كنبة الصنى ضيقة ... فهل الكراسى الأمامية مريحة

**alrabeh** · 08-07-2010 05:17 PM

كنبة الصنى ضيقة عن باقى العربيات من نفس الفئة فهل الكراسى الأمامية مريحة بالنسبة للأشخاص اللى وزنهم زيادة شوية يعنى هل هى بس للى أجسامهم صغيرة
طبعا انا ركبت فيها بس مش حاسس ان كراسيها زى كراسى السيراتو والإلنترا والأكسنت والأوبترا
علشان كده الناس اللى بتركب العربية لمسافات لأن تجربتى فيها كانت فرجة بس لدقائق رأيهم ايه بالظبط قبل ما أتوكل على الله وآخد قرار الشراء خاصة ان الموضوع ده يهمنى جدا فياريت اللى يرد ما يبخلشى علينا بالتفصيل الممل فى هذه الجزئية وشكرا لكم

**eng.octooo** · 08-07-2010 05:24 PM

انا من اصحاب الاوزان التقيلة والكبيرة والمعقدة والى بيطلعلى 3 ارقام على الميزان

هههههههههههههههههههه ...لا بجد العربية مريحة فى المسافات الطويلة و مأدى الغرض ومش متعب

**mohamedhamam** · 08-07-2010 05:30 PM

الكراسى الأمامية مريحة و الكنبة الخلفية بالفعل ضيقة و لكن يمكنك تظبيط الكراسى الأمامية لتجاوز هذه المشكلة و فى الوقت نفسه الشنطة بسم الله ما شاء الله لن تجد مثيل لها فى وسعها فى أى عربية تانية علشان كده كل ملاك النيسان بيطلبوا تعديل الموديلات الجديدة بأخذ مساحة صغيرة من الشنطة لحل مشكلة ضيق الصالون الخلفى

**alrabeh** · 08-07-2010 05:37 PM

ما شاء الله على الردود السريعة ربنا يكرمكم ومنتظر ردود باقى الأعضاء المحترمين

**Bishoy.Girgis** · 08-07-2010 06:33 PM

بص هقول لك علي حاجه حضرتك
انا بختلف مع الاعضاء الاحباء في ضيق الكنبة الخلفية لسبب انا اه من الناس اللي برجع الكرسي بتاعي وار شوية و اللي بيقعد علي الكنبة ورا الكرسي بتاعي مش بيبقي مستريح لسبب ضيق المسافة انما الكرسي اللي جنبي لما بيقعد عليه حد مستريح بيكون اللي قاعد وراه علي الكنبه الخلفية مستريح ايضا.
و فعلا انا مع الاستاذ محمد همام ان فعلا شنطة العربية ملهاش مثيل و تأكيد لكلامي ان العربية كنبتها مش ضيقة .
انا العربية اللي كانت معايا في الاول تويوتا كورولا 1996 و كانت نفس النظام بالظبط و نفس الكلام اللي انا قولته فوق لكن فعلا شنطة العربية النيسان اكبر شوية من شنطة الكورولا اللي كانت معايا
و اي خدمة

**alrabeh** · 09-07-2010 11:10 PM

أتمنى المزيد من الردود

**nour** · 09-07-2010 11:30 PM

الكنبة الأمامية واسعة و مريحة والكنبة اللي ورا ضيقة لو الاتنين اللي قدام طوال يكون هناك بعض الانزعاج للجالسين في الخلف

**tarekmomo** · 13-07-2010 01:35 AM

هى فعلا النبة الى ورا ضيقة بس الكراسى الامامية معقولة

**alrabeh** · 13-07-2010 05:24 AM

أيها الإخوة الأعزاء مالكى النيسان وخاصة اللى ركبوا سيارات تانية كراسيها أريح
هل مزايا النيسان تغطى على موضوع ضيق الصالون
السؤال الحقيقى هل النيسان تستاهل شراؤها على الرغم من وجود هذه الملاحظات على الصالون