الموضوع: أخر أخبار حوادث الدائري

المشاركة الأصلية كتبت بواسطة dolly13

يا ساتر يا رب
الحمد لله ان حضرتك بخير

الحمد لله , ربنا يكرم حضرتك

المشاركة الأصلية كتبت بواسطة mahmoud_afifi

لا حول ولا قوة الا بالله, الحته دي دايما يحصل فيها حوادث ميكروباصات.
برضه كنت ماشي هناك ولقيت ميكروباص راح الناحيه التانيه واتقلب هناك وكان منظر بشع.
ربنا يحفظنا ويحفظهم جميعا

هما دول الحمد لله ما راحوش الناحية التانية , بس برده كان منظرهم يخض و واحد فيهم بيطير زي العلبة الكرتون
انا مش فاكر بصراحة هو كان قدام كارفور ولا نادي الصيد ..
الأغرب , ان من كام يوم كان فيه في حتة قبل دي على طول (فيه جنبها ارض جبل بسيطة كده ) , كان فيها لوري ماشي عكسي على 80 مثلا مش فاهم ازاي !!!!!

المشاركة الأصلية كتبت بواسطة hossam_elwani

تعرفو ان المسافة الامنه 50 متر بين كل سيارة و التانيه

واحنا بنمشى لزق ورا بعض يعنى لاقدر الله وحصل حادثه حتى ولو انك مش غلطان فى سبب الحادث لكن غلطان فى حق نفسك انك ما اتبعتش اساليب القيادة الآمنه

انا بصراحة مش بالتزم دايما بالمسافة دي , لكن باخاف اوي الزق في حد خصوصا في طرق السفر

المشاركة الأصلية كتبت بواسطة ahmed_mido1889

يا باشا انا كنت مسافر طنطا يوم الخميس سايب بيني وبين الي قدامي مسافه كبيره
جه واحد ابن تيت دخل حشر نفسه بيني و بين اللي قدامي و في نفس اللحظه اللي قدامي كبس فرامل فا طبعا عم الناصح اللي حشر نفسه كان هيليس فيه من ورا

المشاركة الأصلية كتبت بواسطة nistelrooy

والله مسافة الامان دي الي هاتجنني ؟
لما اسيب مسافة الاقي عربية جت خدت المكان الي قدامي ..
قلت مش مشكلة اسيب مسافة تاني الاقي الي ورايا عمال يكلكس اني بسيب العربيات تخش قدامي ..

دي مشكلة صح , تلاقي واحد غتيت يدخل بوزه قدامك و يفرح اوي بكده