الموضوع: سول و الوكيل .. ربنا يسامحه

المشاركة الأصلية كتبت بواسطة som3aa

اخر حاجة , الفيديو دا عامله واحد بيعبر فيه عن رايى الشخصى يعنى لا هو دراسة و لا تجربته عربيتين من نفس المركة و لا اساسا شوفنا تجربه (مجرد فيديو معمول بالكمبيوتر) و اى كلام فارغ و كلام مش علمى و مش صحيح.

مبدئيا بس متقولش بس كلام فارغ *لأن دي وجهة نظرك* فأحترم وجهة نظر الأخرين عشان يحترمو وجهة نظرك حتي وإن كانت خاطئة , وخلي أسلوبك في الحوار أحسن من كدا..



ثانيا أكيد أنا واخد بالي أن الفيديو دا معمول علي الكمبيوتر ؟ ودا مش معناه أنو مش صحيح.!
ولو كان فيه حقيقي أو قدرت أجيبه أو أصورة هجيبه ليك.. مش عشان أثبت لك بس أن وجهة نظري أصح
بس عشان تعرف بنفسك الفرق وبعنيك, وحاجة ترجع لك برضه تصدق ولا متصدقش.

وبالنسبة لموضوع الدراسة دا فأحنا جربنا الموضوع دا من زمان , بعربيتين لانسر بومة,,
واحدة خليجي مفهاش ABS , وواحدة فيها..
واللي مفهاش وقفت قبل اللي فيها.. ودا أبسط وأسهل مثال ممكن تشوفه أو تجربه بنفسك
....بس يكونو الأتنين بنفس الحالة أو مغيرين تيل جديد ياباني أصلي.... عشان تكون الأمور واضحة قدام عنيك.

واللي مفهاش ABS تركبها واحد يدوس فرامل جامد بس من غير ما تعمل Locking للفرامل *مش يدوس وخلاص*
والتاني يدوس أخره عادي لأن دي وظيفة ال ABS
وساعتها هتشوف الفرق من غير ما أقولك..

وجيرمي نفسه من برنامج توب جير (ودا واحد فاهم في العربيات جدا أكتير مني ومنك و ركب كل عربيات العالم)
في مرة كان بيتكلم في البرنامج عن ال ABS عموماً وكان بيقول أنو معمول للناس اللي مش بتعرف تضرب فرامل في الأوقات الحرجة وبتقفش علي الفرامل وخلاص وبالتالي العربية ممكن تقفش وتفضل هتسحب بيك وتلبس أو ممكن تروح منك لو الكاوتش وحش.
لكن اللي بيعرف يسيطر علي الفرامل كويس ويدوس أخرها قبل ما تقفش هياخد منها أداء أحسن من ال ABS ودي حقيقة.

المشاركة الأصلية كتبت بواسطة som3aa

ثانيا العربية مش اتقل نهائيا لما تيجى تقف و العربية اللى فيها abs بتقف فى وقت اقل من العربية اللى مفيهاش abs .
2-بتقلل الوقت اللى بتقف فيه العربية

أسف بس كلامك دا غير صحيح من ناحية التقل.. لأن فعلا العربية اللي فيها ABS أتقل بشكل ملحوظ عن اللي مفهاش.
ولو مش مصدقني أنا أسئل أي حد بيفهم كويس في العربيات ومش واخدها هواية وخصوصاً بتوع هندسة قسم ميكانيكا سيارات :)

أما لو شايف أنك بتفهم أكتر من الميكانيكية اللي عاملين ال ABS وبرنامج توب جير دي برضه حاجة ترجع لك برضه.

المشاركة الأصلية كتبت بواسطة som3aa

الا فى حالة لو الارض عليها رمل او تلج او بتزحلق كدا , اما فى الحالات الطبيعية الabs له فايديتين
1-بيخليك تتحكم فى العربية و هى بتفرمل علشان لو ققرت تيجى يمين او شمال منغير العربية ما تتزحلق خالص.

دي الحاجة الوحيدة اللي أنا معاك فيها. عشان فعلا لو في رمل جامد مش عادي أو تلج ومعاك ABS هتمسك بيك أحسن من اللي مفهاش.

المشاركة الأصلية كتبت بواسطة som3aa

أحب اوضح لحضرتك كام حاجة
اولا الabs اهم option فى العربية و اهم من يمكن التكييف!!!

دا بالنسبة لك أنتا. أنا عن نفسي مش بحبه :)

المشاركة الأصلية كتبت بواسطة som3aa

بصراحة انا جربت عربيات منغير abs و ب abs و الصراحة فرق السما من الأرض و خصوصاااا وقت الطوارىء لما العربية اللى قدامك توقف فجاة هتعرف يعنى ايه abs

مش محتاج أعرف لأني برضه جربت الأتنين وشايف اني اللي مفهاش ABS أفضل وبتحكم فيها أفضل,, زي ماناس كتير بره وهنا مقتنعه ومؤمنة بالكلام دا ومش قصة فيديو بس.
و يمكن تكون أنتا اللي تكون مش بتعرف تدوس فرامل كويس.

وفي الأول والأخير هيا وجهات نظر. وأنا أحترم وجهة نظرك.. ولكن هذا لايعني أنها صحيحة.
والتجربة خير برهان لو قدرت تجيب عربيتين نفس الموديل قدام عينك زي ما جربنا هتشوف الفرق.

وبالنسبة لصاحب الموضوع أنا قلت رأيي عن تجربة "وهيا لا تعم برضه" وأنتا قلت رأيك ,, وفي الأخر الواحد بيعمل اللي يريحه.
والأختلاف في الرأي لا يفسد للود قضية.
تقبل تحياتي..