تركيب الإنذار فى السيراتو sx

**magdy1963** · 14-07-2010 06:54 PM

المشاركة الأصلية كتبت بواسطة aaet1

تمام التمام، بعد الرسالة التانية للشركة الأم التوكيل ولا عبرنى - محترمين صحيح - ودلوقتى الواحد مش عارف يعمل إيه، يعصر على نفسه ليمونة وياخد الانذار التعبان بتاع الوكيل ولا يروح بره، ولو رحت بره هروح فين

باشا هما فى التوكيل مش قالولك ممكن تركبة برة بسيطة ممكن تركبة برة انا مركب انذار على ريموت العربية عند محل فى الهرم لعربيتى وعربية اخويا عندة وشغال تمام وزى الفل والمحل اسمة ادريان الهرم اول شارع المطبعة والناس دول شغلهم نظيف وانا روحتلة بناء على كلام عضو بردة معانا فى المنتدى

**aaet1** · 14-07-2010 11:50 PM

أدريان طبعا معروف وعندى واحد قريب منى فى شارع صلاح سالم، هى الفكرة الخوف من التوكيل لحسن يتحجج ويخرجنى من الضمان بتاع الكهرباء

**NoRmAl** · 14-07-2010 11:53 PM

طيب جربت تكلم البشمهندس بتاع الاستقبال ده وتقوله على حوار ختم الضمان دا

**aaet1** · 15-07-2010 12:01 AM

آه فكرتنى يا نورمال، اشرحلى شوية فى موضوع ختم الضمان ده، تقصد بيه إيه؟

**NoRmAl** · 15-07-2010 12:18 AM

مهو لو الضمان أتختم على أن الانذار أتركب عندهم يبقى الكهربا مخرجتش بره الضمان
وكأنك ركبته عندهم
أنما لو متختمش يبقى دا دليل أنك عملته بره
وأى عيب هيقلك منه وأنت خرجت برا الضمان
قله يا أجيبه من برا تركبوه عندكم أو أركبه برا وتختمولى الضمان :)

**aaet1** · 15-07-2010 11:34 PM

أنا النهاردة عديت على محل مشهور فى صلاح سالم للانذارات وكاسيتات العربيات ولقيت انذار عبارة عن وحدة فقط والسرينة وبيشتغل على ريموت العربية ال sx وبـ 300 جنيه، طبعا صوته عالى ومالوش مدى لأنه بيعتمد على امكانيات الريموت الأصلى فى المدى وبصراحة مدى الريموت الأصلى محترم جدا
فإيه رأيكم