الموضوع: جين 2 vs سيراتو على طريق العالمين...

المشاركة الأصلية كتبت بواسطة raul_7

تمام يا طارق أنا كنت مستني ردك بصراحة, بس برده مقلتش السيراتو ايه اخبارها بعد ال 160 ؟

والله يا باشا لا كويسة انا مشفتش منها عوم ولا خطر ولا اهتزاز ولا اى حاجة و كنت جايب 185 كدة
بس فوق ال 140 تحديدا وانت طالع الجين تكسب ثبات خصوصا فى الملفات و الغرز و كدة

بس الاتنين بيشدو و بيقرصوا و كله تمام بس فوق ال140 جين تحت ال140 سيراتوووووووووووووووووووو وووووووو
و فى بلدنا دى للاسف ده اللى مهم تحت مش فوق
بس فوق ال140 اللى بتحس بيه قلة ثبات شوية ولو اللى سايق قلبه ضعيف بيجيب ورا علطول فده التفسير ممكن
انا عن نفسى حسيت بس كملت قرص برضه و على فكرة مش اوى مش اهتزاز ولا عوم ولا حاجة هوا بس لو مستقيم تمام انما سنة ميل او غرزة او ملف او حاجة بتحس انك هتتقلب لا قدر الله فعلا

المشاركة الأصلية كتبت بواسطة densfog

بالنسبه لى انا مش بتاع شد ... يمكن جرى على سرعات فى الطوالى وطريق فاضى نوعا ما .... هحكيلكم بعض المواقف اللى حصلت معايا
1- طالع انا وسيفيك من بعد مطب كنا مهديين فيه جامد اوى ..... الأستاذ داس على البنزين ماشوفتهوش وحتى ماحولتش اجيبه علشان حسيت ان منظرى هيبقى وحش اوى
2- طريق القطاميه .. ماشى على 140 جت جنمبى سيفيك شدينا مع بعض لحد 200 كم ماشيين راس براس بعد كده استهديت بالله وسيبته يروح لعياله
3- عربيه غريبه اوى بيجو 406 كوبيه شكلها رياضى اوى ... على مصر اسكندريه ..... من 120 حتى 190 شوفته وهو بيبعد منى فى المرايه لحد ما أختفى من الأفق

بيتهيألى ان اداء الجين 2 بعد 140 كم بيبقى حاجه تانيه .. بس بصراحه محتاج تفسير

1- سيفيك برضه.

2- تمام, كويس إنك استهديت بالله و هديت.

3- ههههههههههه.

تمام يا معلم بس قصدك ايه بإن أدائها محتاج تفسير ؟

المشاركة الأصلية كتبت بواسطة nedaloo

السيراتو عربية غبية جدا وتافهة وشكل وبس ومافيهاش ثبات نهائيا على المنعطفات ولا على السرعات العالية وبسهولة بتتقلب وصاجها زبالة ويلي مش مصدق يشوف اختبار التصادم بتاعها في اليوتيوب وعويمة درجة اولى بعد ال 120 زي الالانترا بالظبط ويلي مش مصدق يشوف زميلنا في المنتدى اللي اتقلبت فيه على 120 ويشوف صورها بعد 14 قلبة بقت ازاي وهي منتشرة على مبدأ اذا جنوا اصحابك عقلك مش هيفيدك هي دي الفكرة بالظبط اسف على كلامي بس الحق حق والحقيقة مش هتزعل حد والساغا ثباتها احسن من السيراتو ام الجين2 من حيث الثبات والصاج فئة تانية خالص وتسوى مليون عربية مثل عربيات الشركات الغبية زي كيا وهيونداي

ياااه, ده أنت شايل منها قوي يا باشا ليه كده!

واللهِ السيراتو عربية كويسة جدا بس احنا بنتكلم في نقطة الثبات عالسرعات العالية مش أكتر.

