وجها لوجه مع موديلات رينو الجديدة

**M.Radwan** · 09-07-2010 06:06 PM

النهاردة روحت توكيل العبور لعمل صيانة 5000 للرينو لوجان
وكانت أول فرصة أتفرج على باقى موديلات رينو النهاردة وجها لوجه
الفلوانس، الميجان 3، الاسكالا والداستر
شفت الفلوانس والاسكالا مرات قليلة قوي فى الشارع فقولت فرصة أتفرج عليهم بجد،
طبعا هتقولو لى قديمة وبقالهم كتير واتصورو قبل كده
هقولوكم براحة عليا عشان أنا لسه رينوهاوي جديد :)

انطباعات:

1- الميجان 3:
روعة..بصراحة مش لاقي كلام أقوله غير حرااااام الناس تسيبها وتشترى الحاجات
التانية اللى انتو عارفينها.

كنت عايز أرتكب جريمة واعمل محاولة فاشلة لسرقتها

2- الفلوانس:
البرستيج، الفخامة في أبهى صورة

3- الاسكالا:
العربية وهي فى المعرض شكلها جميل جدا وشكلها الأمامي
أفضل من الصني بمراحل من وجهة نظري ولكن يعيبها الموتور الضعيف

4- الداستر:
واو من بره..تخطفك كده بشكلها القوي
يا خسارة من جوه.. حرام يبقى ده الانتريور بتاع العربية دي
هو لايق على اللوجان، بس مش لايق عليها خاااااالص

للأسف صورت الفلوانس والداستر ومكنش عندي وقت أصور الباقي

وبالنسبة للناس اللى كانت بتسأل على الداستر
لو روحت معرض واتفرجت عليها هتشتريها وانت واقف وش
فلو مش بتفكر فيها جديا، اوعي تروح تتفرج

**AirForces** · 09-07-2010 06:13 PM

انا روحت توكيل العبور قريب وشوفت الداتسر والأسكالا واللوجان هاتش باك للأسف ما شوفتش الميجان والفلوينس
الداستر فعلا من بره تشدك جدا ما شوفتهاش من جوه بصراحة
تسلم إيدك يا باشا على الصور
وما قولتلناش اخبار لوجى فى الصيانة إيه

**M.Radwan** · 09-07-2010 07:26 PM

المشاركة الأصلية كتبت بواسطة AirForces

انا روحت توكيل العبور قريب وشوفت الداتسر والأسكالا واللوجان هاتش باك للأسف ما شوفتش الميجان والفلوينس
الداستر فعلا من بره تشدك جدا ما شوفتهاش من جوه بصراحة
تسلم إيدك يا باشا على الصور

وما قولتلناش اخبار لوجى فى الصيانة إيه

الله يخليك يا باشا
بالنسبة للوجان مخدتش في ايدهم نص ساعة

شيكو على الكهرباء وزودو السوائل وربطو العفشة
المكان هادي جدا والمعاملة زي الفل،

**esslynx** · 09-07-2010 08:17 PM

انا كنت فى العبور انهارده بعمل صيانه 10000 الصبح على فكره

**M.Radwan** · 09-07-2010 08:32 PM

المشاركة الأصلية كتبت بواسطة esslynx

انا كنت فى العبور انهارده بعمل صيانه 10000 الصبح على فكره

أهلا وسهلا بيك
وياريت كنا اتقابلنا..بس خيرها فى غيرها ان شاء الله
أنا شوفت الميجان الحمراء اللى فى المدخل على اليمين، بصراحة تحفة ولونها حلو اوي
ربنا يباركلك فيها.. وياريت حضرتك تعملنا تقرير مصور عنها.

**esslynx** · 09-07-2010 08:48 PM

المشاركة الأصلية كتبت بواسطة foxoo7

أهلا وسهلا بيك
وياريت كنا اتقابلنا..بس خيرها فى غيرها ان شاء الله
أنا شوفت الميجان الحمراء اللى فى المدخل على اليمين، بصراحة تحفة ولونها حلو اوي
ربنا يباركلك فيها.. وياريت حضرتك تعملنا تقرير مصور عنها.

رينا يخليك بس الميجان اللى انت قصدك عليها دى بتاعت التست درايف انا بتاعتى اللى متصوره هنا و بالنسبه للتقرير المصور ان شاء الله قريب اوى و لو انا الاخوه اصحاب الفلوانس قاموا بالواجب و زياده

**M.Radwan** · 09-07-2010 08:56 PM

المشاركة الأصلية كتبت بواسطة esslynx

رينا يخليك بس الميجان اللى انت قصدك عليها دى بتاعت التست درايف انا بتاعتى اللى متصوره هنا و بالنسبه للتقرير المصور ان شاء الله قريب اوى و لو انا الاخوه اصحاب الفلوانس قاموا بالواجب و زياده

