| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 2 من 3 الأولىالأولى 1 2 3 الأخيرةالأخيرة
النتائج 11 إلى 20 من 24

الموضوع: نقل الملكيه

  1. #11

    الصورة الرمزية piezo

    رقم العضوية : 3543

    تاريخ التسجيل : 03Dec2007

    المشاركات : 706

    النوع : ذكر

    الاقامة : al salam

    السيارة: no

    السيارة[2]: nubira 2.0cc

    دراجة بخارية: no

    الحالة : piezo غير متواجد حالياً

    افتراضي -

    hasad">

    مش عارف اقولك ايه ياحوده بجد ربنا يخليك ليا يارب
    انا مش مركب النمر الجديده انا الي عندي النمر القديمه وياتري تمنهم كام الي منهم لله دول


  2. #12

    الصورة الرمزية mahmoud19

    رقم العضوية : 19123

    تاريخ التسجيل : 16Sep2008

    المشاركات : 266

    النوع : ذكر

    الاقامة : A.R.E

    السيارة: ford escort1998

    السيارة[2]: kia sephia 2000

    الحالة : mahmoud19 غير متواجد حالياً

    افتراضي -

    ياباشا متقولش حاجه وتمام اوى ان انت لسه مركبتش نمر جديده وهيخدو منك حوالى 115 حاجه كده مش فاكر اوى بس اكتر من 100جنيه وربنا معاك


