| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 12 1 2 3 4 5 6 11 ... الأخيرةالأخيرة
النتائج 1 إلى 10 من 113

  1. #1

    الصورة الرمزية omdaz_5538

    رقم العضوية : 23672

    تاريخ التسجيل : 30Oct2008

    المشاركات : 1,627

    النوع : ذكر

    الاقامة : Menofia

    السيارة: OPEL ASTRA G

    السيارة[2]: KIA RIO UB

    الحالة : omdaz_5538 غير متواجد حالياً

    افتراضي Sport Air Filter (Install) (Advantage+Disadvantage) - Facebook Twitter whatsapp انشر الموضوع فى :

    hasad">

    السلام عليكم ورحمة الله وبركاته
    في البداية أنا عامل الموضوع عشان بعض الاعضاء اللى طلبوه و اخص أخويه الاستراوي اللدود نوبل حبيبي قلبي
    لأنه كان طلبه مني بقاله فتره كبيره و أنا والله مكنتش ناسي ولا حاجه
    بس ظروف اللي كانت عندي مخليانى غبت عن المنتدى فترة كبيرة أوي
    نبطل رغي بقة وندخل في الموضوع
    ده الكيت الاصلى للفلتر و ده اسمه Cold Air Intake يعنى المفروض ان الهوا بيدخل للعربيه بارد
    من الماسوره رقم 1 اللى فى الشبكه و ينتقل الى الماسوره رقم 2 الوصله مابين رقم 1 و العمه
    اللى هنعميله اننا هنركب فلتر الاسبيد على الماسوره دى اللى هيه رقم 3



    أولا الأدوات المستخدمة مفك عادة و بنسة ببوز لو احتجناها فى ربط الاولسية بعد فكه(لما نوصل للأخر)
    نبتدي الشغل بقة
    1- تيجي بالمفك العاده و تفك الاولسيه ده بالطريقة دى

    2- خد بالك الاولسيه ده ممكن يعمل الإله و يطير في وشك
    فا إحنا نمسكه بأيدنا الشمال و نتبدى باليمين نفك كده

    3- هتلاقى خورطوم صغير اسود مربوط فى العمه بالكلبس ده هترجعه لورا هيتفك على طول
    4- تجيب المفك العاده برده وتفك المسمار بتاع العمه

    5- تبتدي تفك الكلبسات بتاعت العمه وتفك الجزء اللى فوق بتاع العمه

    6- الماسوره رقم 2 اللى هى واصله مابين رقم 1 و العمه و دى راكبه كبس فى العمه

    هنحاول براحه نفك الواصله عن العمه و نخرجها بميل ذى ما فى الصوره كدا

    كده يبقى احنا لغينا العمه دى كده خاااااااااالص

    7- نجيب الفلتر الاسبيد او الاسبورت او اى ان كان اسمه
    نركبه بكل سهوله على الماسوره بتاعت العمه

    8- بالمفك الصليبه و تربط المسمار بتاع الاولسية بتاع الفلتر الجديد
    نيجى بقه للأولسيه الاصلى بتاع العمه و نربط بيه الماسوره اللى متركبه فى الفلتر
    عشان متتحركش كل شويه و تعملنا مشكله
    ممكن نربطه هنا مفيش قلق لأن الفلتر وزنه خفيف مش تقيل
    و هنستخدم الاولسيه الاقلى اللى فكناه و نربط بالماسوره اللى ببوز اللى قولنا عليها

    كده احنا خلاص ركبنا الفلتر و كله تمام


    فى عندك هنا الماسوره رقم 2 او الواصله سيبها ركبه متفكهاش

    عشان دى بتاخد الهوا اللى جاى من الشبكه من بره العربيه و تديه للفلتر ودى اسمها Cold Intake
    و مع المشي دى بتساعد على تجديد الهوا اللى داخل للفلتر و تحاول تقلل من درجه حراره الهوا اللى جوه الحوض

