الموضوع: ليه بنعمل في بعض كده؟

أولا عايز أهنئ حضرتك على ذوقك وأدبك فى تعاملك مع الموقف ودة ميزة مش عيب أبدا لكن للأسف هو دة الواقع اللى بقينا فيه جوة بلدنا .
ثانيا هحكيلك موقف مشابه مع حاله معكوسه

السنه اللى فاتت كنت فى مهمه عمل خارج مصر فى احدى الدول الأوروبيه وكنت فى أحد المراكز التجاريه الشهيرة هناك وعند الكاشير كان هناك طابور كبير فى إنتظار الدور وأثناء إنتظارنا لاقيت أكثر من 15 فرد من البودى جارد وكان فى وسطهم سيدة عربيه خليجيه وتقدمهم رجل عرفنا أنه سكرتير أو ما شابه وحاول هذا الرجل المرور امام كل الواقفين فى الطابور وأنا منهم ليحاسب قبل كل الموجودين بحجه أن السيدة زوجه سفير لهذة الدوله العربيه فى هذا البلد الأوروبى .

وتخيل اللى حصل من موظف الكاشير وعلى فكرة كان واحدة ست

بمنتهى البرود والأدب إعتذرت للرجل وقالت له إن هناك دور ومش مسموح بتخطى الدور وحاول الرجل يفهمها فما كان من الموظفة الا انها اتكلمت فى التليفون وفى خلال دقيقه واحدة كان الأمن موجود وطلبوا من الرجل دة والأخوة البودى جاردات إنهم يبعدوا عن الكاشير ويلتزموا بالدور فما كان منهم إلا أن غادروا المكان ورفضوا الانتظار ومحدش منهم نطق بكلمه واحدة .

شوفت الفرق الواضح ما بين الكاشير المصرى والكاشير الاوروبى .