خلاص .. إن شاء الله آخر كلام بجد

**tefafathy1** · 08-07-2010 04:49 PM

آخر كلام .. و إن شاء الله مافيش رغى تانى فى الموضوع ده ..

تنصحونى بالإلنترا اللى فيها abs و زى الفل كده , وللا أجيب كيا سول اللى مش منتشرة و إن شاء الله خير و ماقابلش أى مشاكل بسبب عدم الأنتشار و كده ..

على فكرة انا ماعنديش حته الخوف من عربية مش منتشرة و لازم تبقى الناس كلها راكباها عشان تكون متجربة و مش عارف ايه ,, لأ عادى ,, بس أهم حاجة تبقى عربية سمعتها كويسة , و مافيش عيوب صريحة زى السيراتو فى نشفان العفشة و زى الكروز فى ضيق الكنبة و وطى العربية و عدم تغطيه العربية من الأسفل ..

بس سؤال كمان .. هل توكيل غبور سئ لدرجة انى ماجبش عربية هيونداى و أجيب كيا حتى لو كان رأيكم أن إنتشار و نجاح الالنترا و خصوصا لما يكون فيها abs يجعلها الأفضل و الأكثر ثبات و الأرخص فى قطع الغيار !؟

انا عن نفسى بصراحة شايف السول = الأجمل من الداخل , بعض الملاحظات على المظهر من الخارج , توكيل محترم , رفاهية أعلى , وشكل أجدد و مش هتغير لفترة
الالنترا = عربية مجربة و جيدة و حصلت على إحترام الناس لأكثر من عام , و تقريبا يعيبها شكلها اللى أصبح تقليدى و الوكيل اللى سمعته سبقاه بمراحل ...

منتظر رأيكم .. و أسف للأطاله

**Hondawy_2008** · 08-07-2010 04:54 PM

كيا سول شكلها ألذ و على فكرة ابتدت تبقى منتشرة هو يمكن اللي مقلل شوية مبيعاتها الكارينز

**tefafathy1** · 08-07-2010 06:00 PM

انا كمان حاسس بكده , بس بقلق من الأراء اللى بتقولى ماتجازفش العربية لسه جديدة و لم تثبت كفائتها بعد ...
رأيكم ايه يا شباب ؟؟

**amrseba** · 08-07-2010 06:17 PM

اولا يا باشا الانترا مفهاش ثبات وده من على لسان صاحبها ياعنى تمشى فى طريق مستقيم حلاوه تحب تاخد غرز انسا وطبعا ده الى متعودين عليه من هيونداى وكمان مفهاش امان

الكيا سول واخده 5 نجوم فى اختبارات السلامه

وكمان شكلها احسن و وكمان فيها ثبات عنها واعتقد قطع غيار السيراتو هيا هيا السول الماتور واحد تقريبا بس اعضاء كيا يعروفو اكتر منى

ووجه نظرى خلاص الانترا بقى شكلها قديم وقديمه حتى وهيا ماشيه فى الشارع مش مبهره ياعنى الواحد لما بيشوف عربيه مش منتشره بيبقى معجب بيها انا بكره اى عربيه منتشره

**tefafathy1** · 08-07-2010 07:12 PM

كلامك مقنع جدا .. انا تقريبا بدأت أقتنع يالسول , بس الحاجة الوحيدة دلوقتى اللى قلقانى منها قطع الغيار و الخامات , خايف من عدم انتشارها يؤثر بالسلب على سعر و انتشار قطع الغيار بالأضافة الى انى بصراحة و بينى و بينك بكره الأوكرة بتاعة الباب اللى بتتفتح لفوق , مش بتتشد , بحس انها بتدى نوع من الفقر للعربية .. و بحس انها ضعيفة اوى .. ممكن تقول على احساسى ده تافه , بس بجد بحس بكده :(

**amrseba** · 08-07-2010 07:19 PM

يا باشا قطع غيار الماتور هيا هيا السيراتو عشان بتشترك معها هيا و الكرينز

وحكايه اوكر الباب ديه ياعنى انت هتفضل تفتح وتقفل فى الباب كل شويه المهم تبقى راكب فى العربيه مكيفاك و داخله دماغك ومعجب بيها

**M.Osman** · 08-07-2010 09:14 PM

المشاركة الأصلية كتبت بواسطة amrseba

اولا يا باشا الانترا مفهاش ثبات وده من على لسان صاحبها ياعنى تمشى فى طريق مستقيم حلاوه تحب تاخد غرز انسا وطبعا ده الى متعودين عليه من هيونداى وكمان مفهاش امان

هو بيتكلم على الفئة اللي فيها abs و ايرباجز
ثانياً الـإلانترا = i30 اللي واخدة 4 نجوم في الأمان

Hyundai i30 | Euro NCAP - For safer cars crash test safety rating