    الهوا اللى بيدخل للماسوره رقم 1 بيدخل من الفاتحه اللى فى الصوره دى من ورا الشبكه

    نيجى بقة لمزايا و عيوب الفلتر ده
    نبتدى بالعيوب عشان نسيب المزايا نحلى بيها
    1- الفلتر بيسخنك على طول على الجري و ده اللى بيخلى العربيه تبقى مسرفه شويه فى البنزين(بس مش معنى كده انها هتكله اكل)
    عشان صوته بجد تحفه يحسسك انك راكب موتور 3000 مثلا(وعلى فكره صوته مش بيظهر إلا في القرص بس او الكبس)و دى ميزه طبعا
    يعنى مش ذى الديفل خالص عمال بيجعر على طول و يزعجك في السفر لو أنت دايس او بتجري
    و غير كده صوت القلتر انعم بكتير
    يعنى للناس اللى مش بتحب الصوت ده طلما بيسوق عادى من غير قرص او كبس الصوت مش هيطلع ابدا
    2- الفلتر بيسحب هوا سخن من داخل الحوض و ده بيخلى العربيه مكتومة اوى فى الصيف و خصوصا مع ارتفاع درجه الحرارة و التكييف شغال تحس انك راكب بطه بلدى (عشان كده لا أفضل تركيبه فى الصيف)
    و ده بيرجع لإن الفلتر متركب (Short Ram Intake) و الفلتر الأصلى بتعها Cold Air Intake
    عشان كده لو تلحظوا انى ملغيتش الماسوره رقم 2 ولا 1 عشان بقدر الامكان يجددوا الهوا اللى فى الحوض
    نيج بقى لمزايا الفلتر:-
    1- ذى ماقولت فى الاول الفلتر صوته مش بيظهر خالص الا فى القرص بس او الكبس يعني لو انت مسافر و ماشى على RBM عالى الفلتر صوته مش هيظهر ولا هيضيقك ذى ما الديفيل بيعمل
    2- التسارع بتاع العربيه اعلى و استجابه الموتور اسرع وده نتيجه ان الموتور بيتنفس احسن و ده بيرجع لسببين الاول ان معدش فى عوائق كتير زى العلبه و المسورتين اللى قدام العلبه اللى فيهم كرفات بتعمل على اعاقه الهوا اللى داخل للموتور (هتحس بالكلام ده اكتر بكتير فى الشتاء عن الصيف)
    3- السبب التانى هقوله هنا ان الفلتر ده مسامه اوسع من مسام الفلتر الاصلى و بيسهل على الموتور التنفس(تخيل كده لو انت ماسك شاليمو رفيع و عمال تشفط هوا و مره واحده شديت الشاليمو و انت بتشفط هتلاقى كميه الهوا اللى داخله بقيه مضاعفه اكتر)المثال ده قالهولى البشمهندس ممدوح
    4- الفلتر مش بيتغير سهل التنظيف بيتغسل بالميه والصابون عادى و بيرجع زى الفل

