الموضوع: كنبة الصنى ضيقة ... فهل الكراسى الأمامية مريحة

المشاركة الأصلية كتبت بواسطة alrabeh

فى الإتنين أخى الفاضل سواء فى عرضها او فى المسافة بينها وبين الكراسى الأمامية
وللأسف ملحوظة بشكل كبير
يعنى قاعدة عجلات الأوبترا من واقع المانيوال أكبر ب 6 سم من قاعدة عجلات الصنى
وقاعدة العجلات هى اللى بتحدد اتساع الصالون
يعنى لما تركب الصنى وبعدين تنزل منها وتركب الأوبترا تحس بإختلاف انا بأعتبره كبير سواء فى تنجيد الصالون وكذلك فى ارتفاع الكراسى الأمامية بعض الشئ مما يعطى راحة أكبر
وكمان عرض الصالون أكبر من عرض صالون الصنى ، شكلهم كده كانوا عاملين الصالون لذوى الأحجام الصغيرة اللى فعلا مش فارقة معاهم كل الكلام اللى بأقوله ده لأنهم ببساطة مش بيرجعوا الكراسى للوراء فاللى قاعد ورا مش بيتضايق

فبجد صنى حطت الواحد فى حيرة بين ان كل حاجة فيها تحس فيها بالقوة والإعتمادية وبين ان الصالون الضيق وهو ده اللى احنا بنقضى فيه مشاويرنا جوة العربية يعنى مش شئ فرعى بل هو من أهم الأساسيات

انا مع حضرتك فى كل كلمة و انا فعلا ركبت الاوبترا صالونها واسع فى الطول و العرض,انا اساسا بفكر فى الصنى لانها كل حاجاتها يابانى و بتتجمع هنا بس,بس اعتمادية حلوة و ماتور حلو و كله حلو الصراحة فيها
بس المشكلة زى ما حضرتك تفضلت و قولت هى الصالون,حاجة تغيظ فعلا

المشاركات قليلة جدا
أرجو الإضافة من مالكى الصنى المحترمين

حضرتك لو رجعت لمشاركتى الأولى فى السؤال والإستفسار عن هذا الموضوع ذكرت انى جربتها وركبتها هى والأوبترا ولقيت الأوبترا وكمان السيراتو اوسع
ولكنى طلبت من الناس اللى معاهم العربية وبيستخدموها لمسافات طويلة يقولولى هل العيب ده يخلينى اروح لعربية تانية ولا لأ
خصوصا انى ركبتها لدقائق معدودة فى المعرض
وشكرا جزيلا لمشاركة اخى الفاضل hany-mohamd اللى فهم استفسارى ورد عليه بالظبط