ليه بنعامل بعض اننا درجة تانية و نعامل الغريب درجة أولى
من يومين كنت مروح و دخلت امارات مصر اللي عالدائري جنب كارفور (المعراج) و دخلت افول و بعدها دخلت الماركت اشرب حاجة
رحت جبت كان شويبس و دخلت عالكاشير ..... عداها عالسكانر و بعدها طلبت كارت شحن ...... راحت واحدة خليجية داخلة عليه راح قايل لي ثانية واحدة و راح محاسبها و مخلص و رجع لي (انا شفت شكلها عرفت انها خليجية و اما اتكلمت اتأكدت)
طبعا انا كنت شايط ..... و كظمت غيظي بس في الاخر قلت له على فكرة طول ما احنا درجة تانية في بلدنا هنفضل درجة تانية برة ....... ما تزعلوش بقى لما تسافروا برة و تتعاملوا معاملة زي الزفت ..... سكت و ما ردش
ما رضيتش اجيبله جزا و اقول للمدير
بس نفسي افهم
لــــــــــــــــــــــــ ــيــــــــــــــــــــــ ــــــــــــــه؟
هي هتدفع الجنيه اتنين جنيه مثلا؟
و لا هتعمل ايه؟
في الاخر انا دافع فوق ال 100 جنيه
و حتى لو دافع جنيه و هي دافعة 100 هي احسن مني؟ ما فيه حاجة اسمها دور
و لا هو شعور داخلي بالانسحاق تجاه أي أجنبي بيخلينا نقدسهم كده
بجد دمي بيتحرق