السلام عليكم ...
يا جماعة حد يعرف سعر تابلوه الشاهين الجديد كام
و ازاي الواحد ممكن يروق كده تابلوه العربية ....يعني لو فيه جروح و تشققات و لونه بهت ... هل فيه علاج
و شكرا لكم مقدما
عرض للطباعة
السلام عليكم ...
يا جماعة حد يعرف سعر تابلوه الشاهين الجديد كام
و ازاي الواحد ممكن يروق كده تابلوه العربية ....يعني لو فيه جروح و تشققات و لونه بهت ... هل فيه علاج
و شكرا لكم مقدما
انا سمعت انه ب 2750 جنيه او في الحدود دي .. خراب بيوت يعني .. الحل :
تروح الحرفيين - اسال علي حربي السروجي - قوله يا عم حربي عاوز اكسي التابلوه ده ... و ياسلام بقي لو كساه لون سكري او احمر حسب اللون بتاع العربيه من بره و الفرش جوه .. دلعه كده و عم حربي هايظبطك ..
شكرا يا باشا على النصيحة
بس هو الكسوة دي مش تتبهدل مع الوقت ...يعني هي بتبقى هي و التابلوه حته واحدة ...و بالنسبة لباب مكان التخزبن الي في التابلوه هل ليها حل ولا هيتلغي كده
يا ريت بقى تكمل جميلك و تقولي ادلع العدادت ازاي ....انا بشوف تاكسيهات في عدادات بيضا و برتقالي شكلها جميل
بس معرفش بتجاب منين ؟
وشكرا مقدما يا معلم
بص يا عم .. انا هاقولك بقي ( اصل احنا عندنا تاكسي من اللي انت بتتكلم عليهم هههه) ..
اول حاجه تعملها ..اسال علي سعر التابلوه دلوقتي .. لو لقيته في سعر متناول اليد و حاجه حلوه كده (اللع يرحم ايام ما كنت باجيبهم ب 500 جنيه ) .. و عرفت تجيب واحد منهم .. يبقي خير و بركه .. ماعرفتش .. يبقي يكسهولك جلد ..(الكسوه دي هايبقي نفس الشكل الحالي .. زيه بالظبط بس بيحطلك زي قشره فوق القشره اللي اتشققت دي و خلاص)
الجلد بيعيش و حلو و مابيتشققش و مابيجرالوش حاجه ..و كل حاجه هاتشتغل زي ما هوه .. و ممكن تنقي لون تاني كمان (روح بس انت لعم حربي ده خطيرو هوه هايقولك) ..
العدادات دي بقي يا سيدي عاوزه واحد بتاع الاستيكرات .. (شارع دمشق باين .. لاحظ ان انا من خارج القاهره) .. هاتفك العدادات بتاعتك عند كهربائي .. تاخدهم علي واحد بتاع استيكرات .. و هوه هايدلعك علي الاخر (خليه يكتب اسمك علي العداد من جوه بخط صغير كده .. حته دلع اهه ههه)
تسلم يا باشاااااا
انا مش عارف اشكرك ازاي
طيب معلش سوال اخير ....موضوع الاستيكرات ده بياخد وقت ؟ ولا هعملهم على طول كده و انا واقف معاه ...
و شكرا مجددا
ماتشكرنيش يا حج ... حوللي رصيد علي رقم زيرو ستاشرصفرين مافيش ستاشر ماتلاقينيش ... مش مهم الباقي بقي ههه
الاستيكرات هاتاخد وقت طبعاُ .. بس الوقت اللي هاتاخده في فك و تركيب لعدادات و كده .. انما لزق الاستيكر نفسه مابياخدش وقت ;)
السلام عليكم
انت ممكن تعمل حاجة بتكلفة اقل خالص
ممكن تغير اللمبات بتاعة التابلو باى لون انت عايزة فى الوان كتير موجودة انا عامل كدة عندى فى 128 عامل لون تلجى ابيض شكلة تحفة بس مزود عدد اللمبات عشان نور الاساسين مش كفاية
شكرا يا جماعة على النصايح
الافكار كتيرة بس الوقت ...مشكلتي اني مش بلاقي وقت اظبط فيه العربية بمزاج يدوب الشغل و اروح انام
شكركم جميعا