بسم الله الرحمن الرحيم

اولآ أحب أهدى الشرح المتواضع دا لروح أخويا وأخوكل كل عضوى فى قسم الدايو أخونا محمد جمعة اللى هيفضل فى قلبى وقلب كل اللى عرفه وأسال الله سبحانه وتعالى أن يرحمه ويجعل جنة الفردوس مثواه.

ندخل فى الموضوع
انا كنت بقالى فترة بسمع صوت تخطبيط فى العربية من تحت وأقول دا بيض الطرف او بيض البارات وبالفعل رحت غيرته ولما كنت بركبه الميكانيكى قالى خد بالك إن بيض المقصات كمان مش هيطول لإن شكله خلصان.. قلتله خليها على الله ولما تيجى كاشات هبقة أغيرهم .. وفضلت على الحال دا 3 شهور لغاية من اسبوع فات جاى بدور العربية وطالع بيها لقيت صوت زى مايكون حديد بيخبط فى بعضه وصوت طرقعة وتزييق جامد اوى وفاضيح وانا ماشى بالعربية وكدة.. فاقولت لنفسى أكيد دا البيض بتاع المقصات ورحت نازل تحت العربية وقمت رافع الجلدة بتاعه واديتها زيت لغاية لما العملية تفرج.. والحمد لله ربنا فرجها ورحت إمبارح اشتريت بيض جديد كورى فى علبة لونها أبيض فى أحمر مش فاكر اسمها ايه ب 85 جنيه... وقمت طالع على الميكانيكى.. قالى ياباشا هنحتاج نحل المقصات كلها لإن بيض المقصات عندك متبرشم ولازم تروح عند خراط وتفور البرشام.. وبالفعل فورنا المقصين وشكل البرشام كان كالتالى



ودا شكل البيضة البايظة.. شكلها طبعآ خلصاااااااااااااااااااااا ااان





ودا الفرق مابين الجديد والقديم






ودا شكل البيض لما ركب





ودا الميكانيكى وهوا بيشحم الأفييز اللى ماسك الكاوتشة بتاعة المقصات



نيجى بقة للتكاليف

بيض المقصات=85
مصنعية الخراط =15
مصنعية الميكانيكى=30

أتمنى إنى أكون وفقت فى الشرح ومعلش لو مستوايا كان ضعيف فى الشرح
وانا تحت أمر اى حد فى اى سؤال

م/ أحمد نبيل