  3. #13

    الصورة الرمزية piezo

    رقم العضوية : 3543

    تاريخ التسجيل : 03Dec2007

    المشاركات : 706

    النوع : ذكر

    الاقامة : al salam

    السيارة: no

    السيارة[2]: nubira 2.0cc

    دراجة بخارية: no

    الحالة : piezo غير متواجد حالياً

    افتراضي -

    اخيرا ياشباب طلع كتاكيت كتاكيتي هاحكيلكوا ايه الي حصل فيها امبارح في المرور الجميل مرور السلام
    انا قلت اروح المرور من بدري علشان الحق اخلاص لان كان وراي مشاوير تانيه بعد الظهر قمت من النوم الساعه 5.30 فطرت وزبطت حالي و هدوم البهدله وقومت نازل غاسل العربيه علشان مش عايز هسس من حد المهم خلصت الغسيل وقمت لابس طقم البهدله وطلعت علي المرور وديه بداية المشوار الموررررررررررررررررررررر
    وصلت الساعه 7.30 دخلت ساحة الفحص وقفت وجيبت ورق الفحص و كان بي 23.50 جنيه
    وخدت راجل من الي بيرفعوا البصمه و اديته ال5 جنيه الئيمه وهو بياخ البصمه بتاعة الماتور شاف الزجاج عندي مشروخ قلي خلي العربيه بوشها للحيطه علشان المهندس مايخدش باله قلة تمام انا مش ناقص جيه المهندس وبص و ماخدش باله الحمد الله
    بص علي بصمة الماتور قلي مش واضحه قلت اجري اجيب الراجل تاني ياخد واحده تانيه الرجل قلي ليه ماهي واضحه اهي وراح للمهندس معايا وقاله لا يستني لما يجي مهندس مطابقة الباصمه قلت بس ان اتحط علي المهم روحت اختم ورقة الطفايه الراجلي قلي لا ديه مش بتاعتك قلت يادي النيله المهم جالي واحد كده بيكنس قالي ياتيشتري واحده جديده يا تبدله قلتله ازي قالي تعالي لقيته راحت حته كده ودفس الطفايه بتاعتي وادني واحده تانيه معاليهاش اي ختم وخد 70 جنيه خدها وروحت ختمتها و ختمة الورقه المهم جيه مهندس مطابقة الباصمه وقلي انا مش هاخليك تروح مرو الجيزه تاني و همشاهلك انا اول ماقلي كيده قلبي رقص من الفرحه وقمت مديله ال 20 جنيه الئيمه وقالي لازم تجيب المثلث وشنطة الاسعافات علشان اختمك ورق الفحص قالت يادي النيله تاني رحت جبتهم بي 71.50 جنيه ورحتله شفهم و ختملي الورق وخدت العربيه و طرت بره علشان انفد بلحمي ونا طالع بره لقيت شبابيك جباية التامين الاجباري الي مش عارف ايه لزمته لغيت دلوقتي ركنت العربيه ورجعت شتريت ورقة التامين الاجباري بي 80 جنيه وقمت فاك الواح الي عندي علشان اسلمها وخد الجديده وطبعا بره المرور كله بيجري عليك علشان يفكهالك وياخد الي فيه الناصيب بس انا فكتها لوحدي ودخلت الملحمه
    طبعاوقفت اسئل فين شباك نقل الملكيه مافيش حد عارف اي ابن كلب هناك بسئل عسكري قلي معرفش لولا واحد ابن حلال سمعني و دلني علي الشباك روحت وقفت في الطابور لقيت الناس الي تجي عند الشباك بتمشي بسرعه قلت الحمد الله تمام
    بس للاسف طلع غير كده الهانم الي قعده كل الي يجلها تقوله اعمل استعلام عن البطاقهعلشان لو عليك قضيه ولا احكام معرفش برده ايه لزمته غير الخنق علي الناس وخلاص طلعت النيابه و عملت استعلام والحمد الله كنت مصور البطاقه ادتهاله وقعدت بتاع نص ساعه عقبال ماجتلي خدها و قمت جاري علي الطابور وانا واقف لقيت الناس كلها جيبه الملف الورق الكبير ده قمت سايب الطابور و عرفت الي قدامي اني وراه جبته وجيت بسرعه وهو كان بي 1 جنيه وفضلت واقف مالا يقل عن ساعه تعبت ورحت قاعد ورجعت تاني
    وشويه كده النور قطع في المرور كله قلتي هيه هيه هيه قعد بتاع 10 دقائق ورجع تاني و الظريف بقي ان الواحد كان بيوقف بتاع نص ساعه عند الشباك ليه مش عارف المهم وقفت اجاهد نفسي لاني كنت زهقت و كنت هامشي فعلا قلت اقف عند الشباك و اشوف ايه الي بيجري وورق ايه الي بتحتاجه واحطه في الملف الورق وقفة وشوفت هي بتحتاج ايه وفعلا الحمد الله حطيت كل حاجه وبرده فين و فين عقبال ماجيه دوري ووقفت وكان لي هنا وقفه كل شويه حد يجي من جنب الطابور ويديها ورق ومش راضيه تاخد الملف بتاعي المهم خادته وانا كنت بزغرط من جوايا بصة في الورق كله تمام الحمد الله قالتي هتزود علي الضريبه الي مادفوعه لغيت 2011 قلتلها لا وفي بالي هو ناقص طابور الخزنه لا والف لا لقيتها عملتي وصل بي 155 جنيه مش عارف باين علشان الوح الجديده خدت الوصل و اديتني ورقه بتاعت اذن صرف لوحات وقلتلي صورها 6 نسخ قلت ان شاله 1000 نسخه بس امشي دفعت وصورة الورقه ورجعتلها بس مش في الطابور من جنب الطابور هو انا ناقص قامت كاتبت اذن تسليم لوحات وقالتلي امضي عند الشباك الي جنبي وسلم النمر القديمه روحت سلمته النمر القديمه و مضيت ورجعتلها تاني خدت الورق مني وقلتلي استني تحت التانده وهما هينادوا عليك هلشان تاخد الرخصه و اللوح قلتها كده مافيش حاجه تاني قلتلي لا خلاص انا قلت الحمد الله ربنا تاب علي من الجري هنا و هناك وفضلت قاعد لغيت الساعه 4 الا 5 دقائق لقيت المنادي بتعهم بينادي باسمي انا كان هيغمي علي ساعتها اول ماسمعت اسمي جريت ومن لهفتي رايح اجري كنت هاتقلب علي ظهري في زجاجة مايه بلاستيك و مقفوله بس لحقت نفسي الحمد الله خدتها وفرحت مراتي بالتلفون خدتها كانت هاتزغرط في التلفون المهم خدت الرخصه و روحت شباك تسليم الوح وخدت الوحه وحضنتها بقلبي وجريت ولقيت ناس بره طبعا تقولك هاتركب يابيه كنت بقولهم لا هو انا اتعب فيها وانت تركبها بس طبعا علشان كان ورايا كذا مشوار بعد الحرب الاهليه ديه وفقت وخليت حد منهم يركبها و خد 10 جنيه ...................
    كده حكايتي خلصت من الساعه 7.30 الصبح لغيت الساعه 4 العصر
    ونبي ده مش حرام اقف في مرور وسخ زي ده كل ده 8 ساعات ونص هاشان انقل ملكيه واجدد انا كان نفسي المرور يولع وانا واقف فيه علشان اقول لنفسي وانا وبولع احسن و تستاهل حد يعمل في نفسه كده مرور السلام حسبي الله و نعم الوكيل في الناس الي هناك ده كلها من اصغر واحد لي اكبر واحد هناك 8 ساعات و نص بنقل ملكيه و اجدد
    اناكتبتلكم الملحمه ديه من الساعه 1 و مخلصها الساعه 2 وكان نفس تاخد الوقت ده في المرور ساعه واحده بس للاسف لازم دورت الورق الملعونه ديه الله يحرق الورق و سنينه امال ايه لازمت الكمبيوتر انا مش عارف
    كفايه كده عليكم علشان عندي شغل بكره ولازم انام بس خايف اروح الشركه الاقي في طاوابير جوه الشركه
    ياله تصبحوا علي خير


