مش بس كدا
لو اتسمع هيتنفذ ان شاء الله احفادي هما اللي هيستفيدوا....
و انا بقى طماع و وحش
عايز انا اللي استفيد طالما هتعب... !:shine[1]:
عرض للطباعة
ايه يا جماعه الردود اللي معظمها مافيش فيها اي نوع من الحلول..
كاتبين 3 صفح و مافيش غير كام واحد قال شويه سلبيات و محتاجه تعديل و الباقي مش عارف بقي ايه لزمه ردوده...
معلش كلامي حاد شويه
بس انا موضح جدا انا ليه قلت حلول من جهه الحكومه و ليس الافراد
شكلي كنت غلطان اني كتبت الموضوع من اساسه ..
خلينا في مين عايز يغير الجنسيه و يبدلها بمروحه
و لو لم تكن ماصريا لودت تكون ايه...
انا فاهم كويس اوي الحمد لله ايه المفروض يتعمل من اصلاح
مش مستني كل شويه حد يقول غير من نفسك الاول انت و الناس و بعدين هنتصلح حالنا...
الناس خلاص مش لاقيه امل او فايده انها تصلح نفسها لأنها بتحس انها عايشه في وادي و بقيت الشعب في وادي تاني...
فكره بقي اني بقول البدايه حاليا لازم من الحكومه..
علشان ذي ما بيقولوا ادي الشعب حاجه مفيده علشان يبدء يغير من نفسه
خليه يحس ان فيه امل
و ادي ذقني اهي لو البلد اتغيرت من شعبها..الا بثوره و هلاك لحد ما ربنا يعدلها او احتلال و نبدء نتكاتف تاني من الاول
و صباح البتنجان
شكرا لصاحب الموضوع على الموضوع الايجابي الاكثر من رائع
الله ينور عليك
في حاجات اسمها الاحتياجات الاساسيه لحياه الانسان
لو اي حاجه منها اتفقدت هتلاقيه (الانسان) بيدور عليها الاول
وهي :
1- الحاجات الفسيولوجية (الطعام... الغرائز.. الدواء.... إلخ).
2- الحاجة إلى الأمن.(تشمل السكن والاحساس بالامن بشكل عام)
3- الحاجة إلى الانتماء.(الى كيان او جماعه)
4- الحاجة إلى التقدير والاحترام.
5- الحاجة إلى المعلومات.
6- الحاجة إلى الفهم.
7- الحاجة إلى الجمال.
8- الحاجة إلى تحقيق الذات
ودا بالترتيب كل لما يتحقق حاجه تلاقي البني آدم (اي بني ادم) بيدور على اللي بعديها
لازم تقولوا حتى لو مش هيتسمع .. لان تظل الحياه بلا اطلاق(مفيش 0% او 100%)
ممكن يتسمع ويأثر بشكل مباشر او ممكن يتأثر بيه حد غيرك يمكن مش في ايده القرار
وممكن لو تكرر منك ومن غيرك يبقى رأي عام
((أي كوب يظهر منه جزء ممتلىء (وإن قل) و جزء فارغ (وإن كثُر)))
لو فقدنا الامل فقدنا اللي باقي لينا ف الحياه
انا مش قادر اقولك اد ايه موضوعك عاجبني لان انا قريت كذا موضوع في المنتدي كله ياس في ياس عارف الناس هاتقولي ماهو حال البلد منيل وكل الكلام اللي بنسمعه طب وبعدين هو لما نقعد نشتم فيها هنصلح حاجة الافضل اننا نتناقش مع بعض عن طريق موضوعك الجميل وليا اقتراح ان نحاول علي قد مانقدر نوجد حلول نقدر ننفذها بنفسنا عشان منحسش اننا بنكلم نفسنا يعني نشوف المشاكل اللي ممكن احنا كافراد نحلها بدل مانقعد نقول المفروض الحكومة تعمل وتسوي
انا هتكلم عن مشكلة مهمة جدا :
النظافة : النظافة حاجة بتنبع من داخل الشخصص ومالهاش علاقة بالظروف المحيطة يعني مثلا لو واحد رمي ورقة علي الارض وقالك اصل مفيش باسكت ده انسان مش نظيف لان هو لو متعود علي النظافة حتي لو مفيش باسكت هايحط الورقة دي في جيبه ولما يرجع البيت يرميها في الباسكت
خليك ايجابي و ساهم في حل المشكلة : انا هاتكلم عن تجربة الحمد لله طبقتها مع اصحابي لما بنبقي اتواعدنا ان محدش يرمي اي حاجة علي الارض يعني مثلا لما ناكل شيبسي نشرب عصير منرميش الورق علي الارض و عشان اذكرهم واخلي الموضوع فكاهي وميبقاش كاني واعظ لما بشوف حد فيهم نسي ورمي ورقة علي الارض بعد اضحك معاه واقولو علي فكرة انت كده قاتل لان الورقة دي انت بتقتل بيها حد من احفادك لان البلاستيك ده مبيتحللش وبيتسبب في التلوث :shine[1]: وبنقعد نضحك ومع الوقت بقي الموضوع بالنظرة يعني لوحد فيهم رمي ورقة ابصلهم كده بصة فيها ابتسامة نقعد نضحك وبيقوم شايل الورقة ويحطها في جيبه
بعد القصة دي عايزين حل عملي : ببساطة الورقة اللي انت رميتها دي لو شيلتها في جيبك لحد ما تروح وترميها في الزبالة هل هاتخسر حاجة بالعكس هاتكسب احترام الناس واحترامك لنفسك و هاتخد ثواب ده غير انك لو متجوز وعندك ولد وشافك بتعمل كده هايتربي علي النظافة و هتبقي صدقة جارية ليك انك خرجت انسان سوي متربي علي النظافة
يا ريت ارائكو معايا وعايزين حلول عملية لاي مشكلة وان شاء الله لو حد عرض اي مشكلة بحلول عملية اقدر انفذها هانفذها
و الله انت قولت المفيد كلامك كله صح من وجهة نظري يا جماعة كل واحد يبتدي بنفسه كل المشاكل احنا سببها في الاساس وانا اعمل اللي اقدر عليه مش اقعد اشتم اصل دي مش هاتجيب نتيجة
قال تعالي : " ان الله لا يغير ما بقوم حتي يغيروا ما بانفسهم " ده ربنا قالها في القران ماظنش في احسن من كلام الله ده ربنا بيوصف حالنا بالظبط يعني لو عايز التغيير للاحسن غير في نفسك
كلامك زي الفل بس انا مختلف معاك في الجزئية دي ربنا بيقول "ان الله لا يغير ما بقوم حتي يغيرو ما بانفسهم "
و انا مقدرش اغير الحكومة ولا اقدر ابني مدن في الصحراء لكن اقدر اغير من نفسي ومن الناس اللي حوليا ابتدي باهلي واصحابي اللي ممكن يتقبلو نصيحتي انا فعلا ابتديت و بفضل الله تجربتي نجحت
و بجد موضوعك جميل وماتديقش من الردود السلبية خليك انت ايجابي