طب انا عاوز حد يكون قريب من وسط البلد او المعادي مثلا؟؟
حد يشرح لنا موضوع الكتاوت بيتركب ليه مع المض دي وايه وظيفة الكتاوت الكهربائية ؟
وهل الكهربائي هيكون فاهم القصة دي ولا لازم الواحد يقوله وهيختار انهي كتاوت؟؟؟؟
الكتاوت او الRelay بالانجليش وظيفته فى دايره الكهرباء بتاعت النور انه حيسمحلك بانك تاخد لللمض كهرباء من البطاريه مباشره
حتقولى ازاى دى لازم تفهم توصيله الريلاى :
اولاً الريلاى الصغير او الكتاوت عشان محدش يتلخبط بيبقى عادتاً فيه اربع بنات Pins كل واحده مرقمه بترقيم ثابت فى كل الكتاوتات
-البن رقم 85 بياخد كهرباء (-) (من جسم العربيه او من البطاريه مباشره مفيش فرق)
-البن رقم 86 بياخد كهربا موجب اللى هى بتديله اشاره عشان يقفل الكويل ويوصل الدايره وحيتوصل عليها السلك الاصلى اللى رايح للمبه عشان بياخد كهربا لما تفتح مفتاح النور
-البن رقم 30 بياخد من البطاريه مباشره (+)
-البن رقم87 السلك اللى حيروح للمبه يعنى حيبقى (+)
انت لما تفتح المفتاح بتاع النور السلكه الاصليه اللى واصله فى الفانوس بتاخد كهرباء بس احنا موصلينها بالكتاوت فى البن رقم 86 تقوم تقفل الكويل وتوصل بين الطرف اللى جاى من البطاريه رقم 30 والطرف التانى اللى رايح للمبه رقم 87وبكده لو المبه بتستهلك قدره اعلى من السلك الاصلى يبقى احنا كده حافظنا عليه من السخونيه والحمل لأننا كده اكننا موصلين من البطاريه مباشره وطبعاً مركبين سلك اتخن من الفابريكه
طبعاً مع تركيب اسلاك اقوى واتخن من الفابريكه ده بيحسن اداء النور كتير لأنك ببساطه بتقلل الVoltage Drop
والموضوع ده مش معقد ولا حاجه بالعكس انت لو فهمت توصيله الكتاوت ممكن تعملها بنفسك
بس لازم تنبه على الكهربائى يعملك فيوز عشان لو حصل قفله الفيوز يسيح ويفصل الدايره تفادياً للمشاكل اللى ممكن تنتج من السخونيه الزائده للأسلاك
ودى صوره الريلاى او الكتاوت الصغير :
http://discussions.texasbowhunter.co...6&d=1270474063
الريلاى ده ينفع لدايره واحده فقط يعنى الواطى بس او العالى بس
اللى الكهربائيه بيركبوه بيبقى كبير شويه عشان يستخدم كتاوت واحد فقط للدايرتين (الواطى والعالى) بس للأسف مش لاقى ليه صور دلوقتى
على فكره الكتاوت الصغير ده بيسموه كتاوت كلكس :)
Vtec حضرتك انسان اكثر من رائع
انا تعبت سيادتك معايا ومش لاقي غير اني اقول لك متشكر جدا جدا
وربنا يبارك فيك وفي علمك
كلام سليم 100×100 وفعلا هو ده إل قام بعمله الكهربائي إل ركب اللمبات
اشتريت كتاوت تركي المقاومه بتعته سلكها تخين وبيستحمل ( عن كلام الكهربائي)
بالنسبه للاسلاك
السلك إل هيطلع من البطاريه للكتاوت متر سلك 3 مم او 4 مم زي ما تحب (نوعه حجازي)
وبالنسبه للسلك التاني إل هيطلع من الكتاوت إلي اللمبات 6 متر تقريبا 1 مم (نوعه حجازي)
(:
كلام نوهائي بقا الخلاص
لانى عرفت مكان اللى هيجب منه يا عفت يا ابو زيد
اروح اقوله بقا عياز لمبتين
Tungsram 140\100w 250\140 cp halogen
(تنجسرام) هالوجين 140/100 وات صح كدة ولونهم ابيض ب40جند
صح كدة يا صديقي العزيز صاحب الموضوع ((:
ولا فى اضافة؟
في إضافة أولا اللمبات لونها مش أبيض ده كلام توكيلهم اللي رقمه مذكور في الموضوع ثانيا مش موجوده عند عفت المواردي عشان انا سألته امبارح وهاشوفها النهارده عند ابو زيد أو الراجل اللي قدامه