هل ممكن العربية تمشي وزيت الفتيس قليل جدا؟وايه اعراض واسباب نقص زيت الفتيس؟
السلام عليكم
زي ما انا كاتب في العنوان
من يومين كنت بقرأ في الكتالوج فلقيته بيقول ان زيت الفتيس لما تحب تشيك عليه
تفك الغطا وتمد صباعك لقعر الحفره بتاعة الغطا لو لقيت الزيت على صباعك يبقى تمام لو اقل زوده لحد اما يوصل واقفل الغطا باحكام
فنزلت اشيك واللي خلاني بالاساس اشيك اني كنت بحس ان المكنه صوتها عالي قوي عالغيار اللي انا عليه
يعني ابقى عالرابع وماشي 80 احس كاني ماشي 130 من علو الصوت
فده شككني فقلت اقرا الاول المفروض يكون كام واقيس
نزلت قسته بمد صباعي مفيش حاجه
ببص عالمؤشر اللي في الغطا هوا مش مدرج لكن واصل من قعر حفرة الغطا لقعر الفتيس مكنش عليه غير اقل من 1 سم تحت
فجبت علبه لتر من الزيت المخصص لعربيتي(سوزوكي ماروتي) ومليت
الفتيس خد اللتر كله وموصلش لانه يملاه بالكامل!!!
رجعت الغطا وشيكت لقيت ان اتملا تقريبا تلتينه
فقفلت على كده وقلت ابقا اشتري تاني واكمل عليهم
الكلام ده عملته امبارح
النهارده مشيت بالعربية
تغير ملحوظ تماما
العربية كان صوتها اهدى واستجابتها احسن
سؤالي هنا
هل ممكن الركنه الكتير هيا اللي تخلي زيت الفتيس يقل كده؟لان العربية انا اشتريتها قريب وكانت مركونه..
ولا دي ممكن تكون مشكله؟
ولا انا قياسي للزيت كان غلط؟ (رغم اني فعلا قرأت اللي في الكتالوج ونفذته)
هل في اضرار ممكن تكون حصلت للفتيس بسبب النقص ده؟؟
مع العلم بحاجه
انا بالاساس لما شكيت عديت عالمحطه جنبي وقلت للراجل يشيكلي عليه قالي لا لسا متزودوش دلوقتي
ولما قرأت الكتالوج لقيت كلام تاني
وبالفعل العربية اتحسنت لما زودتلها الزيت بتاع الفتيس
ياريت حد يقولي اللي انا عملته صح؟
وهل في مشاكل على افتراض اني عبيت زيت كده بزياده؟
وياترى لو انا معبي صح اروح اشتري كمان لتر واكمل عشان اوصل الزيت للمرحله اللي مذكوره في الكتالوج؟؟
آسف عالاطاله بس محتاج رد الخبراء..
تحياتي