شرطة عديمة الرحمة

**abo_lamar** · 08-07-2010 06:51 PM

امبارح كنت في ميدان باب اللوق ووالدتي كانت معايا وهي مريضة بالسكر وتعبت فجاءة واحنا ماشيين بالعربية رحت راكن قصاد التميمي بتاع الموبايلات وجريت على الصيدلية اللي جنبه عشان اجبلها الدواء بتاعها ولما رجعت لقيت الباشا امين الشرطة عاملي مخالفة انتظار في الممنوع على الرغم ان والدتي قالتله ابني بيجبلي الدواء عشان مريضة طبا افتكرها بتقول كده بس ولما رجعتله وقلتله دي كلها 3 دقائق رحت وجيت طبعا الاسطى كان عايز المعلوم بس قولتله في ستين داهية لاني ماكنتش فاضي ولا فايقله عشان ادي امي الدواء بسرعة .
ادي بلدنا شوفوا بقت ازاي .... ولو انا عندي واسطة أو معرفة ولا كان قرب عندي الواد بتاع الشرطة ده .
عجبي ..!!

**Karim_Mohy** · 08-07-2010 07:02 PM

ربنا يرحمنا............

وربنا يتم شفاء الوالدة ان شاء الله

**mmffor** · 08-07-2010 07:05 PM

may ALLAH have mercy on us from those heartless police force

**powersha** · 08-07-2010 07:12 PM

الف سلامه على الولده وربنا يشفيها

وده حال كل امناء الشرطه علشان يخدو فلوس واحسن انك معبرتهوش
وعلى فكرهه 90 % مش يحسبلك مخلفه
هم بيجو كه فى اى حته ومعاه ورقه ويكتب فيها ارقام العربيات الى وقفه واول ميجى صحبها يمصلحو عليه

حسبنا الله ونعم الوكيل فلى خلى العسكرى الشرطه ولا اكنه رائيس جمههوريه

**ابو فرح** · 08-07-2010 08:47 PM

الف سلامه على الحاجه

**ASL** · 08-07-2010 09:20 PM

الف سلامه على والدتك وان شااء الله تبقى كويسه
وماتزعلش من اللى حصل
قول حسبى الله ونعم الوكيل وان شاء الله ربنا هايعوضك بس اوعى تزعل نفسك او تكون متضايق
واعرف ان من لا يرحم لا يرحم

**beeboo2005** · 08-07-2010 10:06 PM

ألف سلامة للوالدة. و با ريت تهتم بالتضبيط الجيد للسكر لأن هذا المرض له مضاعفات كثيرة و خطير جدا لمن لا يتابع سكره بعناية لدى طبيب سكر متخصص

**Abouhaidy** · 08-07-2010 10:09 PM

الف سلامة للوالده
وقول دايما ربنا موجود

**ahmedhilmy** · 08-07-2010 10:23 PM

الف سلامة علي الوالدة و في ستين داهية المخالفة طالما من فئة ضالة زي اللي بتحكي عنها اللي مش بتقدر المواقف الطارئة و صدقني ربنا هيعوضك الاحسن انت كنت نازل لولدتك