سخافة مهندس صيانة غبور تفتكرو لما اروح اتعامل معاهم ازى

اخوانى الاعزاء هاحكيلكم حكاية و محتاج مشورتكم :majd(4):

انا لسة شارى فيرنا جى ال اس من كام يوم المهم كنت عاوز افصل الاريل بتاع الكاسيت لانى شايف كل العربيات ال جى ال اس الاريال بتاعها مكسور و كنت حطيت مشاركة هنا فى المنتدى و قولت لو حاجة بسيطة اعملها انا و اخلص بدل ما اروح التوكيل فى حاجة هايفة و لسة بدرى على صيانة الالف الاولى
المهم واحد صاحبى كان رايح يعمل صيانة قالى تعالى معايا برضو قولتلو اسالى و لو سهلة اعملها مش عاوزين ندوش الناس (زبون مريح لغاية دلوقتى) المهم قولت اكلم التوكيل اسال هو انا كدة هاخد دور ولا تتعمل و انا واقف

اتصلت بالتوكيل ف اسكندرية رد عليا و احد مهندس مخنوق من نفسة (ولا اللى شغالين فى القطاع العام )
المهم
صباح الخير الحكاية كذا كذا عاوز اعدى حد يفصلى الاريل انا مش عاوزة
المهندس لا معندناش حد يعمل الموضوع د
انا ازى مش انتو التوكيل برضو ؟ :T_thum1[1]:
المهندس اه بس الموضوع د مش عندنا كان عندنا واحد بتاع الكترونيات و مشى انت تروح تعملها عتد اى كهرباى
انا كهربائى ازى د حاجة بسيطة سلكة هاتتفك و انا لسة جايب العربية من 3 ايام
المهندس مفيش حد بيعمل الموضوع د عندنا

و انتهت المكالمة بعد ما قولتلو شكرا


انا بقى عاوز رائيكم

هو انا مثلا قولتلو عاوز تعديل تخلى العربية تمشى بالسولار
ولا رايحلو ب عربية دايو و هما مابيفهموش فيها

ولا هو علشان الكلام فى التليفون يبقى يزحلق الزبون و هو زبون جديد هايقرفنا من اولها

تفتكرو لما اروح و اتكلم هناك حد هايتجاوب :satelite:

ولا لازم الحوار بتاع الوحد يعلى صوتو هاتولى المدير انا لسة بقول يا هادى و مش عاوز مشاكل و خصوصا الموضوع اهيف من ان الواحد يجعجع فيه

بس انا معتبر ان البداية مش مبشرة مع التوكيل امال لو رايحلهم فى مشكلة كبيرة هايعملو ايه


ياريت ردودكم فى الحلول المناسبة فى التعامل مع التوكيل من واقع خبرتكم

شكرا جزيلا

بص التليفون انا ليا نوادر مع توكيل ابو رواش اه ترد عليا واحدة فاهمة نفسها اللى مفيش زيها المهم لما قفلت السكة ف وشها اتبسطت اوى واتعدلت وبقت تتكلم عدل هههههههه بص انت تروح الهياكل مش الميكانيكا وغير كدة مكالمة التليفون مش هاتنفع عشان هناك عندهم شغل كتييير وعربيات بيشتغلوا فيها من الصبح انت تروح الهياكل وتقولهم على اللى عندك بمنتهي الهدوء والابتسامة الظريفة وخليك cool مهما حصل وغير كدة مش في عضو هنا قال لحضرتك في سلك من الاريال ارضي متوصل ببودي العربية فكه الاريال مش هايشتغل ولا الطريقة دي ما تنفعش ؟

انتا ممكن تفك السلك اللى واصل من للكاسيت من ورا بتاع الأريال
او ممكن تفكه من الشنطه من تحت الأريال على طول


ملحوظه : عربيتى فيرنا موديل 2008 كامله مانيوال مفكرتش فى مره اروح التوكيل او مركز صيانه
اى حاجه بحتاجها بعملها بره وعلى مزاجى

اقتباس:

---

المشاركة الأصلية كتبت بواسطة mshmshm3

بص التليفون انا ليا نوادر مع توكيل ابو رواش اه ترد عليا واحدة فاهمة نفسها اللى مفيش زيها المهم لما قفلت السكة ف وشها اتبسطت اوى واتعدلت وبقت تتكلم عدل هههههههه بص انت تروح الهياكل مش الميكانيكا وغير كدة مكالمة التليفون مش هاتنفع عشان هناك عندهم شغل كتييير وعربيات بيشتغلوا فيها من الصبح انت تروح الهياكل وتقولهم على اللى عندك بمنتهي الهدوء والابتسامة الظريفة وخليك cool مهما حصل وغير كدة مش في عضو هنا قال لحضرتك في سلك من الاريال ارضي متوصل ببودي العربية فكه الاريال مش هايشتغل ولا الطريقة دي ما تنفعش ؟

