-
الحقيقه يا جماعه وشهادة حق اقولها في عز ازمتي ومشكلتي التوكيل بتاع العبور محترم جدا والتوكيل عموما من اول الكول سنتر الى باقي الناس في احترام في التعامل وبيوصلولك احساس بالطمأنينه ودي شهاده لوجه الله
واحب اقول اننا لازم ندعم الناس الكويسه المتميزه في التوكيل بايميلات لادارة الشركه نشكر فيها المتميزين وننبه فيها لاخطاء المتجاوزين
وعايز اقولكم على مهندس قمة في الاحترام وابن ناس جداااااااا وبينجز الشغل بتاعه بسرعه كبيره ودايما مستمع ليك وتحس انه اخوك جاي معاك مش مهندس من التوكيل
اسمه مهندس امجد من فرع العبور
-
متشكر ليكم جدا على الدعم المعنوي الكبير والمسانده الايجابيه الكبيره دي وانا بشكر الاستاذ foxo لانه اقترح عليا اجرب المفتاح الاحتياطي وفعلا جربته امبارح والعربيه دارت على طول وجربته كتير ورجعت جربت المفتاح الاصلي اشتغلت برضه وقمت الصبح علشان اروح حماية المستهلك جربت المفتاحين دارت العربيه على طول والحمد لله المهم رحت التوكيل بتاع العبور تاني
فابلت المهندس امجد انسان فوق الذوق والاحترام قابلني مقابله ممتازه حسسني اني مش لوحدي وكأن اخويا اللي شغال في التوكيل فرق كبير بينه مبين مهندس احمد سامي
المهم قلتله على اللي حصل وقلتله كمان ان التابلوه ما اتقفلش كويس والارجل جه معايا وبص بنفسه وسمعته صزن كده في الموتور
وطلبت ادور العربيه اللوجان اللي معروضه مشكورا راح جاب المفتاح وخلاني اجرب تشغيلها واسمع صوت الموتور
المهم استلم العربيه 10.30 ص وخرجت 12.30 م وقالي خلاص احنا راجعنا التكويد بتاع المفاتيح وقفلنا التابلوه وصوت الموتور مفيهوش حاجه وقالي والله ماتخافش
واعتذر لي عن اللي حصل والحقيقه اول واحد يعتذر لي عن اللي بيحصل وانا شكرته لذوقه وبرضوا احب اقول ان باقي التوكيل مش وحشين بالعكس وانا معنديش اي شكوى من التوكيل وكمان انا مش حابب اعمل مشاكل وخلاص اناغ كل اللي عايزه حقي وبس
المهم ادعولي انا رايح اسكندريه مشوار اجرب العربيه وربنا يجبرني في المشوار ده والله المستعان دعواتكم
Content Relevant URLs by
vBSEO 3.6.0 PL2