد بجد حرام (بيتعك بيها ) طول ما هو ماشى و خصوصاً لو كبيرة شوية ..انا شخصياً بقيت حاسس انى مخنوق جداً بالعربية حاسس انى ماشى ب 7 متر جوة طرقة البيت ..العربية ما بتصدق تطلع على اى طريق سفر ..تتنفس شوية

بس هما بردو ليهم وجهة نظر محترمة (انها كدة كدة مش فارقة ) و بيختاروا راحتهم فى صالون اوسع

انا بحب العربيات السيدان جداااااااااااااااااااااا

بس انا بتكلم على علبة السمن الى اسمها القاهرة الكبرى الى احنا عايشين فيها ... دة انا حاسس ان بعد كدة الناس حتمشى فوقيا !!!!!!!!

والله العظيم انا بقيت بحلم بكوابيس الى سايق العربية والناس بتكسر عليا يمين وشمال :D ؟

بالرغم من حبى للعربيات السيدان بس انا دلوقتى بقول حطنى فى علبة كبريت بأربع عجلات وموتور و تكيف وخلاص مش عاوز حاجة تانى ... لا شكل ولا مساحة ولا اى حاجة علاشان اعرف اتحرك من المكان أ الى المكان ب واعرف اركنها ومتاخدش بنزين

**SEATLOVER** · 01-03-2008 11:45 PM

المشاركة الأصلية كتبت بواسطة fiatmomo

بالرغم من حبى للعربيات السيدان بس انا دلوقتى بقول حطنى فى علبة كبريت بأربع عجلات وموتور و تكيف وخلاص مش عاوز حاجة تانى ...

يا راجل انت طلبك دة مبالغ فية جداً ..... :D:D:D
عشان تحقق طلبك المتواضع دة مش اقل من 60 الف .ج وساعتها هاتزغلل عنييك اى عربية سيدان مستعملة و كمان يابانى أو المانى ..
يا باشا السبب فى علبة السمنة دى اننا مش بنخطط مدن احنا بنخرط مدن ...وخد بالك البلد بتتحرك :D

**fiatmomo** · 02-03-2008 09:23 PM

المشاركة الأصلية كتبت بواسطة SEATLOVER

يا باشا السبب فى علبة السمنة دى اننا مش بنخطط مدن احنا بنخرط مدن ...وخد بالك البلد بتتحرك :D

والله كلمه فى الجوووووووووووووول ... دة احلى تعبير يمشى مع الموقف ....

يا سيدى مش عاوز البلد تتحرك ... انا بتمنى ترجع لورا 33 وتقف وبس ...وياسلام لو رجعت 58 سنة وتقف ... يبقى تمام جدا جدا ... حتى لو حلبش طربوش واركب حانطور ... مواااااااااافق:D

**Ghamrawy** · 15-03-2008 08:22 PM

المشاركة الأصلية كتبت بواسطة fiatmomo

والله كلمه فى الجوووووووووووووول ... دة احلى تعبير يمشى مع الموقف ....

يا سيدى مش عاوز البلد تتحرك ... انا بتمنى ترجع لورا 33 وتقف وبس ...وياسلام لو رجعت 58 سنة وتقف ... يبقى تمام جدا جدا ... حتى لو حلبش طربوش واركب حانطور ... مواااااااااافق:D

10000000000000%

مشاهدة نتائج الإستطلاع: ما هى اكثر فئة سيارات اصبحت مناسبة للظروف الحالية ؟

الموضوع: ما هى اكثر فئة سيارات اصبحت مناسبة للظروف الحالية ؟

LinkBack

أدوات الموضوع

عرض

-

-

-

-

-

-

المواضيع المتشابهه

جميع موديلات فولفو الحالية الحالية

إلانترا ضمن أكثر عشر سيارات جديرة بالإعتبار في العشر سنوات الحالية

G m للبييييييييييييع للظروف والله

عربية ب 11 الف جنيه......للظروف

ما هى اكثر ماركة سيارات اعتماديه فى مصر؟ تصحيح

الكلمات الدلالية لهذا الموضوع

المفضلات

المفضلات

ضوابط المشاركة