المشاركة الأصلية كتبت بواسطة tweety26980

ربنا يبارك لينا في سياراتنا اجمعين ويكفينا شر الحوادث يارب وبلاش جري عمال على بطال ياجماعه

تحياااااااااااااتي

أكيد يا باشا ملوش لازمة الجاري عمال على بطال, بس أنا كنت ماشي في حالي والراجل سخن عليَّ قلت أشوف الجين هتعمل ايه مش أكتر...و الحمد لله ماكسفتنيش.

المشاركة الأصلية كتبت بواسطة DR.almaghraby

السيراتو مش بتاعت جري عالسرعات العالية اوي

هيا موتورها حلو اوي بس لحد 120 بعد كدا الوضع مش بيبقي مريح

واللهِ ده بالضبط كلام واحد صاحبي معاه Cerato High Line بس فيه ناس كتير مختلفة في نقطة الثبات ديه.

المشاركة الأصلية كتبت بواسطة khpopo

هى فعلا كده
جربت معاها اكتر من مره وسواق مختلف وفى الحالات الاتيه
1- من الثبات يعنى بعد مطب صناعى كان بيبقى جنبى للحظات وبعدين بخ ... فى اكتوير
2- سرعات عاليه كنت بفرق عنه جامد جدااا ... المحور والصحراوى
3- كنت اخليه يعدى واجيبه ... فى اكتوبر
لدرجه انى لما بشوفها دلوقتى وحد بيجرى بيها بسيبها فى حالها
ربنا يسترها

تمام يا أستاذ خالد بس معقول إن من 0-100 الجين بتطلع عادي من السيراتو ؟ فيه ناس كتير بتقول السيراتو جامدة قوي ل 120.

المشاركة الأصلية كتبت بواسطة Tarek Gen 2

والله يا باشا لا كويسة انا مشفتش منها عوم ولا خطر ولا اهتزاز ولا اى حاجة و كنت جايب 185 كدة
بس فوق ال 140 تحديدا وانت طالع الجين تكسب ثبات خصوصا فى الملفات و الغرز و كدة

بس الاتنين بيشدو و بيقرصوا و كله تمام بس فوق ال140 جين تحت ال140 سيراتوووووووووووووووووووو وووووووو
و فى بلدنا دى للاسف ده اللى مهم تحت مش فوق
بس فوق ال140 اللى بتحس بيه قلة ثبات شوية ولو اللى سايق قلبه ضعيف بيجيب ورا علطول فده التفسير ممكن
انا عن نفسى حسيت بس كملت قرص برضه و على فكرة مش اوى مش اهتزاز ولا عوم ولا حاجة هوا بس لو مستقيم تمام انما سنة ميل او غرزة او ملف او حاجة بتحس انك هتتقلب لا قدر الله فعلا

تمام يا طارق باشا بس أنا واحد صاحبي قال لي نفس الكلام بس قال لي من بعد 120 بتبقى مقلقة قوي.

وعموما مش فارقة معايا مين أعلى تحت ال 120 لأني كده كده مش غاوي شد, بس بصراحة الثبات مهم جدا عالسرعة العالية عشان كان عندي اللانوس بأحس لو جبت 140 على طريق سفر إني باتشاهد.

اوعي الفيراري

المشاركة الأصلية كتبت بواسطة tweety26980

ربنا يبارك لينا في سياراتنا اجمعين ويكفينا شر الحوادث يارب وبلاش جري عمال على بطال ياجماعه

تحياااااااااااااتي

++++++++++11111111111111111111111

المشاركة الأصلية كتبت بواسطة eslam_wega

فعلا والله انا حتى دلوقتى لما بشوف لانسر شارك او اوبترا او ميجان او فيرنا مش بجرى معهم ممكن اوبل (الهاتش باك ) او اوكتفيا او بى ام والحمدلله بطلع منهم واكتر من سواق ومواتير مش غراز العربية الوحيدة الى طلعت منها بطلوع الروح هى الكورلا الجديدة طلعت منها والله بس بالعافية وال rbm كان 7ونص على التالت

تمام يا اسلام بس مش حرام عليك الموتور كده إنت شكلك قاسي عليه جامد.