    ملاحظاتي عن الفلتر بعد التجربه و التركيب
    1- الفلتر معايا بقاله اكتر من 8 شهور يعني جربته فى الشتى و الصيف
    فى الشتى اداء الفلتر مع العربيه اكثر من رائع بس فى الصيف انا مركب الكيت الاصلى بتعها عشان التكييف و السواقه جوه البلد وكده لأن الهوا السخن مع الحر اللى احنا فيه ده بيخلي العربيه مكتومه
    عشان كده انا بكررها (لا يفضل تركيبه فى الصيف)
    و ان شاء الله هظبط كيت ColdAir لفلتر الاسبيد بأقل التكالييف عشان امشي بيه فى الصيف و اول ما اخلصه هرفع الصور و عمله فى موضوع كمان
    2- العربيه لو انت ماشي بالراحه من غير قرص و كبس و الكلام ده
    استهلاك البنزين اتحسن انا مكنتش مصدق إلا لما حسبتها نظريا و كملت التجربه عمليا
    نظريا ذى ماقلت الفلتر احنا مركبينه Short Ram Intake و هنا الAir Mass مش عبيط
    هيلاقى ان الهوا اللى داخل من الفلتر سخن و كميه الأكسجين فيه قليله
    و هيدي امر للكنترول بان يدي بنزين قليل على قد كميه الاكسجين و درجه حرارته
    3- الفلتر مسامه اوسع من الفلتر العادى و ده ممكن يخلى التراب يدخل للموتور
    عشان كده بعض الفلاتر العاليه ذى الK&N بيجي معاه زيت بيتحط بعد كل عمليه تنظيف للفلتر
    اما الفلاتر ذى الSimota و الAeroSpeed مش بيجي معاها الزيت ده
    بس انا بستخدم زيت الباور العادي بعد كل عمليه تنظيف لزيادة كفائه الترشيح و عن تجربه فعليه معدش فيه نقطه تراب واحده جوه الماسوره
    و الطريقه انك بتديله فرشه زيت باور بس قبل التركيب
    نيجي بقى لسؤال حلقه النهارده :-
    طيب بدام الفلتر ده فوايده كتيره اوى كده ليه الخواجه مش بينزله مع العربيه؟
    الجواب
    1- ان الفلتر مصنوع من مواد اغلى بكتير من المواد اللى مصنوع منها الفلتر العادى
    2- اهم حاجه عند الخواجه ان العر بيه دى تكون صوتها واطي فى حاله القرص او غير القرص
    3- يهمه ان العربيه تعمل اقل متوسط معدل استهلاك للوقود فى جميع الحلات القرص او الغير القرص سواء فى الشتاء او الصيف
    و بكده نوصل لختام حلقتنا النهارده
    و اى استفسار انا تحت امركم
    يارب مكونش طولت عليكوا
    ارجوا من الاداره تثبيت الموضوع هنا فى القسم لتعم الفائده


  2. #2

    الصورة الرمزية nab!l

    رقم العضوية : 40835

    تاريخ التسجيل : 22May2009

    المشاركات : 3,475

    النوع : ذكر

    الاقامة : damietta

    السيارة: thanks god

    السيارة[2]: opel astra 2000

    الحالة : nab!l غير متواجد حالياً

    افتراضي -

    حبيب هارتى
    الموضوع شكله جامد
    انا قلت الحق ارد اول
    ارجع اقرا وارد عليك


  3. #3

    الصورة الرمزية omdaz_5538

    رقم العضوية : 23672

    تاريخ التسجيل : 30Oct2008

    المشاركات : 1,627

    النوع : ذكر

    الاقامة : Menofia

    السيارة: OPEL ASTRA G

    السيارة[2]: KIA RIO UB

    الحالة : omdaz_5538 غير متواجد حالياً

    افتراضي -

    ماشي يا ريس
    و انا مستني التقييم


  4. #4

    الصورة الرمزية nab!l

    رقم العضوية : 40835

    تاريخ التسجيل : 22May2009

    المشاركات : 3,475

    النوع : ذكر

    الاقامة : damietta

    السيارة: thanks god

    السيارة[2]: opel astra 2000

    الحالة : nab!l غير متواجد حالياً

    افتراضي -


    زى الفل لا وبالتفصيل كمان
    لا انا اللى غايظنى ان الدكتور بتاعى قاللى الفلتر هيضيع الاير ماس
    المهم
    دلوقتى انت مقلتش سعره كم ونوعه ايه
    والسحب اتحسن بمستوى اد ايه؟ بالارقام يابرنس لو سمحت


  5. #5

    الصورة الرمزية lancerevolution

    رقم العضوية : 17364

    تاريخ التسجيل : 27Aug2008

    المشاركات : 5,732

    النوع : ذكر

    الاقامة : shbien el kome

    السيارة: إوعدنا يا رب

    السيارة[2]: opel vectra 2.0 2001

    الحالة : lancerevolution غير متواجد حالياً

    افتراضي -

    يا عمدة يا جامد

    [sor2]http://badge.facebook.com/badge/118286498828.2713.630313105.png[/sor2]