معلش هو الكلام حصل فيه لبس بس
أنا شايف عربية حضرتك السوداء اللى فى الصورة
هى دي اللى كنت بباركلك عليها
وكنت بكلمك على لون سيارة التست درايف

عايزين تقرير مفصل كده وسيبك من أصحاب الفلوانس متتحججش بيهم

..عشان العربية ابتدت تلعب فى دماغي جامد
وده من عيوب زيارة التوكيل

**esslynx** · 09-07-2010 09:17 PM

المشاركة الأصلية كتبت بواسطة foxoo7

معلش هو الكلام حصل فيه لبس بس
أنا شايف عربية حضرتك السوداء اللى فى الصورة
هى دي اللى كنت بباركلك عليها
وكنت بكلمك على لون سيارة التست درايف

عايزين تقرير مفصل كده وسيبك من أصحاب الفلوانس متتحججش بيهم

..عشان العربية ابتدت تلعب فى دماغي جامد
وده من عيوب زيارة التوكيل

بص انا هقولك على حاجه هو حتى لو قولنا انه فى تشابه كبير بن الفلوانس و الميجان بس فعلا الميجان حاجه تانيه نهائى يعنى انا مثلا معايا استرا برضه مش عايز اقولك انه بطلت اركبها غير كل فين علشان الميجان فى ناس بتقول انه المانى علطول احسن ده غلط و ميجان تغير فكره اى حد عن العربيات الفرنسيه اللى الناس بتفول عليها عرايس كفايه انك تبقى سايق العربيه و انت مش حاسس انت على سرعه كام و متبقاش قلقان من اى موقف علشان معاك عربيه تعتبر امتداد لدراعك مش حاجه منفصله عنك ربنا يكرمك و تجيبها و بجد مش هتندم نهائى ان شاء الله.

**Super_Star_h** · 10-07-2010 12:42 PM

الفلوانس شوفتها كذا مره
تصميمها وهمى بصراحه وخصوصآ من الداخل

**a7medalaa** · 10-07-2010 01:28 PM

المشاركة الأصلية كتبت بواسطة Foxoo7

3- الاسكالا:
العربية وهي فى المعرض شكلها جميل جدا وشكلها الأمامي
أفضل من الصني بمراحل من وجهة نظري ولكن يعيبها الموتور الضعيف

اولا شكرا علي الموضوع الجميل

انا ليا تعليق بسيط علي الجزئية دي عشان المر بيختلط علي كثير من الناس وللاسف بيتضحك عليهم
النيسان صني والرينو سكالا نفس الموتور ونفس القوة الحصانية بس توكيل نيسان كاتب 118 hp وهتلاقي مكتوب جنبها sae gross يعني القوة قبل ما توصل لانظمة نقل الحركة والتعليق اما الرينو فحاطين القوة بعد ما توصل لانظمة التعليق ودي اللي المفروض كل الشركات تحطهابس هانعمل ايه ده ضحك علي الناس
يا ريت حضرتك تتحقق من الموضوع ده لان الموضوع ده بيضحك بيه كتير علي الناس اللي بتشتري الصني

نيسان مصر بتستخدم طريقة عفى عليها الزمن و هي SAE Gross لحساب قدرة المحرك بدون النظر الى فاقد نقل الحركة Transmission Loss علشان أنا معايا البروشور بتاع الصني بينما رينو بتستخدم طريقة ال SAE Net اللي بتاخد في الحسبان فاقد نقل الحركة اللي تقريبا النظام المتبع في الدنيا لحساب قدرة المحرك.

و ممكن حضرتك تتاكد ان هو نفس الموتور المستخدم في الاتنين Nissan QG16DE من البروشور و موقع رينو بس مش رينو مصر عشان مش مكتوب فيه

وشكرا لحضرتك ويا ريت يا جماعة اللي ليه حد عايز الصني يوضحله النقطة دي عشان دي نقطة مهمة جدا بتنفر الناس من الاسكالا وتخليهم يروحو لعربية اقدم تقفيل اسوء كماليات اقل وتوكيل اوحش مع ان الموتور هو هو والله العظيم وممكن تتاكدو

الموضوع: وجها لوجه مع موديلات رينو الجديدة

LinkBack

أدوات الموضوع

عرض

-

-

-

-

-

-

-

-

المواضيع المتشابهه

انا و اللواء عمر سليمان وجها لوجه (صوره)

شركة رينو تطلق رينو ميجان المكشوفة الجديدة كليا

وجها لوجه مع سوناتا 2011 الجديدة....بالصور

.::رينو ميجان 2009 الجديدة تقترب من السوق المصرية (صور) موديلات الشرق الأوسط ::.

فيديو اختبار تصادم دايو ماتيز مع لادا 2110 وجها لوجه

الكلمات الدلالية لهذا الموضوع

المفضلات

المفضلات

ضوابط المشاركة