عربية فى حدود 80000 ألى 90000 مانيول

**sunware** · 08-07-2010 08:34 PM

السلام عليكم ورحمة الله وبركاته

أنا عضو جديد منضم للمنتدى

عايز اشترى عربية ثانية للبيت فى حدود 80000 ألى 90000 مانيول

معايا حاليا
i30 2009 مانيول
و لانوس II 2007

اللانوس بأذن الله تعالى أتباعت

محتاااااااااااااااااااااا اااااااااااااااااااار

جين 2
و لا
كيا ريو 1400
و لا
رينو (كليو) سيمبول

(الفيات مليش فيه و خصوصا انى اسكندرانى و صيانة فى الإسكندرية عند طارق اسماعيل و انا مش بحبهم لوجه لله )

(أحتمالات المستعمل المتاحة رينو ميجان 2006-2007 او كيا سيراتو 2006 أو تويوتا كورولا 2005 )

بس انا بفكر فى الجديد اكتر و بشدة و مخلى حل المستعمل دا فى اخر القائمة
و طبعا مش بفكر فى اى حاجة هيونداى (غبور و ما ادراك ما غبور)

انا اتفرجت على الجين 2 و عجبتنى
بس خايف من خامات الصالون بشدة و خصوصا ان عندى اطفال من كوكب زحل

بيتعاملوا مع العربيات كأنها أدوات قتال

تنصحونى بأية و بسرعة ارجوكم

قبل ما أتهور و ابيع i30 و ادخل الأتنين فى بعض و اجيب عربية واحده اجمد
و يبقى بكدا ضمنت انى انطرد من البيت

و احتمال يهدر دمى؟

النصيحة لوجه الله ، ساعدوا اخوكم العاجز المسكين،

**ramyar** · 08-07-2010 08:55 PM

الجين2 خامات التابلوه بتاعتها كويسه الاول في موديلات لغايه 2008 كان ممكن السلفر يقشر مع الاستخدام القاسي لاكن دلوقتي لاء انتا ممكن تتفرج علي العربيه وتحدد

**sunware** · 09-07-2010 01:50 AM

المشاركة الأصلية كتبت بواسطة ramyar

الجين2 خامات التابلوه بتاعتها كويسه الاول في موديلات لغايه 2008 كان ممكن السلفر يقشر مع الاستخدام القاسي لاكن دلوقتي لاء انتا ممكن تتفرج علي العربيه وتحدد

أشكرك على سرعة استجابتك و نصيحتك

أنا رحت المعرض فى داون تاون و اتفرجت عليها و سألتهم على موديل 2011 و اذا كانت مواتير ال cps حتنزل و لا لأ

طبعا و كعادة أى توكيل فى مصر

لا يوجد اى معلومات عندهم عن اختراع اسمه cps و لا عن ال gen2 الجديدة Twin-Color

Welcome to Proton Edar

و قالوا بالحرف الواحد الموديلات دى بره مصر انما هنا ما يوجد و ما سوف يكون متاح حتى 2099 هو ما امامك فقط.

**Turbo_Diesel** · 09-07-2010 04:43 AM

[

أنا رحت المعرض فى داون تاون و اتفرجت عليها و سألتهم على موديل 2011 و اذا كانت مواتير ال cps حتنزل و لا لأ

طبعا و كعادة أى توكيل فى مصر لا يوجد اى معلومات عندهم عن اختراع اسمه cps و لا عن ال gen2 الجديدة Twin-Color

Welcome to Proton Edar

و قالوا بالحرف الواحد الموديلات دى بره مصر انما هنا ما يوجد و ما سوف يكون متاح حتى 2099 هو ما امامك فقط.[/QUOTE]

و أكيد قالك يا باشا الحة احجز عاشان في سحب كتير علي العربية ومش عارفين هيكون فيه تاني دلوقتي و لا لأ...

أنا رحت اتفرجت برده كام مرة في داون تاون

**sunware** · 09-07-2010 07:10 AM

المشاركة الأصلية كتبت بواسطة Turbo_Diesel

و أكيد قالك يا باشا الحة احجز عاشان في سحب كتير علي العربية ومش عارفين هيكون فيه تاني دلوقتي و لا لأ...

