الحقونى - الالنترا الجديدة

**ammahah_ahmed** · 23-02-2008 05:47 PM

مش قادر ارد غير بكلمة واحدة... وعجبي!!!

**Kisho** · 23-02-2008 08:26 PM

حضرتك انا شفت الى وصفته ده فى عربيه تانيه (بخصوص عدم استقرار نور التابلوه)
الكلام ده من 3 سنين
كان السبب المفتاح اللى بيغير شده اضاءه التابلوه
المقاومه بتاعته كانت بايظه

بس ده تشخيص مالوش دعوه طبعا باستعمال الموبايل
و مالوش دعوه بكهرباء المحرك

**Hossam.Hamdy** · 23-02-2008 10:26 PM

المشاركة الأصلية كتبت بواسطة SEATLOVER

يا analyzer باشا اهدى بس شوية ..العربية حلوة اوى ماتبوظش فرحتك بيها ....
ممكن يكون ذى ما قلتلك بتفرق من موبيل للتانى عشان كدة بتبان فى عربيات و عربيات لآ
بعدين جرب موبيلات ماركات تانية مش هاتخسر حاجة
وبردو اقرا الكتالوج شوية ...لو مذكور كدة يبقى عداهم العيب و مش لازم التكنولوجى تبقى متقدمة اوى يعنى عشان تغطى الموضوع دة
ما فى الطيارات اللى اسمها الطيارت ممنوع و (محطات البنزين -المستشفيات -...)

الطيارات ممكنوع فيها علشان خاط الشبكه بتاعت الموبيل هتأثر على اجهزه الاتصال بتاعت الطياره
انما البنزين معرفش له

**dr.amr** · 24-02-2008 10:22 AM

الموضوع ده بيحصل مع واحد صاحب انا كنت فاكره بيهزر
هو بيقولي لما بعدي في مكان معين بلاقي النور القلاب بيشتغل لوحده
ولما يبعد عن المكان ده الموضوع بيرجع عادي

**ahmedfd** · 26-02-2008 01:26 PM

أنا معايا النترا 2008 برضه بس الحقيقة مفيش المشكلة دي خالص... بس فعلاً في صيانة الألف نبهوني إنه نتيجة للتكنولوجيا اللي فيها و وجود سنسورز كتير فممكن أثناء المرور قرب كابلات ضغط عالي نور العربية يرعش بسيط و ده عادي و ميقلقش بس الحقيقة أنا محصليش الكلام ده خالص و بحط الموبايل في التابلوه عادي جداً.
و الله أنا شايف كلام seatlover منطقي و معقول.. جرب كده الموضوع مع موبايل نوع تاني مجرد بس علشان نحل الموضوع بطريقة الإستبعاد و مين عارف...
و كمان كلام الأخ هشام عبد المجيد برضه فيه منطق كبير .. يعني ممكن لو عربيتك GL و راكبلها الإنذار في مصر فممكن تردد الجهاز مع الموبايل بيلخبط النور.. و الله أعلم.

**som3aa** · 27-02-2008 04:04 PM

و لا تجرب و لا كلام فارغ من دا
احنا بنهزر هنا نور عربية ايه اللى يطفى و طيارات ايه و كلام فارغ ايه؟؟؟؟
و لا حتى تقرا الكاتالوج
انت تشوف مين المسئول و تحكيله المشكلة يا يصلحلك الموضوع دا يا تروح لمديره و افضل كده لحد ما توصل لغبور لو المشكلة متحلتش ابعت لكوريا
قال تنور و تطفى قال
دى عربية هى لعبة؟؟؟؟؟

على فكرة انا شايف ان الناس اللى شغالين فى توكيل ابو رواش و المديرين ممتازين و مش هيعدوا حاجة كده صدقنى روح و شوف ايه النظام كده بس اوعى تسكت انشله ترجع العربية انا لو مشكلة زى دى حصلتلى مش هيبقى خير ابدا

و أنا شايف موضوع هنا للشكوى للمهندس عاطف اشتكيله الراجل دا محترم جدااااااااااااااااااا و عنده ضمير اوىىىىىىى و عن تجربة بيحل اى مشكلة.

**Hossam.Hamdy** · 01-03-2008 07:38 AM

اتا سألتلك المهندس عاطف عبد السميع و قالى احيانا الانزار بيعمل المشكله ده..روح و هيغيروه

**meza** · 01-03-2008 09:15 AM

المشاركة الأصلية كتبت بواسطة Hossam.Hamdy

الطيارات ممكنوع فيها علشان خاط الشبكه بتاعت الموبيل هتأثر على اجهزه الاتصال بتاعت الطياره
انما البنزين معرفش له

كلمة خارج الموضوع : ممنوع إستخدام الموبايل فى البنزينة لأنه ممكن يأثر على قراية عداد البنزين الديجيتال.....على حسب ما سمعت. :)

**ابوشريف** · 01-03-2008 09:28 AM

كلام الاستاذ هشام عبد المجيد ان السبب فى جهاز الانذار هو التشخيص السليم

لانه بيشتغل على ترددات لاسلكيه بتختلف من عربيه لاخرى

جايز ترددات موبايلك قريبه لترددات جهاز الانذار

وعلشان تتأكد جرب الآتى :

1 - موبايل نوع مختلف

2 - نفس الموبايل مع خط آخر غير خطك