استفسار بخصوص السنسور

**bolok** · 09-07-2010 12:13 AM

السلام عليكم ورحمة الله
عندي استفسار بخصوص سنسور الركنة ... هل هو مفيد ولا ماتنصحوش به ... هل يستاهل انى اخرم في الإكصدام علشان حاحس انو حيخرم في قلبي .... وهل تركيبوا صعب .. ومين افضل واحد يركبوا في شارع دمشق ؟
ولو تعرفوا نوع كويس وسعرو كام ؟؟؟
اشكركم جميعا مقدما ...

**dromar** · 09-07-2010 01:02 AM

السلام عليكم و رحمة الله و بركاته

بالنسبة للسينسور ... هو أكيد مفيد ... خصوصا لو حد بيلاقى صعوبة فى ركن العربية موازى للرصيف

و فيه منه كذا نوع ... فيه منه نوع ب 140 ده بالتخريم متهيألى ده صوت بس ... فيه منه نوع تانى ب 240 ده 4 سينسورز و بالشاشة ... فيه منه نوع ثالث 4 سينسور و كاميرا خلفية و مراية صالون بها شاشة للكاميرا و ده تقريا ب 500 (أكتر أو أقل)

**dromar** · 09-07-2010 01:11 AM

أه نسيت أقول لحضرتك كمان ... لو مش عايز تخرم فى الاكصدام يعنى ... فيه نوع كان نزل من فترة كدة فى السوق ... كان بيتلزق على الإكصدام من جوة و بيشتغل Electromagnetic

كان عامل حوالى 350 بس معتقدش إنك هتلاقيه لأنهم بيستوردوه بالواحدة

و على فكرة التخريم مش صعب ... لأنه الراجل بيخرم ببنطة على قد مقاس السينسور و بتبقى جاية مع العلبة بتاع السينسور ... مش ببنطة شنيور عادية ... و بيزبط المكان بالسنتيمتر

**bolok** · 09-07-2010 01:30 AM

اشكرك على ردك واهتمامك ... طيب تقدر ترشحلي حد معين في شارع دمشق ؟؟؟
وهل اللى بيبيع هو اللى بيركب ؟
اشكرك لك اهتمامك مرة أخرى

**dromar** · 09-07-2010 01:37 AM

لأ مش عارف حد معين فى دمشق لأن دمشق ملياااااااااااااااااااااا اان ... و السعر طبعا شامل التركيب ... و التركيب فى نص ساعة و قدام باب المحل

إنما فيه واحد مشهور أوى اسمه سبير كار فى شارع نجيب ريحان .... مش هينفع أحط رقم تليفونه علشان ميبقاش إعلان

بس ممكن حضرتك تعمل سيرش على الجوجل هتلاقى الويب سايت بتاعه ... ده هتلاقى عنده كل الأنواع بإذن الله

**bolok** · 09-07-2010 01:44 AM

اشكرك شكرا جزيلا يا درومر على اهتمامك وردك ...

**alzwawy** · 09-07-2010 05:08 AM

هو مفيد جدا يا معلم و ركب ابو كاميرا جامد انا عاوز اركب الكاميرا انا عندي السينسور بجد مفيد من غيره عمري ما كنت هعرف اركن بجد مفيييييييييييد جدا علشان السيراتو ركنتها رخمه

**bolok** · 09-07-2010 09:07 AM

فعلا يا زواوي .. لما برجع بظهري تقريبا مش ببقى شايف حاجة غير من المرايات الجانبية ... بس بتهيألى الموضوع مش مستاهل كاميرا ... يعني حشوف العربية اللى ورايا حعمل بيها ايه ؟ ... ولا انت رأيك ايه؟