السلام عليكم ورحمة الله وبركاته
الحمد لله بعد طول تفكير ومقارنات استقريت على اللوجان وانا هستلمها قريبا
فعايز منكم نصائح الاستلام .... وما بعد الاستلام .... وما قبل الترخيص
وجزاكم الله عنا كل خير يا اجدع ناس في الدنيا
تحياتي
عرض للطباعة
السلام عليكم ورحمة الله وبركاته
الحمد لله بعد طول تفكير ومقارنات استقريت على اللوجان وانا هستلمها قريبا
فعايز منكم نصائح الاستلام .... وما بعد الاستلام .... وما قبل الترخيص
وجزاكم الله عنا كل خير يا اجدع ناس في الدنيا
تحياتي
إزيك أستاذ محمد مبروك عليك مقدما
طبعا أهم حاجة خليهم يشيلو الاصق البيحمى العربية وإتأكد إنه كان موجود..إتأكد بعد كده من الدهان كويس يعنى الخدوش والاذى منه ...إتأكد إن مفيهاش أى حكه...
ثانيا إتأكد من التكييف وخليه يجربهولك ..إتأكد من سلامة الأنوار ...وخلى بالك المارشيدير لمبه واحده
إتأكد من سلامة المساحات والرشاشات الخاصة بالمساحات...إفتح وإقفل الأبواب كلها وإتأكد من سلامتها ..
جرب السنتر الداخلى والإزاز ....جرب الريموت لو فول أبشن...بص على الفرش وإتأكد إن مفيش حاجة مقطوعة..
طبعا إن شاء الله 99% من الحجات دى حتبقى سليمه لإن التقفيل حلو والعربية جديده بس زيادة إطمئنان.
ولو العربية فول أبشن أستفسر على كل حاجة فى كمبيوتر الرحلات...
طبعا إتأكد برده من الكتالوج والضمان...وطبعا حتضطر تأجر نمر تجارية تقريبا اليوم بخمسين جنيه...وبعد ما تخلص المرور وتستلم الرخصة حيحسبلك كام يوم للنمر التجارية وحيحسبك عليها...وبالرخصه حيختملك على الضمان.
بالتوفيق إن شاء الله
كلمات الشكر غير كافيه .. جزاك الله خيرا وحفظك ورعاك
العربيه ان شاء الله كامله... وان شاء الله هاخد بالي من كل الملحوظات الي ذكرتها
بس لو لقيت العربيه من غير اللاصق الابيض الي بيحمي العربيه ... يعني اتشال قبل ما انا اشوفها ... هل ده فيه مشكله؟
وانا باشوف عربيات كتير في الشارع جديده من غير نمر... فهل موضوع النمر التجاريه بقى واجب دلوقتي؟
تحياتي لحضرتك
العفو وجزانا الله وإياكم كل خير...بالنسبه للاصق هو ضمان إن العربية متكونش إتجرحت ...وغير كده حماية من الشمس....على العموم إتأكد بس إنه كان موجود ولو مكانش موجود بص بس كويس على العربيه ومش حتكون مشكله يعنى لدرجة إنك متستلمش...
بصراحة حكاية النمر التجارية دى المفروض إنها واجبه عشان العربية يكون ليها هوية محددة ...بصراحة أنا أجرت النمر دى 6 أيام...وربنا يباركلك فيها إن شاء الله...ويديك خيرها ويكفيك شرها.