  4. #14

    الصورة الرمزية shaaban2008

    رقم العضوية : 20432

    تاريخ التسجيل : 28Sep2008

    المشاركات : 544

    النوع : ذكر

    الاقامة : NASR CITY

    السيارة: lancer shark 2015

    السيارة[2]: verna 2013

    دراجة بخارية: ====

    الحالة : shaaban2008 غير متواجد حالياً

    افتراضي -

    علشان تخلص كل ده في يوم واحد وكمان في مرور السلام الجميييييييل أوي أوي وتقولي طلع كتاكيت كتاكيتك
    ومعرفش ايه ياراااااااااجل طب قول الحمد لله ده انت كده سوبر مان
    امال تقول ايه لما تعرف اني اخذت اكتر من شهرين في مرور السلام الجمييييييييل أوي ده علي مطلعوا الملف بتاع العربيه من الارشيف


  5. #15

    الصورة الرمزية piezo

    رقم العضوية : 3543

    تاريخ التسجيل : 03Dec2007

    المشاركات : 706

    النوع : ذكر

    الاقامة : al salam

    السيارة: no

    السيارة[2]: nubira 2.0cc

    دراجة بخارية: no

    الحالة : piezo غير متواجد حالياً

    افتراضي -

    اكتر من شهرين ليه ولاد الجذمه دول
    وبعدين ده طبيعي من الاهمال الهباب الي هما فيه ورمي الملفات بتاعة الناس و مفيش نظام ولا ترتيب الملفات ديه لو في نظام من الاول كان الدنيا اتغيرت حالها


  6. #16

    الصورة الرمزية SiGmAa

    رقم العضوية : 72234

    تاريخ التسجيل : 04Jun2010

    المشاركات : 93

    النوع : ذكر

    الاقامة : cairo

    السيارة: fiat 132

    السيارة[2]: mitsubishi galant 79

    الحالة : SiGmAa غير متواجد حالياً

    افتراضي -

    طبيا جماعة انا نفس الحالة تقريبا وعايز انقل من مرور الدقى لمرور السلام بس فى نقطة هنا محيرانى انا الرخصة عندى تاريخ الفحص هينتهى 2012 يبقى انا كدة هفحص برضو ولا مجرد انى برخص وانقل ملكية بس
    ومعلش سؤال تانى هو وانا بفحص لازم اشترى طفاية ودى بتتجاب بكام ومنين


