تركيب الإنذار فى السيراتو sx

**aaet1** · 10-07-2010 12:26 AM

السلام عليكم
ناوى ان شاء الله يا جماعة أركب انذار وان شاء الله هجيبوا من بره الوكيل وأحاول أركبه عنده ومشكلتى مش عارف أعمل إيه فى الريموت الأصلى، أنا نفسى أجيب انذار 2Way
فياريت اللى عنده SX برضه وركب الانذار يفيدنى

وأخيرا شكرا للأخ نورمال
تحياتى للجميع

**aaet1** · 10-07-2010 04:52 PM

إيه ياجماعة ماحدش عنده sx وركب انذار ولا إيه

**ahmedsopehy** · 10-07-2010 08:48 PM

انا كنت باركب ماكينة الرفع في التوفيقية وبعدين الصنايعي كان بيركب انذار للكارينز الهاي لاين ولما سألتوه قالي ان في الانذار الاصلي بيشتغل علي نفس الريموت وشاور لي علي عربية سيراتو كانت واقفة وقالي انه ركب لها الانذار ده فعلا بس انا ما رحتش عند العربية وشفت بنفسي وانا صحيح معرفش تليفونه ولكن المحل اللي اشتربت منه عارفه طبعا

**NoRmAl** · 10-07-2010 08:57 PM

طيب بص أنت ممكن تتصل تستفسر من الوكيل نفسه
هل بيركبوا أنذار ويكوده على الريموت الاصلى
ولا بيغيروا الريموت كله ولا أيه بالظبط علشان نعرف لازم تركب الى عندهم ولا ممكن تشترى من بره

**aaet1** · 11-07-2010 01:45 AM

ماهو أنا عاوز أخلى الوكيل ده آخر حاجة لأن الموضوع فيه حساسية بالنسبة له وممكن يكلكعلى المواضيع

**aaet1** · 13-07-2010 03:39 PM

اتصلت بالوكيل وبلغتهم انى عاوز أجيب الانذار من بره وهمه يركبوه وطبعا كان الرفض ولما قولتلهم ان فيه ناس عملوا كده فعلا قالولى ان ده قرار جديد طلع برفض أى تركيب انذار من بره،

بعت إيميل للشركة الأم وتانى يوم لقيت اتصال من المهندس أشرف حسين وبلغنى باعتذاره عن التركيب لأن ده قرار جديد طلع فى الشركة وقالى انى ممكن أركبه بره ولما قولتله ان ده يخرجنى بره الضمان قالى لأه إلا لو الانذار تركيبه عمل مشكله فى الكهرباء لكن غير كده عادى

فإيه رأى حضراتكم فى الكلام ده، ولو قررت أركبه بره فعلا فمنين أجيبه وأحسن مكان للتركيب إيه وأفضل نوع إيه

**NoRmAl** · 13-07-2010 08:41 PM

مهو أنا أش ضمنى لما أى مشكله فى كهربا العربيه تحصل ميقلويش من تركيب الانذار
مهو أى مشكله حتى لو هما عارفين 100% أنها عيب صناعه أو مش منك ولا من الانزار هيرميها على الانزار
وهيقلك مليش دعوه
قله يا يتركب عندكوا يا أركبه بره وأجى أختم الضمان على أنه أتركب عندكوا
مينفعش تركبه برا ويقلك لو حاجه حصلت منه تشلها أنت
مهو كدا كأنك خرقت الضمان
أستفدنا أيه؟؟
كلمه تانى وأحتد عليه سنه فى الكلام
ولو كل دا مجبش نتيجه راسل الشركه من جديد وفهمهم رفض التوكيل لطلباتاك

**aaet1** · 13-07-2010 10:22 PM

خليت دماغى سخنت يا عم نورمال وأدينى أهه بعت إيميل تانى للشركة الأم حكيتلهم كل اللى اتقالى ووضحتلهم انى محبط للغاية من تصرفات الوكيل فى مصر

**NoRmAl** · 14-07-2010 01:02 AM

تمام وأبقى قول عملت أيه
ربنا معاك

**aaet1** · 14-07-2010 06:39 PM

تمام التمام، بعد الرسالة التانية للشركة الأم التوكيل ولا عبرنى - محترمين صحيح - ودلوقتى الواحد مش عارف يعمل إيه، يعصر على نفسه ليمونة وياخد الانذار التعبان بتاع الوكيل ولا يروح بره، ولو رحت بره هروح فين

الموضوع: تركيب الإنذار فى السيراتو sx

LinkBack

أدوات الموضوع

عرض

-

-

-

-

المواضيع المتشابهه

أريد القول الفصل في تركيب الإنذار للميجان

اخطاء شائعة عند تركيب الإنذار (دعوة للمناقشة)

كيف يتم تركيب الزينون في السيراتو

واخيرا تم تركيب كاست السيراتو الgps

تركيب الزينون فى السيراتو

الكلمات الدلالية لهذا الموضوع

المفضلات

المفضلات

ضوابط المشاركة