---

انا هاخد بنصحتك و اروحلهم كوووول و لو الموضوع ما خلصش عندهم يبقى نبداء لعب فى العربية و امرى لله بس يا جماعة ماينفعش الحلاقة دى من اولها المفروض فيه حاجة اسمها خدمة عملاء و خدمة ما بعد البيع انا عندى الكهربائى اللى بتعامل معاه فى العريبة القديمة انا اللى منرفزنى فكرة الحكومة هو انا بكلمة معابا بطاقة تموين و عاوز سكر مدعم ؟؟؟؟؟

انا حقى ضمان وصيانة 3 سنين و ناوى اشتغلهم بقى و حاورينى يا كيكا

اقتباس:

---

المشاركة الأصلية كتبت بواسطة kamatsho

انتا ممكن تفك السلك اللى واصل من للكاسيت من ورا بتاع الأريال
او ممكن تفكه من الشنطه من تحت الأريال على طول


ملحوظه : عربيتى فيرنا موديل 2008 كامله مانيوال مفكرتش فى مره اروح التوكيل او مركز صيانه
اى حاجه بحتاجها بعملها بره وعلى مزاجى

---

انا معاك يا باشا ان التوكيل اشتغالات و خصوصا انى كان معايا لاذا يعنى كان ممكن ابن البواب يصلحها بس لسة العربية زيرو و لسة بدفع فى تمنها و مش عاوز بعد كام يوم يحصل حاجة فى الكاسيت و اجى اصلخة عندهم يقولولى برة الضمان اصل السلك اللى انت شيلتو بوض الكاسيت و خرم الاوزون

ولا ايه رائيك

اقتباس:

---

المشاركة الأصلية كتبت بواسطة elgentel

انا هاخد بنصحتك و اروحلهم كوووول و لو الموضوع ما خلصش عندهم يبقى نبداء لعب فى العربية و امرى لله بس يا جماعة ماينفعش الحلاقة دى من اولها المفروض فيه حاجة اسمها خدمة عملاء و خدمة ما بعد البيع انا عندى الكهربائى اللى بتعامل معاه فى العريبة القديمة انا اللى منرفزنى فكرة الحكومة هو انا بكلمة معابا بطاقة تموين و عاوز سكر مدعم ؟؟؟؟؟

انا حقى ضمان وصيانة 3 سنين و ناوى اشتغلهم بقى و حاورينى يا كيكا

---

يا فندم تلعب في العربية ايه ده الاريال من الكماليات في العربية يعني لو حضرتك شيلته خالص العربية مش هاتطلع بره الضمان الاريال بتاع العربية اتكسر اول لما جبتها وركبت واحد تاني والضمان زى ما هو الضمان ده على ميكانيكا العربية يعني لو حضرتك لسة في الضمان وغيرت فلتر الهوا جبت اى نوع تاني وكبته وكذلك اى جزء من الميكانيكا ومفيش احسن من اللعب في العربية علشان تتعلم بس كن حذر علشان ما تبوظش حاجة

اقتباس:

---

المشاركة الأصلية كتبت بواسطة mshmshm3

يا فندم تلعب في العربية ايه ده الاريال من الكماليات في العربية يعني لو حضرتك شيلته خالص العربية مش هاتطلع بره الضمان الاريال بتاع العربية اتكسر اول لما جبتها وركبت واحد تاني والضمان زى ما هو الضمان ده على ميكانيكا العربية يعني لو حضرتك لسة في الضمان وغيرت فلتر الهوا جبت اى نوع تاني وكبته وكذلك اى جزء من الميكانيكا ومفيش احسن من اللعب في العربية علشان تتعلم بس كن حذر علشان ما تبوظش حاجة

---

كلامك مظبوط يا فنان

ماشى يا شباب اتفقنا انا اول ما هنزل هفصلة

شكرا جزيلا

دي حاجه بسيطه يا معلم ..... ريح دماغك

العربيه دى بشوفها فى القناطر دايما seat ibiza

صح ؟

و انت عاوز تشيل الاريال ليه مهي عادي بيطلع و بينزل و مش بيجراله حاجة