أسعار قطع الغيار فى الوكيل

**aaet1** · 08-07-2010 07:53 PM

مساء الفل يا جماعة .... حبيت ومن واقع انى لسه من كام يوم مغير حاجات عندى فى العربية بعد الخبطة اللى اتخبطها أنى افتح الموضوع ده وكل واحد غير حاجة فى الوكيل لأى سبب وبالتالى يعرف سعرها يكتبها علشان الكل يستفيد وانا هبدأ أهه

1- فانوس يمين:950
2- فانوس شمال 1010
3- اكصدام أمامى 1250
4- صدر 1150
5- فانوس ضباب 450
6- كارتيرة أمامى شمال 130

وأى حد من حضراتكم هيضيف حاجة أنا هضيف بعديه رد جديد أجمع فيه كل حاجة بحيث يبقى دايما آخر رد فى الموضوع ده فيه كل أسعار قطع الغيار عند الوكيل
تحياتى

**morasystem** · 08-07-2010 08:10 PM

معلش ممكن سؤالين ؟؟

ليه الفانوس الشمال أغلى من اليمين ؟؟

و ايه الصدر ده ... مكانه فين من الاكصدام ؟؟؟

**aaet1** · 08-07-2010 08:27 PM

بص يا فندم بالنسبة لفرق السعر بين الفانوسين فده راجع ان واحد من رسالة استوردها الوكيل والتانى كان فى رسالة تانية فحصل فرق السعر

أما الصدر فده عبارة عن جزء أمامى فى وش العربية مصنوع من صاج خفيف وفبر ممسوك فيه الاكصدام ومتحملة عليه الفوانيس والرادياتير

**revel_sony** · 08-07-2010 11:04 PM

مشكور ياجميل علي الموضوع الجامد ده وربنا يستر طريقك ويجعلها اخر الاحزان

**alzwawy** · 08-07-2010 11:10 PM

المفروض انت ملكش دعوه الحاجات جت في انهي رساله المفروض الحاجه ليها سعر محدد ملكش دعوه انت دي جايه امتي و فين و لمين طيب ما انا ممكن اقولو مش عاوزه انا عاوز الاتنين في نفس الرساله هما بس حبو يعملو سبوبه من وراك مش اكتر

**bolok** · 09-07-2010 12:26 AM

المشاركة الأصلية كتبت بواسطة alzwawy

المفروض انت ملكش دعوه الحاجات جت في انهي رساله المفروض الحاجه ليها سعر محدد ملكش دعوه انت دي جايه امتي و فين و لمين طيب ما انا ممكن اقولو مش عاوزه انا عاوز الاتنين في نفس الرساله هما بس حبو يعملو سبوبه من وراك مش اكتر

يمكن يقصد يا زواوي ان الفانوس الشمال كان في منه مخزون بالسعر القديم .. اما اليمين لما تم استيراده بعد ما خلص من عندهم جابوه بعد ارتفاع اسعار الدولار بالسعر الغالي الجديد اللى حيتم تطبيقة على الشمال لما يستوردوه ... حد فهم منى حاجة ؟

**waleedelpiloot** · 09-07-2010 02:48 AM

على فكرة على طوووول فى اى عربية الشمال اغلى من الليمين
انا كنت فى توكيل فورد مع واحد صاحبى بيجيب فانوسين قادم بردوا الشمال اغلى من الليمين
سالنا بتوع قطع الغيار قالوا ولله ما نعرف هية الاسعار بتيحى كدة من برة
يمكن الشمال عندهم بيتكسر كتيير ههههههههه