أنا رحت اتفرجت برده كام مرة في داون تاون

هم بصراحة مش عايزين عملاء

اقصد عايزين مقدم حجز بس 500 ج و الأستلام فى خلال يومين فى حالة توفر اللون

المشكلة فى الجهل بإمكانيات السيارة و عدم معرفة ما لها و ما عليها

نفس المشكلة واجهتها برضه مع أباظة لما اشتريت الهيونداى منهم

تقريبا كل البائعين فى معارض السيارات عجينة واحدة

**أبومعاذ** · 09-07-2010 10:04 AM

لو لقيت كورولا الشكل القديم 2005 بس حالة كويسة جدا هاتها هتبقى أفضل من الجين 2 في توفير البنزين و التكييف أحسن والصالون أوسع بس ثبات أقل بكتير وموتور أضعف من بتاع الجين والكماليات متقاربة في الاتنين بس في نفس الوقت الزيرو زيرو يعني العربية المستعملة بتبقى راكبها وممكن يظهر فيها عطل في أي وقت لكن الزيرو مفيش الكلام ده

**eng_ahmedryad** · 09-07-2010 03:45 PM

ممكن صني أو بيرسونا

وأنا لو مكانك كنت جبت ألنترا بدون تفكير

وصيانتها في أي مركز صيانه معتمد

**ahmed_h_g** · 10-07-2010 12:25 AM

http://www.nilemotors.net/Nile/138352-2010.html

**أبومعاذ** · 10-07-2010 03:38 AM

المشاركة الأصلية كتبت بواسطة sunware

مشكلة العربيات المستعملة فى مصر

أنها و لا مؤخذة

بطيخة انت و نصيبك

و الكارثة الأكبر لما تكون واحدة ست هى ألى حتركب المستعمل ،،يعنى يبقى فى اصوات و مشاكل و حوارت بتحصل فى العربية و تيجى انت تكتشفها قدراً لما تسوقها،، تسأل المدام يا ستى انت مسمعتيش صوت كذا أو كذا

ترد عليك ببراءة سيدات مصر المعهود

أه سمعت بس مركزتش

و عيش بقى انت يا معلم مع المكانيكى شوية و الكهربائى شويتين و العفشجى 3 شويات (طبعا مش نتيجة سواقتهم الجميلة و الممتعة و الحكيمة) لأ دا نتيجة الشوارع بنت ستين فى سبعة و ستين :_alshmokh08[1]:

ما علينا ما علينا

المستعمل يا سيدى الفاضل لأسف الشديد جدا بتكون مشاكله المختفيه اكثر بكثير من بعض مشاكل التقفيل البسيطة الى الناس بتكلم عنها فى الجين 2.

المشكلة فقط فى ان المبلغ 85000 محتاج تفكير مش اكتر و عشان الواحد ميحسش بالندم بعد ذلك

و أنا نفس انضم لرابطة مشجعى البروتون و اكون جنياوى اصيل

بس الفلوس فى الزمن ده عزيزة فى المجئ و سريعة فى الهرب، فلازم الواحد يفكر 100000000000000205666 مرة قبل الشراء.

ما دمت عايز تريح دماغك من قرف المستعمل يبقى استخير وتوكل على الله وهات جين2 أو بيرسونا ومش هتندم بأذن الله

الموضوع: عربية فى حدود 80000 ألى 90000 مانيول

LinkBack

أدوات الموضوع

عرض

-

-

-

-

-

المواضيع المتشابهه

ساعدوني انا احتارت..عايز اشتري اول عربية ليا حدود 76000 وممكن لحد 80000 كما

ما افضل عربية فى حدود 90000

عاوز عربية في حدود ال 80000 انصحونيييييي

تيجو 1600 مانيول 80000 جنيه

يا جماعة من فضلكم حد يساعدني عايز عربية في حدود 90000

الكلمات الدلالية لهذا الموضوع

المفضلات

المفضلات

ضوابط المشاركة