انا رحت امبارح الجمعه
كنت عايز اركب فرش للنيو سيراتو
بالنسبه للمكان انا فعلا دخت لغايه لما وصلت هو جنب شركه ناتا بس مش على الشارع الرئيسي
يعني تدخل من جنب شركه ناتا (تخليها على الشمال وتدخل اول شارع يمين ) انا هاحط صورة من جوجل
المكان في استراحه وحمام رجالي وحريمي ومسجد صغير وجراش يشيل حوالى خمس عربيات بيعملوا في الشغل
بالنسبه للمعامله هما ناس في قمه الزوق في واحد فرجني على الفرش بانواعه وخده معايا يجربه على العربيه
وبعدين قعدنا في الاستراحه وجابولنا اتنين كنز انا وصاحبي وعمالو لينا خصم 20% (من 360 ل290)
وكمان ادوني معطر وحامل موبايل مجانا
وبالنسبه للشغل بتاعهم
هما جايبين نفس الصنايعيه اللي شغالين معاهم في المحل القديم
الشغل بتاعهم جيد جدا لما خلص الفرش باين زي ما يكون بتاع العربيه
هيا في نقطه سلبيه واحده طول الوقت
يعني قعدت تقريبا ساعتين ونص (لان عدد العمال مش كتير ) والمدير اعتزري بنفسه وقال ان سبب في كده انه لسه ما يعرفش
عدد الزبائن قد ايه
واي خدمه او استفسار