    لما نعيش فى تبات و نبات و نجيب صبيان و بنات إسمى هو الى هيخدوه منى و بس



  6. #6

    الصورة الرمزية Moe86

    رقم العضوية : 42525

    تاريخ التسجيل : 13Jun2009

    المشاركات : 2,955

    النوع : ذكر

    الاقامة : Tanta mainly

    السيارة: Fiesta1.6, Punto

    السيارة[2]: Peugeot 207

    دراجة بخارية: no

    الحالة : Moe86 غير متواجد حالياً

    افتراضي -

    شرح مفصل و زى الفل


  7. #7

    الصورة الرمزية tamertamer

    رقم العضوية : 26835

    تاريخ التسجيل : 04Dec2008

    المشاركات : 5,195

    النوع : ذكر

    الاقامة : القاهرة (مصر الجديدة)

    السيارة: HONDA CBR 919RR

    السيارة[2]: Opel Vectra B

    دراجة بخارية: honda

    الحالة : tamertamer غير متواجد حالياً

    افتراضي -

    اة يا عم دة اة الموضيع الجمدة دية تسلم الايادى يا زعيم


    i love my car


  8. #8

    الصورة الرمزية amraction

    رقم العضوية : 58932

    تاريخ التسجيل : 15Jan2010

    المشاركات : 793

    النوع : ذكر

    الاقامة : الشرقيه - الزقازيق

    السيارة: ___

    السيارة[2]: opel vectra B2 (2000)- 1600 cc

    دراجة بخارية: __

    الحالة : amraction غير متواجد حالياً

    افتراضي -

    بسم الله ماشاء الله
    موضوع فاااااااااااااجر فحت وهدم وردم..
    تسلم الايادى يا بوب


  9. #9

    الصورة الرمزية islambana

    رقم العضوية : 1819

    تاريخ التسجيل : 19Aug2007

    المشاركات : 2,201

    النوع : ذكر

    الاقامة : cairo(elmohandseen) & sohag

    السيارة: it was Vectra B CDX

    السيارة[2]: Lancer 99 GLX Automatic

    دراجة بخارية: NO

    الحالة : islambana غير متواجد حالياً

    افتراضي -

    موضوع جامد ياباشا تسلم ايدك


  10. #10

    الصورة الرمزية 3ateef

    رقم العضوية : 63782

    تاريخ التسجيل : 01Mar2010

    المشاركات : 2,807

    النوع : ذكر

    الاقامة : Masr

    السيارة: *

    السيارة[2]: Nubira II CDX

    الحالة : 3ateef غير متواجد حالياً

    افتراضي -

    hasad">

    من اجمل المواضيع اللى قريتها فى المنتدى....

    تسلم ايدك يا باشا....



 
صفحة 1 من 12 1 2 3 4 5 6 11 ... الأخيرةالأخيرة

المواضيع المتشابهه

  1. sport filter flanch for 2e or ADY 2000cc
    بواسطة ahmedtunning في المنتدى فــــولكـــس
    مشاركات: 0
    آخر مشاركة: 28-05-2011, 12:04 AM
  2. موبيل HTC Advantage X7500 للبيع
    بواسطة kokmedo في المنتدى نايل موتورز مول
    مشاركات: 5
    آخر مشاركة: 11-04-2011, 07:57 AM
  3. Can i install the AUX- in my car 1.3 GLX
    بواسطة askoda في المنتدى دايــهاتســو
    مشاركات: 3
    آخر مشاركة: 04-01-2010, 12:15 PM
  4. Wanted; Sport Air Filter used or new...
    بواسطة Abdallah في المنتدى قســم خاص لطلـبات شــراء الســـيارات و متعلقاتها فقـــط
    مشاركات: 0
    آخر مشاركة: 21-05-2007, 03:22 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2