الموضوع: زلزال الحكومة المصرية لسوق السيارات من اول اغسطس2010

لأول مرة تهتم الحكومة بشكل حقيقي بسلامة وأمان المواطن المصري وللحد من مسلسل نزيف الأسفلت اللي بيعرض بنجاح ساحق في الشارع المصري له سنوات طويلة

بدأت الحكومة في تطبيق اول عشر مواصفات من قائمة تضم 127 مواصفة يجب توافرها في قطع غيار السيارات ثم في السيارات اللي هتدخل مصر او تصنع في مصر خلال الفترة القادمة

الموضوع اعتقد انه هيكون فعلا بمثابة زلزال لسوق السيارات وقطع الغيار المصري لأن عن طريق تطبيق الرقابة على مواصفات الجودة دي فيه قطع غيار كتيرة جدا هيتوقف استيرادها من الخارج وطبعا هي السلع الرخيصة ذات الجودة المنخفضة والمسببة لحوادث السيارات

اعتبارا من اول اغسطس 2010 لن يتمكن اي مستورد سيارات او مستورد قطع غيار او كاوتش او خلافه من ادخال سلعته بدون ان تكون حاصلة على علامة الجودة العالمية e-mark أو تم اختبارها من خلال واحد من 60 جهة فحص عالمية ومعاها شهادة الجودة للمنتج أو هيتم الكشف على المنتج هنا في مصر

المنتجات اللي بتشملها المواصفات العشرة اللي تم البدء بتطبيقها من اول اغسطس 2010 (وباقي ال 127 مواصفة هتطبق على مراحل) هي :

- تيل الفرامل
- الكاوتش
- الفوانيس واللمبات
- المرايات الداخلية والخارجية
- الكلاكسات
- اقفال أبواب السيارات
- عدادات السرعة
- محفز تنقية العادم


يعني مثلا مفيش مستورد كاوتش او تيل فرامل هيعرف يدخل اي كاوتش مستورد او تيل بعد 1 أغسطس 2010 الا اذا كان محفور عليه علامة الجودة E-mark او جاي معاه شهادة جودة من جهة فحص واختبار عالمية
وحتى العربية مش هتدخل الا لو مرفق بيها الشهادات دي

وده البيان من خلال موقع الهيئة العامة للمواصفات والجودة

http://www.eos.org.eg/Public/ar-eg/Testing+Organiztion/Cars/

من خلال الندوة اللي حضرتها في الهيئة العامة للرقابة على الصادرات والواردات والخاصة بتطبيق القرار الوزاري الخاص بالرقابة على مواصفات الجودة للسيارات واللي هتشمل 127 مواصفة ، بيقولوا ببساطة ان طول عمر صانع قطعة الغيار عنده 3 مستويات جودة وبضائعة على 3 رفوف الأول فوق لأوروبا وأمريكا والتاني في الوسط للخليج والتالت تحت لباقي دول العالم واللي منها مصر

انما من دلوقتي مطلوب من كل المستوردين في مصر يطلبوا من الصانع انه يصدر لهم المنتج اللي بيتم تصديره لأوروبا وامريكا يعني اول رف فوق مش التالت اللي تحت وده اللي هتتم الرقابة عليه بصرامة شديدة في الفترة اللي جاية

انا متفاءل لكن متخوف لأن ده معناه زيادة الأسعار لأن بدل ما هتلاقي في السوق 7 أنواع تيل فرامل لأي عربية فاعتبارا من اول اغسطس هتلاقي نوعين تلاتة بالكتير وكلهم غاليين انما الهدف الأمن والسلامة