صباح الفل يا شباب
عربيتي ميجان 2010 دخلت صيانه 15000 في المقطم من اسبوعين بالظبط ......... العربيه كانت مظبوطه وزي الفل راجع بيها من اسكندريه قبليها بيوم والعربيه ومفيهاش الهوا
خرجت من الصيانه حاسس بحدفه شمال جامده وحسيت ان الكاوتش اتلعب في ضغط الهوا بتاعه
رحت ظبطت الكاوتش في بردجيستون و عملت تبديل للاطارات طلعو ظابطين الاربع عجلات على 28
المهم برضه العربيه بتحدف
و شبه بتعوم في المناورات
الشنطه لوحدها والعربيه لوحدها
كده ما بقتش ميجان
راجعت فرع المقطم ...... قالي صيانه ال 15 مالهاش علاقه باللي انت بتتكلم فيه
العربيه عايزه ظبط زوايا وجهاز الزوايا مش شغال النهرده
سافرت اسبوع ورجعت تاني امبارح ........ز قالي الورشه زحمه ومستحيل تخش النهارده
رحت فرع العبور .... استقبلو العربيه ومقابلتهم زي الفل بصراحة
العربيه دخلت على ظبط الزوايا والنتيجه ان المساعد الشمال متني وعايز يتغير
وحاول ظبطها على قد ما يقدر
بس العربيه لسه بتحدف (الحدفه أقل بس موجوده)
والتعويم زاد .............. والدركسيون اللي كنت بحلف بيه بقى أتقل من الاول
المطلوب دلوقتي تغيير المساعد
والسؤال هل منطقي اني اغير مساعد بعد 15000
وازاي اسلمه العربيه سليمه مفيهاش الهوا استلمها كده بعد ساعة زمن
وازاي المساعد مش متغطي في الضمان
ومش المفروض لو غيرت الشمال اغير معاه اليمين كمان
انا بصراحه شايف ان الكلام كده مش طبيعي و التوكيل لازم يظبط العربيه في الضمان ولا انتو رأيكو ايه
المفضلات