الموضوع: هل يوجد علاقة بين نوعية البنزين وتلف عامود الكرنك

فعلا

لو البنزين المقرر للمحرك أوكتانه أقل من المطلوب

بيحصل أجهادات على عمود الكرنك

نتيجة عدم الأتزان الديناميكى للأحمال المنقوله الى العمود

ومع التمادى فى أستعمال بنزين أوكتان أقل من المقرر

بتحصل شروخ غير مرئيه فى بنية عمود الكرنك من الأجناب للركب

ووارد جدا

تحطم عمود الكرنك وأنشطاره الى نصفين

وسمعت انى لو حطيت نفتلين مع البرنزين بيظبط الموتور

كلام غير صحيح

وليس له دلاله علميه

وناتج عن فتوى غير شرعيه

شكرا يا استاذ سمير على اهتمامك بس انا طيب عاوز اعرف ايه البنزين المناسب لموتورى هو الموتور 1300 بتاع ال 125 بس تقريبا كل حاجه فيه استاندرد اعرف الاوكتان المناسب لموتورى ازاى وسمعت برضه انه فيه ماده بتتباع فى البنزينه ممكن تضاف على البنزين وترفع من الاوكتان هل الكلام ده صحيح انا كل الموضوع عاوز اتلاشى انه يتكرر تانى والعامود ينكسر تانى
وجزاك الله كل خير

بس انا طيب عاوز اعرف ايه البنزين المناسب لموتورى هو الموتور 1300 بتاع ال 125 بس تقريبا كل حاجه فيه استاندرد اعرف الاوكتان المناسب لموتورى ازاى

أعتقد أن موتور الفيات 125 كربوراتير عادى

ولو أستخدمت ال 80
وصوت المحرك ناعم وتمام

يبقى البنزين مش سبب فى تلف الكرنك بالنسه لك

ولكن أنهيار ضغط الزيت هو السبب

ولو أنت شوفت الكرنك القديم ( اللى أنكسر )

ولقيت فيه ركبه محروقه

مكان الكسر

يبقى ده عيب أنخفاض فى ضغط الزيت

مش عيب بنزين منخفض الأوكتان

وسمعت برضه انه فيه ماده بتتباع فى البنزينه ممكن تضاف على البنزين وترفع من الاوكتان هل الكلام ده صحيح

أنا سمعت زيك أن فيه ماده أسمها ( معزز الأوكتان ) octan booster

بتضاف للبنزين بهدف رفع درجة الأوكتان

( بس مش نفتالين والكلام الخايب ده )

بس حقيقى أنا ما بأعترفش بأى أضافه ممكن الواحد يستخدمها لرفع أوكتان البنزين

ماهو مكنش حد غلب

كنا كلنا مونا 80 وحطينا الماده دى
وكان أنتاج ال90 وال 92 أتوقف حاله

مش كده ولا أيه

والميكانيكى قاللى ان لما العامود انكسر طرمبة الزيت وقفت علشان كده اللمبه نورت

متصدقوش على طول كده

ممكن يكون العكس اللى حصل معاك

وقت ما ضغط الزيت أنهار واللمبه نورت والمكنه بتلف

أنكسر معاك عمود الكرنك بسبب لسعانه وقفشانه نظرا لعدم وجود تزييت

انت فعلا انسان محترم ولك منى كل الشكر والتقدير وانا اسف ان بسال كتير بس ده لانى اول مره اركب عربيه ومن ساعه ما جبتها وكانها فيها عفريت كل شويه يطلع فيها حاجه وبحاول اتعلم علشان اتلاشى العيوب كلها وبالنسبه للعامود انكسر من النص ونازل زى ما هو ولا فيه اى حاجه فيها عيب غير انه انكسر طيب انا عندى غاز كمان هل ممكن يكون ده سبب فى انه ينكسر مثلا بس لما انكسر كنت ماشى بنزين مش غاز وهل ممكن مثلا ان الزيت حل وبقى ضعيف فكان سبب فى كسره مع العلم ان الزيت كان مقاسه تمام بس كنت المفروض اغيره علشان كنت مشيت عليه حوالى 1500 كيلو وكنت حاطط زيت كالتكس ودلوقتى بحط زيت موبيل اللى هو ب 50 جنيه ( ايه رايك فيه ) واسف على الاطاله واتمنى ما اكونش عضو رخم

طيب انا عندى غاز كمان هل ممكن يكون ده سبب فى انه ينكسر مثلا بس لما انكسر كنت ماشى بنزين مش غاز وهل ممكن مثلا ان الزيت حل وبقى ضعيف فكان سبب فى كسره مع العلم ان الزيت كان مقاسه تمام بس كنت المفروض

والله تفكيرك زى الفل

ممكن يكون فيه نسب من الغاز وأنت محول على الغاز بتهرب للكرتير

من بين الشنابر وجدران الغرف من الداخل

وحلت زيت التزييت

والضغط أنهار تحت الطلمبه

ولعلمك برضه

من واقع دراستى لميكانيكا الموائع

وارد جدا يكون هروب الغاز للكرتير

كان بيفور الزيت ويخللى الطلمبه تضخ زيت متقطع وممكن مضخش كمان

وطبعا هنا الغلط على الأعمده وبالذات عمود الكرنك والكامه

___________________________________


وده سبب تانى يخلينا نتلاشى التعامل مع الغاز كوقود لمحركات البنزين وبالذات القديمه شويه

حفاظا على المحرك

وموضوعك ده جميل الصراحه

طيب تنصحنى بايه علشان اتلاشى انه يتكرر تانى ابطل امشى غاز ولا اعمل ايه وايه رايك فى الزيت اللى قولت لحضرتك عليه اللى هو موبيل 2500 كيلو ب 50 جنيه وبالنسبه للبنزين احط 90 وبلاش 80 ولا اخلينى 80 وخلاص ؟؟؟؟؟؟؟

طالما العربيه مكنتها 125 وصوت المكنه حلو

بلاش الغاز خالص

وحط 80 وتوكل على الله

وبالنسبه لنوعية الزيت ده أنا معرفوش بجد

حاول تستعمل موبيل xhp أو شيل الأصفر أو فيسكو 2000