  7. #17

    الصورة الرمزية SiGmAa

    رقم العضوية : 72234

    تاريخ التسجيل : 04Jun2010

    المشاركات : 93

    النوع : ذكر

    الاقامة : cairo

    السيارة: fiat 132

    السيارة[2]: mitsubishi galant 79

    الحالة : SiGmAa غير متواجد حالياً

    افتراضي -

    اقتباس المشاركة الأصلية كتبت بواسطة sigmaa مشاهدة المشاركة
    طبيا جماعة انا نفس الحالة تقريبا وعايز انقل من مرور الدقى لمرور السلام بس فى نقطة هنا محيرانى انا الرخصة عندى تاريخ الفحص هينتهى 2012 يبقى انا كدة هفحص برضو ولا مجرد انى برخص وانقل ملكية بس
    ومعلش سؤال تانى هو وانا بفحص لازم اشترى طفاية ودى بتتجاب بكام ومنين

    متابع ارجوكو الرد بسرعة


  8. #18

    الصورة الرمزية am79

    رقم العضوية : 20490

    تاريخ التسجيل : 28Sep2008

    المشاركات : 776

    النوع : ذكر

    الاقامة : Beheira

    السيارة: LancerCrystala&OctaviaA4>Sold

    السيارة[2]: BMW 320i coupe 95

    دراجة بخارية: لا يوجد

    الحالة : am79 غير متواجد حالياً

    افتراضي -

    'طيب انا عندي برضه
    نقل ملكيه الشهر الجاي
    هنقل من مرور حدائق القبه التابعه ليه السيارة إلي مرور المنتزه (الاسكندريه )
    انا معايه عقد مسجل
    دلوقت بقي ايه الخطواط إلأ تتتعمل لان معنديش استعداد اني اضرب مشوار لحد القاهرة ويقولك روح ورقه تاني من الاسكندريه او العكس
    ياريت يا اخوان الافاده الشامله و الدقيقه

    لكِ يا مصرُ السَّلامة وسلامًا يا بلادى إنْ رَمَى الدهرُ سِهَامَه أتَّقِيها بفؤادى واسْلَمِى في كُلِّ حين للعُلا أبناءَ مِصْرٍ للعُلا وبِمِصْرٍ شَرِّفُوا المستقبلا


  9. #19

    الصورة الرمزية SiGmAa

    رقم العضوية : 72234

    تاريخ التسجيل : 04Jun2010

    المشاركات : 93

    النوع : ذكر

    الاقامة : cairo

    السيارة: fiat 132

    السيارة[2]: mitsubishi galant 79

    الحالة : SiGmAa غير متواجد حالياً

    افتراضي -

    اقتباس المشاركة الأصلية كتبت بواسطة am79 مشاهدة المشاركة
    'طيب انا عندي برضه
    نقل ملكيه الشهر الجاي
    هنقل من مرور حدائق القبه التابعه ليه السيارة إلي مرور المنتزه (الاسكندريه )
    انا معايه عقد مسجل
    دلوقت بقي ايه الخطواط إلأ تتتعمل لان معنديش استعداد اني اضرب مشوار لحد القاهرة ويقولك روح ورقه تاني من الاسكندريه او العكس
    ياريت يا اخوان الافاده الشامله و الدقيقه

