مســــ:vctry:ــــاء الفل علي احلي منتدي
اخويا عنده 28 سنة و عايز يجيب عربية في حدود الـ 35 الف
بس عايز فيها :
تكييف كويس قوي
باور
قطع غيارها رخيصة و متتعبوش
و طبعا شكل شبابي
انا نصحتوا بالاكسيل ال1500cc و هو بيقولي علي الجوليت ....
فقولتله اللي هايجبلك الخبر اليقين هم وحوش المنتدي
طبعا كان بيفكر ينزل السوق و يشوف ... لكن انا خايف انه يتضحك عليه:10_1_102v[2]:
ايه رائيكوا يا وحوش ؟؟؟
و شكراً لكم جزيلاً:satelite:
زود الفين تلاته و هات سيينا او لانوس بصراحة بيستحملوا و قطع غيار كويسه
خليك في لانوس او اكسنت دول قريبين في اسعار قطع غيارهم ولو حب يبيع في اي وقت يبيع - لو عاوز يركب ويعيش يجيب جولف او بولو او ايبيزا بس قطع غيارهم غالية حبتين بس بيعيشوا اوي
لانووووووووووووووس
حمالة اسيه - قطع غيار رخيصه - تكييف - باور - شكل جميل مقبول من معظم الناس
صح كده ممكن يزود لحد 39-40 ويجيب عربيه لانوس 1 محترمه بشرط الحاله الكويسه (تكييف- بور - قطع غيار رخيصه )
وتقريبا بلاش السوق كله تجار
أوعى تجار السوق دور أنت مع نفسك في الوسيط كده وهاتلك عربيه استعمال أسرة ولا زم تكون حالتها كويسه
زود شوية وهاتلك أكسنت 99 وأنت طالع أو لانوس 1 أو سيفيا 98 وأنت طالع أو جوليت 99 بس يفضل ليك أكسنت أو لانوس وأهم حاجه الحاله
الأكسيل عربيه ضعيفه جدآآآ أبعد عنها وأبقى طمنا عملت أيه
انا قولته انكم هاتجيبولو الخبر اليقين يا وحوش
يعني تقريبا الاجتماع علي اكسنت او لانوس
شكراً جدا للردود يا وحوش
جيب عربية جديدة ادفع الي معاك وقسط الباقي احسن من المستعمل ومشاكله
لانوس
ولو الفلوس قصرت يبقى تمبرا كاملة
ياجماعة انتوا مش واخدين بالكوا ان الراجل بيقول 35 الف . دول مش هايجيبوا لانوس حالتها حلوة . هتكون تعبانة .وبرضة مش هتجيب اكسينت حلوة .
لو مش هاتقدر تزود علي المبلغ الي معاك . يبقي احسن حاجة الاكسيل . لو زودت شوية ودة هايون احسن ارشحلك لانوس لانها اوسع من الاكسينت وثباتها افضل وعمر مواتيرها احسن . (مع اني مش بحبها ) .
الاكسيل والاكسينت واللانوس . قطع غيارهم متوفرة وتعتبر رخيصة بالنسبة لباقي العربيات وصيانتهم ما فيهاش مشاكل . وسعر اعادة البيع كويس جدا
ربنا يوفقك الي الخير . وقبل اي حاجة صلاة الاستخارة
بجد انا بشكر كل الاعضاء الموقرين علي مشاركتهم
بالنسبة للاستاذ tareKnokia لا هو عايز يوفر تمن الجديده دلوقتي علشان ظروفه
الاستاذ ahmed1981 و الاستاذ al_manara اجتمعوا علي الانوس
انا هاعرفه نصايح حضراتكم و لو هيذود علشان يجيب الانوس هايزود اد ايه ؟؟؟ للعلم
هيزود حوالي خمسة ألاف جنيه علشان يجيب لانوس 1 أو أكسنت موديل 99 وأنت طالع ودول تبقى حالتهم حلوهاقتباس:
المشاركة الأصلية كتبت بواسطة fido2010
وربنا يوفقك
شكرا يا بشمهندس هشاماقتباس:
المشاركة الأصلية كتبت بواسطة eng_hisham85
يعني كده هايوصل لـ 40 الف علشان يجيب لانوس كويسة صح
طيب هو مش محتاج شنطة و لا حجم صالون كبير هل لسه الاجماع علي اللانوس و لا فيه حاجة تانيه ؟؟؟
منتظر ردود الوحوش
والله لو عايز بقى شغل روشنه وهاتش باك دورلك على جولف 2 موديل 90 وأنت طالع ديه سعرها بيبدأ من 30 ألفاقتباس:
المشاركة الأصلية كتبت بواسطة fido2010
