موجز انباء جينا ... وصيانه الـ 40000

**densfog** · 08-07-2010 01:01 PM

اولا : مثبت السرعه اللى فى البنزينه اللى فى اول طريق القطاميه مش هينفع يركب على جينا علشان فكرته بتعتمد على ان دواسه البنزين يتكون من اللى بتعمل بطريقه ميكانيكيه وليست اليكترونيه زى الموجوده فى المحروسه جينا (المصدر : فنى فى الشركه اللى بتركب المثبت ده بع ما فتح الكبوت واتاكد بنفسه)

ثانيا : كبوت لجينا ماليزى تقليد بـ 1100 جندى غير 150 جنيه الشنب الأمامى .... من الأخر جيب بتاع التوكيل مش هيفرق كتير 1500 جندى

ثالثا : اللى لا قدر الله عمل حادث امامى والأكصدام اتبهدل وطبعا موديل 2009 و 2010 محدش شامم ريحته فى السوق .... ودييه عند واحد بتاع فيبر كويس هيرجعهولك احسن من الأول ( المصدر : اعوذ بالله من كلمه انا )

رابعا : توكيل الأسكندريه ولا عنده اى خبر عن موضوع تعديل علبه الدريكسيون اللى ذكره العضو callsherif

خامسا : انا معايا كنز يارجاله .... تاتاتاتا .... طششش ....
رقم ميكانيكى فى التوكيل (الأسكندريه ) اللى عاوزه يبعتلى على الخاص .... بس انا لسه مجربتوش ... وبالمناسبه انا اخدته علشان باذن الله اعمل الصيانات بعد كده بره التوكيل

والأن سيداتى انساتى مع اخبار الكوارث الطبيعيه

سادسا : رحت بعيد عنكم امبارح اعمل صيانه 40000 كم واتكلفت 1375 جندى (حسبى الله ونعم الوكيل ) وبيانها كالتالى :
266 زيت 10000كم
41 فلتر زيت
112 بوجيهات
88 فلتر هواء
118 فلتر بنزين
22 زيت باكم
25 زيت باور
100 4ك زيت فلفلين
66 جركن مياه رادياتير
400 مصنعيات ( منهم لله )
غير ضريبه العصابات

سابعا : بحاول اوصل الى اتفاق مع شخص ما (مش عارف هو مين ) علشان أاخر الحادثه القادمه ليا لمده شهرين ولا حاجه (لأنى بعمل حادثه بالظبط كل أربع شهور يعنى بالحساب البسيط والمعقد 4 حوادث غير الخرابيش ) وكل ده علشان نفسى اجيب الجهاز dvd بتاع عرض ايمن لما ينزل فى التوكيل باذن الله ... وزى مانتوا عارفين اللى تعوزوا الحادثه يحرم على الـ dvd ..... ادعولى

والأن سيداتى انساتى سادتى مع الأخبار الخفيفه

ثامنا : كان عندنا واحد خواجه ( برتغالى او بلجيكى مش فاكر بالظبط ) شاف عربيتى وأعجب بيها جدا وقعد يتفرج عليها من جوه ومن بره وقاللى شكلها رياضى جدا (بالأنجليزى ) وصعق لما عرف تمنها

تاسعا : مبررررروك لدكتور عماد حصوله على الدكتوراه ..... والله انا احبه فى الله ..... وخاصه بعد ما اخد الدكتوراه علشان مش راضى يرد على تليفوناتى علشان اباركله ( ما انا اصلى بقيت من عامه الشعب)

دى كانت نشرتنا شكرا لمتابعتكم لنا

**jisso82** · 08-07-2010 01:09 PM

إسلام حبيب قلبى 1000 مبروك صيانة ال40000 و إن شاء الله ما يبقاش فيه حوادث تانى و واحشنا كلنا بجد و على فكرة أنا خلاص أخدت بنصيحتك و هنبقى زمل قريب إن شاء الله

**misho502** · 08-07-2010 01:11 PM

نشكرك على النشره
و يا ريت لما تجرب الراجل بتاع التوكيل ده بره تبلغنا فى نشره قادمه بإذن الله اخياره ايه و اسعاره كمان
و شكرررررررا

