باركولى يا جماعة اخيرا جبت عربية

**ddddff** · 09-07-2010 10:28 AM

بعد تفكير وتردد لمدة سنتين تقريبا بات انبارح اول علاقة لى بالعربيات
اخيرا انبارح الساعة 12 مساء اشتريت اول عربية فى حياتى 128 حمرا موديل 77 وخدتها معايا البيت انا بصراحة اول مجبت العربية قلت انتو اول ناس لازم تعرفوا علشان من انهارده انا حاسس ان انا بقيت عضو فعلى فى المنتدى يعنى عضو بحق حقيق وعشان حسيت كمان ان المنتدى هنا كله اسرة واحدة وعلى فكرة انا قريب هنزل صورتها وكان لى سؤال بصراحة عشان الموضوع يبقى كامل وبطلب من اساتذة المنتدى والى معاهم 128 يجاوبولى عليه هو تغيير الكهربا بتاعة ال128 كلها يكلف كام بالبطارية بالدينامو بس تبقى حاجة معقولة يعنى مش الصينى واخيرا بقى معلش انا طولت عليكو ايه احسن حل لموضوع سخونة العربية عشان دى مشكلة عندى والراياتير بايظ وهل ممكن اركب راديتير بتاع عربية اكبر وشكرا لكل اعضاء المنتدى[/frame][/SIZE]="5"]frame="4 80

**heshamzaky** · 09-07-2010 11:07 AM

1000 ميروك على العربية و تاخد خيرها ان شاء الله و تكون فاتحة خير عليك و عقبال المرسيدس

**Ahmed_Farouk** · 09-07-2010 11:14 AM

ألف مبروك يا باشا و ربنا يرزقك خيرها و يكفيك شرها اللهم امين..

**Karim_Monir** · 09-07-2010 11:15 AM

الف مبروك وربنا يباركلك فيها وان شاء الله تستفيد معانا في المنتدى وتبقي عضو فعال وتفيد غيرك لما يدخلو يسئلو زيك
تحياتي
كريم منير

**damasry** · 09-07-2010 02:24 PM

يالا يا عم الاستاذ كريم منير بنفسه دخل وباركلك

الف مبروك وربنا يديك خيرها ويكفيك شرها واكيد خبراء ال128 مش ها يبخلوا عليك بالاجابة

واحنا منتظرين الصور يا معلم