وقطع غيارها معقوله ومعمره جدآآآ بس خد بالك صعب أنك تلاقي جولف 2 حالتها كويسه ولو لقيت بتبقى أستعمال أسره أنت عارف الشباب وبلاويهم :khd:
أو هاتلك أوبل كورسا 1200 سي سي وابعد عن ال 1000 سي سي لأن موتورها كله حساسات ومش أي ميكانيكي يشتغل فيها ديه سعرها من 30 الف لغياة 35 الف شرط الحالة
أو أبيزا 94 الى 99 glx ديه سعرها بيبدأ من 28 الى 35 او 36 وممكن تجيب موديل 2001 وأنت طالع وديه سعرها من 41 ألف الى 44 ألف وديه تبقى حالتها ممتازه الأبيزا حلوه قوي بس يعيب موديل اللي فوق ال 2000 قطع غياره وأسأل عليها برده
وفيه برايد هاتشباك 99 ديه عربيه لذيذه قطع غيار حنينه وصيانه سهله وأسعارها من 27 الى 32
ديه كلها عربيات كويسه أهم حاجه الحاله وفيه أكتر شوف أنت محتاج أيه بالظبط وحط عينك عليها ودور على مهلك ولو لقيت أكشف عليها كويس في بنزينه وعند ميكانيكي وعفشجي كويس ولو ليها توكيل زي الأبيزا 2001 أعمل عليها كشف هناك
لأن ولاد الحرام كتير وربنا يوفقك أن شاء الله
شكرا يا بشمهندش هشام علي اهتمامك
بس انا كان ليا سؤال مهم
معروض عليا من واحد صحبي عربية اخته هي اكسنت 2006 تكييف و باور
الزجاج يدوي والعربية اول يد
و رشة بره نظافه
بس طالبة 43 الف
ايه رائيكو يا وحوش ؟؟؟
فين رأي الوحوش ؟؟؟
هيونداى اكسنت99
اوبل كورسا98
فيات بونتو
العربية الى معروضة عليك 1300 سى سى كربيراتير صح عشان ال1500 انجيكشن فول اوبشناقتباس:
المشاركة الأصلية كتبت بواسطة fido2010
من الحسن تجيب ابيزا او اكسيل حتوفر معاك في الفلوس
وتظبطها براحتك والشكل شبابي ومقبول جدا
وبالتوفيق في الشراء وطمنا انت عملت ايه
بصراحة انا محتاج اتأكد من موضوع سعة الماتور
لكن هو متهيالي قال انه 1500 cc
محتاج اني اتاكد منه تاني طبعا
خصوصا بعد المعلومة الرائعة بتاعت
1300 cc كربيراتير و ال1500 انجيكشن فول اوبشن
ولو 1300 هل هاتعطي اداء كويس مع التكييف؟؟؟
لكن اللي مخلي اخويا متمسك بالعربية انها هتبقي تاني يد بعد صاحبها
رائيكوا ايه يا وحوش في موضوع السعر ؟؟؟ يعني لغاية كام يبقي كويس ؟؟؟ نقول 41 مثلاً
منتظر الردود
و شكراً
أنا لو مكانك هدور على هوندا 90 شكلها جامد واسعارها في اوائل التلتنات أو كيا سفيا 95 96 العربيتين دول بيستحملوا الجاري وتكيف جامد و سعر كويس ولو مصمم على الاكسنت 1300 بيتهيألي من 40000 ل 41000 لو نضيفة وربنا يوفقك
لانوس مية مية
بص يابرنس لو 1300 ديه أصلآ بتنزل فاضيه ولا تكييف ولا باور وفيه ناس بتركبلها تكييف بس ده مش حلو أوي بصراحه بيأثر على الأداء ولو فيها باور يبقى ده بقى سيئ جدآآآآآآآآآاقتباس:
المشاركة الأصلية كتبت بواسطة fido2010
نصيحة ليك لو هتجيب حاجه ب 40 ألف ماتجيبش غير حاجه فول أوبشن كامله وحاجه نظيفه وتستاهل فلوسها
وفيه حاجه 43 ألف دووول كتير أوي على أكسنت 1300 ؟؟؟؟؟؟ وبالذات لو أستعمال بنت ؟؟؟ البنات أكتر حاجه بتحبها في العربية التخبيط ؟؟؟
وأنت سألت على الهاتش باك وأنا رديت عليك لو عايز سيدان ممكن أزودلك أنواع تانيه على أقتراحاتي
وربنا يوفقك يازعيم
اقتباس:
المشاركة الأصلية كتبت بواسطة eng_hisham85
اللي عرفته يا بشمهندس هشام
ان اللي كان بيسوقها كان سواق خاص مش هي البنت نفسها خصوصا ان اخوها زميل اخويا في الشغل
