ما هى اكثر فئة سيارات اصبحت مناسبة للظروف الحالية ؟
اكيد فى الكام سنة الاخيرة العوامل و الظروف فى البلد اتغيرت كتير ...المطبات وصلت فوق الكبارى , المشوار لأخر الشارع بقى فى ساعتين , الوقوف بقى اكتر من المشى , البنزين بقى محتاج فلتر بشمعتين , اسعار قطع الغيار بقت اغلى من تمن العربية ,العربية واقفة او ماشية فوق الرصيف بردو بتتخبط , وحتى لو واقفة ممكن تتعمل معرض رسوم الاطفال ,....
عشان كدة اكيد لازم المفاهيم و المعايير فى اختيار فئة العربية تكون اتغيرت او حتى بقت محل تفكير مهما كان تمسكك بالعربية اللى بتحبها .
السؤال اللى بيطرح نفسة يا ترى بقيت اية احسن فئة مناسبة للظروف اللى بنمر بيها ؟
من هى افضل فئة الان للتغلب على الظروف و العوامل المحيطة من هذة الفئات :
- المينى ---وتريح دماغك من الزحمة و الوقوف ساعات ( توفير رهيب فى البنزين )-سهولة التحرك
-السوبر مينى -- و يبقى كسبت كفاءة موتور اعلى و شوية وسع داخلى
-العائلية السيدان -- مضطر عشان نفسك تركب مستريح وكدة كدة مش فارقة
-الجيب الصغيرة -- ويبقى كسبت الاتنين البعد عن المطبات و سهولة التحرك فى الزحمة و الركن
يا ترى هانتحدى الظروف ونفضل على افكارنا .. ولا نكون عمليين و مرنيين و نحاول نتكيف مع الوضع ونقبل شروطة ؟
تست درايف ميكروباص تويوتا هاي ايس 2007 300 سي سي
انا ياجماعه من الناس اللي بتحب تجرب تسوق كل لعربيات نص نقل ميكروباص اي حاجه
النهارده بأه ركبت التويوتا الميكروباص الجديده العربيه ما شاء الله تحفه الباور بتاعها اكثر من رائع بالإضافة لعزم العربية حو اوي حتى المساعدين بتوع العربية وانت ماشي تحس العربية مرنه اوي مع المطبات يا ريت اي حد جرب عربيات مختلفه غير الملاكي يقولنا عن تجربته