الموضوع: حد يعرف حل المشكله دى

باختصار انا عندى العجله الاماميه الشمال ناحيه السواق بترف وخصوصا احس بيها لو الارض ناعمه او لو كسرت ناحيه الشمال او لو دوست فرامل

والكاوتش سليم وفكيت الطنبوره ودتها للخراط خرطها وبرضو سليمه مفهاش مشاكل والصره برضو جديده وسليمه
والجنط سليم وانا خلاص هتجنن

المشاركة الأصلية كتبت بواسطة مواطن مصرى

انا هاقول لحضرتك على 3 احتمالات فى بالى

1- اتأكد من ضبط زوايا العربيه و تربيط العفشة

2- اتأكد من الجنط اللى راكب هل سليم من ناحيه الترصيص الاول و لو هو جنط سبور هل الاوفسيت بتاعه عامل فرق مع الصره و اللا لأ لانك ممكن تكون محتاج حاجه اسمها رينج بيركب على الجنط

3- لما بتيجى تكسر شمال بتسمع صوت حاجه بتطقطق ؟!
لو الحكايه كده بص على الكوبلن كمان ممكن يكون كاوتشته دابت او فرط او بليه من اللى جواه فصلت عن مكانها او اى مشكله تانى
اى حاجه فى كبالن الـ 128 بالذات هتسمع فى اى حته فى العربيه

ان شاء الله تحل المشكله و تعدى و ترجع احسن من الاول كمان

اولا متشكر جدا يا باشا على ردك السريع
بخصوص الجنط فهو حديد مش اسبور ومفهوش اى مشاكل وبخصوص الكبالن فهى جديده برضو ومفهاش اى مشاكل والمقصات برضو حالتها كويسه مفهاش اى مشاكل
وانا ماشى قبل كده سواق تاكسى لاحظ العجله انها بترف وقالى العجله بترف
ولما اروح عند الميكانيكى وارفع العربيه والف العجل الاقى العجل ماشى تمام