    بص ياباشا انا حنقلك واقع خبرتى فى الموضوع دة عشان مسحووول بقالى 3 ايام بتعذب فى مرور السلام عشان عندهم الشبكة واقعة
    المهم
    1- العقد المسجل اللى هو عقد بيع للنفس لازم مايكوش عدى علية اكتر من شهر
    2-لو الرخصة لسة سارية وخد بالك من النقطة دى لو لسة سارية بتروح مرور الحدائق وبتجيب شهادة مخالفات بس مابتجيبش بيانات اما لو الرخصة انتهت فبتجيب مخالفات وبيانات موجهة للمرور بتاعك
    3-بتروح المرور اللىعندك وخطواتك فية كالاتى
    أ-بتعمل بصمة الموتور وبتشترىورق فحص ب 15 جنية و شنطة الاسعاف والمثلث ب71 جنية وبتشترى الطفاية ب141 جنية وهو بيختمهالك
    ب- بتفحص العربية وماعرفش اية النظام عندكو فى اسكندرية بس فى السلام الفحص بيخلص ب 20 جنية لو العربية سليمة ومش عايزو يغتت عليك لو العربية فيها حاجة بتدفع اكتر طبعا
    ج-بتروح تدفع التأمين الاجبارى ودة تقريبا بيختلف حسب العربية والموديل تقريبا انا عن نفسى السنة واقفة ب 86 جنية
    د-بتعمل استعلام عن البطاقة الشخصية فى المباحث اللى فى المرور بتجيب صورة البطاقة وتطلعها المكتب وبعد 10 دقايق بالكتير بيختمهالك ان ماعليكش احكام جنائية
    ز-بعد كدة بتروح شباك نقل الملكة ولازم يكون متوفر معاك الاتى
    1-توكيلات العربية لو فيها توكيلات وعقد البيع اللى بأسمك
    2-الرخصة لو معاك وسارية اما فى حالة انها خلصت يبقى شهادة البيانات وشهادة المخالفات طبعا
    3-ورق الفحص بعد ماتعمل الفحص ويتختم ويبقى كلو تمام
    4- صورتين من الرخصة وصورة البطاقة اللى اتعمل عليها استعلام وبتشترى نموزج نقل ملكية من الراجل بتاع التصوير وبتحط دة كلو فى ملف وبتدية للموظف بتاع شباك نقل الملكية
    5-ماقدرش افيدك فها عشان الشبكة كانت واقعة وبعدين جت ووقفت طابور 4 ساعات وفى الاخر الخزنة قفلت ماعرفتش ادفع الضريبة بس اللى عرفتو من الزملاء ملازمين الكفاح اللى كانو معايا فى الطابور ان الموظف بياخد كل اللى قلتلك علية دة وبيديك وصل تروح الخزنة تدفع ضريبة عربيتك (شوف السنة عندك بكام ) وبتدفع 115 جنية تمن اللوحات ولو ربنا كرمك وخلصت دة كلو بتوديلو الوصل اللى انت دفعتو وبتروح تسلم نمرك القديمة وتقعد تستنى اسمك اما ينادوك عشان استلام اللوح الجديدة والرخصة
    ومبروك ياباشا مقدما


