ياتري دي مشكلة حساس البوابة ولا عيب حاجه تانيه
السلام عليكم
العربية لانوس 2 2000
من 3 أسابيع تقريبا رحت حطيت العربيه علي الجهاز عند محمد السيد
ولاقيت كل الحساسات زي الفل ماعدا حساس البوابة بيعلي ويوطي
فقالي نضف البوابة والحساس وان شاء الله هيبظط
المهم نضفت البوابة والحساس والعربيه بقت زي الزفت
بقت بتضرب مدافع وتنتش باستمرار وطول مانا ماشي
وبعدين لاحظت عند بداية التدوير احيانا مش دايما الار بي ام بيعلي ويوطي لوحده لغاية لما يستقر
وبعدين مع دوسة البنزين العربية بتبقي في رجه وكمان مع الدوسة فيه وره زي كده ررررررررررر
وبعدين بقالي يومين النتشه والمدافع خفت جدا جدا
لكن في مقابل ده سحب العربيه مش منتظم يعني تجري وتتخنق وهكذا
وكمان في المارش العربيه سحبها سئ جدا جدا جدا
وده طبعا مع استهلاك خرافي في البنزين الصفيحه بتعمل 170 كيلو فقط
وكمان رحية بنزين ني قوية جداجدا
علي الرغم من ان حساس الشكمان قريته مظبوطه جدا جدا ومحمد السيد قال ان العربيه عمرها ماتاكل بنزين والعربيه بدور من اول او تاني تكة بس