هي فعلا 1300 و بيقول ان فيها تكيف بس بيقول ده التكيف اللي نازل مع العربيه و الكاسيت برده الكاسيت الاصلي اللي نازل مع العربية برده
مستني ردك و شكراً
والله اللي اعرفه ومن معلوماتي ان الأكسينت 1300 بتنزل فاضيه؟؟؟اقتباس:
المشاركة الأصلية كتبت بواسطة fido2010
ممكن حضرتك تتأكد من اي حد خبره عني أنا أعتبر مبتدأ جمب العتاولة بتوع المنتدى
وأنت بنفسك ممكن تتأكد من موضو التكييف متركب ولا لألأ أي ميكانيك معرفه يقدر يعرف التكييف تركيب ولا نازل في العربيه
والقرار ليك في الأول والآخير
متهيألي لانوس أو فيات بونتو أو سيينا
و ابعد عن السوق و اللي بيحصل في السوق
ده لمصلحتك
نصيحه لوجه الله
هيونداي اكسيل
سحب ممتاز تكييف ممتاز ماتور ناعم جدا صالون واسع(اوسع من الاكسنت)
قطع الغيار وهيه دي مربط الفرس ببلاش يعني ولا 128 سلك دبرياش كوري ب30 جنيه كوبلن ب175 يعني فلهههههههههه
وطبعا في اعاده البيع طلقه
بس تكون نظيفع انت با 33 تجيب واحده بتقول ماما وبابا نظافه السنين ويتبقي معاك الفين جنيه
تعمل بيهم حبشتكنات يعني جنوط دي في دي عده كاسيت حكايه اللي دماغك فيه
انا كنت في نفس الحيره دي من اكتر من سنه والله مش هزار سنه كامله بافكر اجيب ايه
السيفيا النظيف فيها قليل وغالي جدا
السيينا تكييف مش حلو وقطع غيار غاليه نسبيا مش اوي بس مش رخيصه قليل من الميانيكيه بيعرفو يظبطوها (علي الرغم من انها كانت احدي اختياراتي والله كان قدامي واحده 2001 فبريكه جوه وسقف وشنطه بره وكل حاجه شغاله زي الفل 34 الف)
جولف الماني وحكايه بس قطع غيار غاليه وعند ناس معينه وموديل قديم نسبيا
اللانوس بصراحه اختيار رائع بس لما يكون سقف فلوسك فوق الاربعين
هوندا سيفيك عربيه محترمه بس قطع غيار مش رخيصه ومش متوفره اوي
جولييت هيه يه الانوس لا تختلف الا في الشنطه اللي مهمه اوي اكتر من ما تتخيل
بونتو قطع غيار غاليه وما فيش مكانيكيه بيفهمو فيها والتوكيل بتعها زباااااااااااله
اوبل كورسا الماني بس قطع غيار غاليه وبرده نفس المشكله الميانيكي اللي يفهم فيها فين سوق اعاده البيع ما تلاقيش
خلاصه الكلام
معاك ال35 بس هات اكسيل
معاك فوق الاربعين هات لانوس او اكسنت 1500 كامله
انصحك لو عايز ركوبه وثبات واعتماديه عليك وعلى ابيزا او سوزوكي بالينو 98 او99 بس تكون نضيفه جدا ولازم تكشف عليها في التوكيل عشان ما تتعبش لو فيها مشاكل
يا جماعة ان معايا حوالى 40 او 42 الف وعايز اشترى عربية كويسة اشترى اية
اقتباس:
المشاركة الأصلية كتبت بواسطة islamgalal
انصحك لو عايز ركوبه وثبات واعتماديه عليك وعلى ابيزا او سوزوكي بالينو 98 او99 بس تكون نضيفه جدا ولازم تكشف عليها في التوكيل عشان ما تتعبش لو فيها مشاكل
الأول لازم تعمل موضوع منفصل خاص بيك علشان الردود و المشاركات تبقى كلها خاصة بيك ,اقتباس:
المشاركة الأصلية كتبت بواسطة islamgalal
ثانياً توضح انت ظروفك ايه , يعني الطرق اللي بتمشي فيها , الحمولة اللي هتركب العربية , المسافة اللي هتمشيها كل يوم , موضوع الصيانة وقطع الغيار , هل عايز حاجات رخيصة و لا بتعيش ...
بالنسبة لصاحب الموضوع , عربية في حدود 35 ,
أنسب حاجة الاكسيل , لو عايز قطع غيار رخيصة ومنتشرة و صيانة سهلة في كل مكان.
تبقي تمام قوي كدهاقتباس:
المشاركة الأصلية كتبت بواسطة fido2010