الموضوع: كاوتش 14 ولا 13

المشاركة الأصلية كتبت بواسطة swimmer25

ده فعلا المقاس الصح ان شاء الله
واوعي حد يقنعك بمقاس اكبر ويقولك هيرفع العربية وهيظبط وحاجات من دي

لا يصح الا الصحيح

هما فعلا وانا باشترى فى المحل كانوا عايزينى اشترى مقاسات مختلفه بس انا كنت ماسكه الكتالوج ومصممه على المقاسات المطلوبه وكمان التاكد من سنة الصنع للكاوتش الجديد وكان الراجل مستغرب جدا ان سنة الصنع تكون على الاقل اخر2009 لان طبعا ماكنش عنده اى حاجه 2010 وبالنسبه للسعر ال5 جنوط حديد نوبيرا 14 فى حاله ممتازه حوالى 500 او 600 جنيه مش فاكره بالضبط اما الكومهو فالكاوتشه ب 220 تقريبا بعد المفاوضات وطبعا عملت عنده ترصيص كمان
بالنسبه للمحل هو فى شارع احمد سعيد بس حتدوخ شويه علشان تلاقى 5 جنوط نوبيرا وتقعد مستنى ساعه عقبال ما يدور عليهم فى المخزن ويقعد يقولك خد اى نوع تانى ويعملوا شوية افلام كده بس عامة لا تيأس وربنا يوفقك

المشاركة الأصلية كتبت بواسطة ahmedhilmy

وحضرتك جبت الجنوط الحديد دي منين

من شارع احمد سعيد وافتكرت سعرهم كان الخمسه بحوالى 450 جنيه متهيألى السعر غالى بس انا ما صدقت لاقيتهم وما عرفتش افاصل معاه قوى بس هما ما شاء الله حالتهم كويسه

المشاركة الأصلية كتبت بواسطة alaasaid

السلام عليكم ,

ممكن حضرتك نعرف اسم المحل فى احمد سعيد , ان شاء الله انا هغير برضة الكاوتش بس على نفس الجنظ 13 بالمقاس 13/65/185

و جزاكى الله خيرا

الصراحه انا مش فاكره اسم المحل بس هوه كان اكبر محل هناك فى شارع احمد سعيد نفسه واتجاهك للعباسيه يبأه على ايديك الشمال وكان قصاده ابو اليزيد بتاع الشكمانات حتلاقيه مطلع اكبر كمية كاوتش وجنوط للعرض متعلقين خارج المحل وربنا يوفقك