-
عربية ساقطة في المرور
السلام عليكم ورحمه الله وبركاته
لي صديق اسمه علي اشتري سيارة فولكس كامبر الميكروباص دفع خلفي اللي هي تبريد الهواء موديل84 كلكم عارفينها طبعا...فلما قابل البائع قال له ان الرخصة ضايعة وهيطلعلوا بدل فاقد وطلعت ان السيارة ساقطة في المرور وهي رخصه نقل وساقطة 12 سنة ومش عارف يخلصها بس هو طبعا اشتراها هتقوللي ازاي هقولكم ربنا اراد كده...راح تأمينات الشيراتون ومش عارفين يخلصو له الحوار وطالبين منه بطاقة الرقم القومي الخاصة باول ماللك للسيارة واعطوه صورة البطاقة الخاصة به القديمة خالص اللي هي دفتر وراح العنوان ومش موجود فالمنطقة خالص وسأل حراس العمارات ومحدش يعرفه وكلف كذا واحد انو يخلصوهاله في مرور القطامية اللي العربية تبعه ومعرفوش وخدوا فلوس ومعرفوش برده...فانا ياجماعة قلت مفيش غير رجالة المنتدي العظيم ده والعربية واقفة بقالها 3 سنين فالشارع ومش عارف يتحرك بيها فاغيثونا اغاثكم الله
رقم تليفونه:0116392990
-
الحل بسيط يشتغل بها سرقة الى ان يلم حقها ةلا اقول لك انا ممكن اشترها منو ب 500 جنية من غير ورق
-
جزاك الله خير بس مش ب500 جنيه يامعلم عايزين حل جذري عشان شغل القط والفار ده مينفعش يعني حد في المرور أو التأمينات يساعدنا وليه الحلاوة طبعا هههه وبعدين هي مش للشغل وهو قلبها ملاكي وهي لللأسرة
-
مافهمتش حاجة
يعني اية ساقطة في المرور 12 سنة .. يعني بقالها 12 سنة ماترخصتش يعني ؟!
وازاي يشتيرها بدون ما يطلع له الرخصة البدل فاقد !!
-
طيب يسأل يمكن تتباع لبتوع قطع الغيار استعمال
-
يعنى انت عاوز تعرف تجيب المالك الاول
بسيطة
اطلع على السجل المدنى بصورة بطاقته
و معاك 500 جم اكيد هيطاع عنده رقم قومى و ممكن ساعتها تعرف بياناته الحالية
ملحوظة ال 500 جند دول رشوة
-
-
آمين يا power of hell جزاكم الله خير وسوليكار فكرة جامددة هقوله عليها وربنا يعنيكم زي ما كلفتم نفسكم ولو خلص الحوار ده هبشركم ان شاء الله
-
خطأ مركب من البداية للأسف ..
من رأيي إنه يخلص منها بالبيع لبتوع قطع الغيار وهتتباع كويس وامره لله ويشتري حاجة تاني أفضل من اللف والدوران
-
الحمد لله, كل حاجه في بلدنا ليها حل...
بلاش فكرة البيع لان مش ح تجيب فلوس على الوضع ده.
العملية بس محتاجة مساعدة في المرور. والناس عندنا زي العسل وبتحب أوي المساعدات. هو النقطة ازاي يوصل للشخص القادر على المساعدة. من تجربتي الشخصية في الأمور دي-- بتاع الشاي --
أيون ... بتاع الشاي ده بيسموه Key person , دايما بتاع الشاي هو اللي بيدلني على الاشخاص الحلويين الطعميين اللي بيقدروا يساعدوا أخوانهم. سهله ... إن شاء الله ح تتحل..
Content Relevant URLs by
vBSEO 3.6.0 PL2