ماهو ده اللى جايبنا لورااقتباس:
فى النهاية هدف كل شخص تحقيق مصلحته الشخصية مش تحقيق مصلحة حد تانى
حب الذات .....
وليس ولاء وجهاد وسناء للبلد
عرض للطباعة
ماهو ده اللى جايبنا لورااقتباس:
فى النهاية هدف كل شخص تحقيق مصلحته الشخصية مش تحقيق مصلحة حد تانى
حب الذات .....
وليس ولاء وجهاد وسناء للبلد
لو الانسان محبش نفسه ماتستناش منه يحب حد تانى
وانا ماقولتش انه يبقا انانى
بس زى ما بيقول الفكر الرأسمالى
ان فى اطار تحقيق كل فرد لمصلحته الشخصية ستتحقق مجملا مصلحة المجتمع اللى هو فى بيتكون من مجموعة من الافراد
بمعنى لما انا احقق مصلحتى وس يحقق مصلحته وص يحقق مصلحته
والمجتمع =انا+س+ص
يبقا تحقيق مصالحى وس وص = تحقيق مصالح المجتمع
أظن المفروض أى موضوعاقتباس:
اذا اردت التغيير فكن انت التغيير الذى تصبو اليه
بيدور حول عنوانه
وعنوان الموضوع واضح
علشان نتغير
لازم نحب بعض ونشجع بعض
ونبطل نضرب فى بعض
ونطبق مبادىء ديننا صح
ونبقى مسلمين وموحدين ومؤمنين
بمعنى الكلمه
مش مجرد كتابات فى البطايق والرقم القومى
________________
يبقى لازم نشيل حب الذات
ويبقى الهدف الأساسى ( للتغير الذى نصبو أليه )
حب المصلحه والخير للجميع
مش ألاقى واحد واخد صينية المحشى وعمال يلهط
ويكرش ويسيب غيره فى الآخر ....يغسله الصينيه
طيب حتى يسيبله صباعين محشى يتقوت بيهم هو كمان
______________
والحاجات دى بأت عمله نادره اليومين دول
وصعب الوصول اليها
إلا لو راقبنا ربنا صح فى أنفسنا وفى معاملاتنا مع الآخرين
لو كل واحد ابتدى بنفسة أكيد هيكون في فرق
ممكن الفرد يأثر في أسرتة
والأسرة تأثر في العائلة
دوام الحال من المحال، وبعد كل ليل في نهار
ممكن يكون نهار شتوي وملبد بالغيوم بس الأكيد
هيكون أفضل من ظلام الليل الدامس....
وكل واحد مسؤول عن تصرفاتة، يعني لو عايش في وسط مجتمع يعمة الفساد وحاولت تكون مختلف أو على الأقل تعيش في حالك وتتقى ربنا هتكسب اخرتك على الأقل واحترامك لنفسك في دنيتك واحترام الاخرين لك ،،وإن كان غير مُعلن،،.
شكراً على الموضوع يا بسكوتة
اسمحوا لى ارد على الكلام المحترم اللى فى الموضوع الرائع ده برد شعرى جرى على لسانى من تعليقات الاخوة الاعضاء
حتى النسر اللى مش بيخاف ...بعزة نفسه واباءه ...
لو اتربى فى بيت خواف ...هاينسى مجد أبآءه
وحتى الصقر اللى كان بيطير ... طليق حر فى ملكوته
بعد الفقر ... والتفقير .... هايبقى حريص على قوته
وحتى السبع اللى كان بيجول ... فى ماضى ايامه فى عرينه
كريم الطبع لما يقول .... ونقش الفخر فى جبينه
تحول ضبع حلمه ينول ... جيفة حقيرة من سيده
وعجبى عليكى يا وطن ... النسر فيك ما بقاش يطير
وعجبى عليك يا وطن ... نسيت سباعك الزئير
ما تقولى انت وطن ... ولابقيت لى سجن كبير
موضوع جميل و خصوصا النسر
شكرا
طبعا كل واحد فينا لو بدء التغيير هاياثر في اللي حواليه
كام واحد منكم هنا اتعلم حاجة من اعضاء تانين وبدء ياثر فيها في ال يحواليه
كام واحد كانت سلوكياته زبالة في القيادة وبدء يغير فيها شوية شوية
كام واحد فيكم بقي بيحترم الناس اللي بتعدي ويحاول يساعدهم
التغيير في الجهلة صعب
ولو اختلط الجهل بالفقر فعلا كارثة
و لو اختلط الجهل بالغنى والنفوذ بيكون كارثه اكبر لانه بقي جهل له قوة غاشمة
وكل واحد فينا ممكن يمسح جزء صغير من جهل اللي قدامه
لكن لو اللي قدامك اطرش مش سامعك
او بيتكلم لغة غير لغتك
نصيحة ماتحاولش تغيرة لانك هاتصدم من النتيجة العكسية لتوقعاتك
شكرا بسكوتة على الموضوع
والكارثه الكبرىاقتباس:
التغيير في الجهلة صعب
لو كان متعلما وجاهلا فى نفس الوقت
مستحيل تحاول معاه
لأنه فى أعتقاده
أنه محدش فاهم غيره
لأنه أخد شهاده بأى وسيله .............بس جاهل
وهنا مكمن الخطوره فى التعامل
مع مثل هذا الصنف
وهنا فى هذه الحاله
اقتباس:
نصيحة ماتحاولش تغيرة لانك هاتصدم من النتيجة العكسية لتوقعاتك