**x512** · 08-07-2010 01:50 PM

سادسا : رحت بعيد عنكم امبارح اعمل صيانه 40000 كم واتكلفت 1375 جندى (حسبى الله ونعم الوكيل ) وبيانها كالتالى :
266 زيت 10000كم
41 فلتر زيت
112 بوجيهات
88 فلتر هواء
118 فلتر بنزين
22 زيت باكم
25 زيت باور
100 4ك زيت فلفلين
66 جركن مياه رادياتير
400 مصنعيات ( منهم لله )
غير ضريبه العصابات

ليه 1375 جندي ؟؟ دا اسمو تقليب و ليه برضو 400 جنيه مصنعيات حرام....كت هات القطع دي مالتوكيل و ركبها بره عند اي ميكانيكي مضمون و كان كبيرو 100 جنيه دا يوم ما يبقي مضحوك عليك....التوكيل كدا بيقلبك

**densfog** · 09-07-2010 01:39 AM

المشاركة الأصلية كتبت بواسطة jisso82

إسلام حبيب قلبى 1000 مبروك صيانة ال40000 و إن شاء الله ما يبقاش فيه حوادث تانى و واحشنا كلنا بجد و على فكرة أنا خلاص أخدت بنصيحتك و هنبقى زمل قريب إن شاء الله

والله العظيم يا هيثوم واحشنى جدا .... ايه اخبارك متجوزتش لسه ؟ .... ربنا ييسرلك باذن الله ....واهم حاجه تشوف واحد كويس يفهم فيها علشان تعمل الصيانات وانت مطمن ... وخاصه فى موضوع رائع معمول عن بدايل قطع غيار جينا وبيرسونا .... يبقى كده باذن الله توفير كويس وفى نفس الوقت حفاظ على حالت العربيه

المشاركة الأصلية كتبت بواسطة misho502

نشكرك على النشره
و يا ريت لما تجرب الراجل بتاع التوكيل ده بره تبلغنا فى نشره قادمه بإذن الله اخياره ايه و اسعاره كمان
و شكرررررررا

لا شكر على واجب ياباشا .... وباذن الله بمجرد ما أجرب الراجل ده هبلغكم بالتطورات

المشاركة الأصلية كتبت بواسطة x512

ليه 1375 جندي ؟؟ دا اسمو تقليب و ليه برضو 400 جنيه مصنعيات حرام....كت هات القطع دي مالتوكيل و ركبها بره عند اي ميكانيكي مضمون و كان كبيرو 100 جنيه دا يوم ما يبقي مضحوك عليك....التوكيل كدا بيقلبك

بصراحه بعد المشاركه الجامده دى انا ان مروحتش ضربت الناس اللى فى التوكيل كلهم عن بكره ابيهم بمطواه .... يبقى انا معنديش دم ..... ربنا يقدرك على فعل الخير .... وطبعا تهديه النفوس

**أبومعاذ** · 09-07-2010 09:28 AM

ألف مبروك على الصيانة وأنا كمان شكلي هنضملك إنت وهيثم وباي باي عمو عز

**م.محمد مختار** · 09-07-2010 06:35 PM

المشاركة الأصلية كتبت بواسطة x512

ليه 1375 جندي ؟؟ دا اسمو تقليب و ليه برضو 400 جنيه مصنعيات حرام....كت هات القطع دي مالتوكيل و ركبها بره عند اي ميكانيكي مضمون و كان كبيرو 100 جنيه دا يوم ما يبقي مضحوك عليك....التوكيل كدا بيقلبك

ماهو احنا علشان نقتنع بالمبالغ دي لازم الأول نفهم معنى كلمة توكيل ....!!!

توكيل في الزمخشري جاية أصلاً من كلمة: "تأكيل" يعني المكان اللي بتروحه علشان تؤكل الناس اللي فيه!!!!!!!!!!

وبكده نكون فهمنا سبب دفع الفلوس دي ونعيش في سعاده وهناء ...

وحسبنا الله ونعم الوكيل

--