  10. #20

    الصورة الرمزية am79

    رقم العضوية : 20490

    تاريخ التسجيل : 28Sep2008

    المشاركات : 776

    النوع : ذكر

    الاقامة : Beheira

    السيارة: LancerCrystala&OctaviaA4>Sold

    السيارة[2]: BMW 320i coupe 95

    دراجة بخارية: لا يوجد

    الحالة : am79 غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة sigmaa مشاهدة المشاركة
    بص ياباشا انا حنقلك واقع خبرتى فى الموضوع دة عشان مسحووول بقالى 3 ايام بتعذب فى مرور السلام عشان عندهم الشبكة واقعة
    المهم
    1- العقد المسجل اللى هو عقد بيع للنفس لازم مايكوش عدى علية اكتر من شهر
    2-لو الرخصة لسة سارية وخد بالك من النقطة دى لو لسة سارية بتروح مرور الحدائق وبتجيب شهادة مخالفات بس مابتجيبش بيانات اما لو الرخصة انتهت فبتجيب مخالفات وبيانات موجهة للمرور بتاعك
    3-بتروح المرور اللىعندك وخطواتك فية كالاتى
    أ-بتعمل بصمة الموتور وبتشترىورق فحص ب 15 جنية و شنطة الاسعاف والمثلث ب71 جنية وبتشترى الطفاية ب141 جنية وهو بيختمهالك
    ب- بتفحص العربية وماعرفش اية النظام عندكو فى اسكندرية بس فى السلام الفحص بيخلص ب 20 جنية لو العربية سليمة ومش عايزو يغتت عليك لو العربية فيها حاجة بتدفع اكتر طبعا
    ج-بتروح تدفع التأمين الاجبارى ودة تقريبا بيختلف حسب العربية والموديل تقريبا انا عن نفسى السنة واقفة ب 86 جنية
    د-بتعمل استعلام عن البطاقة الشخصية فى المباحث اللى فى المرور بتجيب صورة البطاقة وتطلعها المكتب وبعد 10 دقايق بالكتير بيختمهالك ان ماعليكش احكام جنائية
    ز-بعد كدة بتروح شباك نقل الملكة ولازم يكون متوفر معاك الاتى
    1-توكيلات العربية لو فيها توكيلات وعقد البيع اللى بأسمك
    2-الرخصة لو معاك وسارية اما فى حالة انها خلصت يبقى شهادة البيانات وشهادة المخالفات طبعا
    3-ورق الفحص بعد ماتعمل الفحص ويتختم ويبقى كلو تمام
    4- صورتين من الرخصة وصورة البطاقة اللى اتعمل عليها استعلام وبتشترى نموزج نقل ملكية من الراجل بتاع التصوير وبتحط دة كلو فى ملف وبتدية للموظف بتاع شباك نقل الملكية
    5-ماقدرش افيدك فها عشان الشبكة كانت واقعة وبعدين جت ووقفت طابور 4 ساعات وفى الاخر الخزنة قفلت ماعرفتش ادفع الضريبة بس اللى عرفتو من الزملاء ملازمين الكفاح اللى كانو معايا فى الطابور ان الموظف بياخد كل اللى قلتلك علية دة وبيديك وصل تروح الخزنة تدفع ضريبة عربيتك (شوف السنة عندك بكام ) وبتدفع 115 جنية تمن اللوحات ولو ربنا كرمك وخلصت دة كلو بتوديلو الوصل اللى انت دفعتو وبتروح تسلم نمرك القديمة وتقعد تستنى اسمك اما ينادوك عشان استلام اللوح الجديدة والرخصة
    ومبروك ياباشا مقدما
    ألف شكر ياباشا علي المعلومات القيمه دي
    بس فيه نقطه حضرتك متأكد منها ؟؟؟ ان العقد المسجل إل الموجود بأسمي ده ميعديش عليه اكتر من شهر
    يعني لو عدا عليه اكتر من شهر هعمل واحد تاني ب 550 جنيه

    لكِ يا مصرُ السَّلامة وسلامًا يا بلادى إنْ رَمَى الدهرُ سِهَامَه أتَّقِيها بفؤادى واسْلَمِى في كُلِّ حين للعُلا أبناءَ مِصْرٍ للعُلا وبِمِصْرٍ شَرِّفُوا المستقبلا



 
صفحة 2 من 3 الأولىالأولى 1 2 3 الأخيرةالأخيرة

المواضيع المتشابهه

  1. محتاج للمساعده فى نقل الملكيه
    بواسطة olver في المنتدى المنتــــــدى العـــــــــــام للسيــارات
    مشاركات: 7
    آخر مشاركة: 22-06-2012, 07:08 PM
  2. خطواط نقل الملكيه؟
    بواسطة astrologer في المنتدى بيـــع و شــــراء
    مشاركات: 1
    آخر مشاركة: 06-03-2010, 12:30 AM
  3. نقل الملكيه و الضريبه
    بواسطة amirrk في المنتدى أوبـــــل
    مشاركات: 22
    آخر مشاركة: 23-11-2009, 07:43 PM
  4. استشاره في نقل الملكيه
    بواسطة mkhalifa73 في المنتدى مقـتـــرحـــــات لحــــل الأزمـــات المــرورية
    مشاركات: 3
    آخر مشاركة: 19-11-2008, 01:47 PM
  5. استفسار بخصوص نقل الملكيه
    بواسطة ibrahimsaad في المنتدى ساحة المرور وموضوعات التأمين في مصر
    مشاركات: 13
    آخر مشاركة: 01-10-2008, 12:19 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2