السلام عليكم اولا
انا كنت عايز اعرف كل واحد هنا بيصرف مصروف البت ازاي
يعني بتصرف امورك من اول الشهر لحد اخره واحسن طريقة لتوفير المرتب
الموضوع مفتوح للمناقشة والحلول المقترحة
بافتراض ان المرتب من 1000 : 2000 جنية مع ذكر المرتب وطريقة الصرف
عرض للطباعة
السلام عليكم اولا
انا كنت عايز اعرف كل واحد هنا بيصرف مصروف البت ازاي
يعني بتصرف امورك من اول الشهر لحد اخره واحسن طريقة لتوفير المرتب
الموضوع مفتوح للمناقشة والحلول المقترحة
بافتراض ان المرتب من 1000 : 2000 جنية مع ذكر المرتب وطريقة الصرف
بص انت تريح دماغك ادي الفلوس للمدام و خد انت اللى يقضيك و خلاص و هيا هاتتصرف
وكن على ثفه هاتوفر اكتر منك
بس اعمل حسابك في بنزين العربيه و لو فيه مصاريف تانيه للعربيه عشان مابيحبوش يصرفوا قرش واحد على العربيه:khd:
تقدر تعمل ملف علي الاكسل بالمصاريف
مثلا : الأطعمة و تحتها الخضروات و الفاكهه و المطاعم و المخبوزات و اللكماليات و الاساسيات
و بعدين مصروف العربية و مصروف الشغل و الفسح في حدود يوم و الفسح أكثر من يوم و العلاج و الثوابت الدورية كإيجار البيت و الماء و النور و التليفون و المحمول و و و
و كل شوية حتغير فيه علي طريقة حياتك
و بكده كل شهر تقدر تعرف فين الفلوس بتروح و بأي نسبة و بالتالي إيه البند اللي محتاج تنظيم
الموضوع مش حياخد منك وقت كتير و ممكن تكتب مصاريفك علي sms و اخر اليوم تنزل البيانات علي الاكسل
الطريقة دي أنا مجربها و بصراحة مفيدة
سيبها على الله
حاسس انى لو حسبتها هطلع مديون
علشان كده مش بحسبها
هههههههههههههههه
انا حتجوز قريب ومرتبي 2000 جنيه
ومش عارف لحد دلوقتي حيكفوا ازاي
بس انا حعمل بالرأي اللي فوق
حدي الفلوس للمدام
واسيبها علي الله
تعيش هيا بقي
ههههههههههههه
إشترى الضرورى إللى فعلا هتستخدمه ...
سيبك من الأكل إللى برا البيت طالما إن راجع البيت و البيت فيه أكل .. يعنى مش تروح محل أكل تاكل و تروح ..
فكك من الشيبسى و البيبسى و الهجس ده ... حفاظا على فلوسك و حفاظا على حجم كرشك (خليه صغير أحسن) ..
لو بتتسوق و بتشترى بنفسك شوف العروض إللى موجودة ...
فكك من السجاير ....
بيع عربيتك و إشترى واحدة 1100 سى سى هتوفر فى البنزين ... بلاش ثقافة ال1600 إللى مسيطرة على الشعب ..
لو مش متجوز ... قسم مرتبك لتلات أقسام ... قسم تحوشه للمستقبل ... قسم تحوشة لسفريات و فسح ... و قسم تحوشة لإحتياجاتك اليومية و إحتياجاتك بشكل عام ...
فبكده تقدر تحوش ... و تشترى إللى نفسك فيه ... و كمان تسافر أوروبا تتفسح كل سنتين ثلاثة ...
لو مثلا عندك موبيل شغال كويس ... متسيبوش إللى لما الجهاز يقولك ( أبوس إيدك إرحمنى!! ) ..
مش عاشن نزل جهاز جديد خلاص أبيع القديم و أزود عليه ... لأ ....
متسبش حاجة إللى لما تكون مش بتأدى وظيفتها .....
مش فاكر إيه دلوقتى كمان!
بقلك ايه سيبها على الله ياما حسبنا والنتيجه واحده امشى على قاعدة (لا افراط ولا تفريط) يعنى خير الامور الوسط فى كل شىء
وبعدين مين الى قال ان الستات بيدبرو انا اعرف حريم بيفرتكو الفلوس فرتكه ومتعرفش تحاسبهم
مفيش بيت زي التاني
ومفيش بيت بيصرف زي التاني
في بيت نص دخله بيروح ع الايجار وبيت تاني قاعد تمليك ببلاش
فيه بيت فيه عربية بتصرف بكذا وبيت تاني موفر المصاريف دي
في بيت فيه مصاريف نثرية كتير..فسح وكروت شحن ودي اس ال وغيره وغيره
وبيت تاني مضيع كل فلوسه ع الاكل والشرب وبس
في بيت بيضيع نص فلوسه علي مصاريف الاولاد والمدارس وبيت تاني مفيهوش مدارس
مينفعش تقارن نفسك بغيرك
اعمل احصائياتك بنفسك وظبطها علي احوالك الخاصة وان شاء الله هيكفوا ويفيضوا كمان
بس نصيحة 3 حاجات تثبتهم شهريا مهما كان دخلك قليل
1_ زكاة عن مرتبك ثبتها انك تدفعها شهريا مهما كانت بسيطة
2_مبلغ تتدخره حتي ولو 20 جنيه شهريا بس مجرد انك تعود نفسك ع الادخار
3_خروجة مع اسرتك بامكانياتك لو تقدر في جراند حياة ولو متقدرش يبقي ترمس علي كوبري عباس يعني متكلفش
نفسك فوق طاقتك
حاول تثبت ال 3 حاجحات دول
جنب مصروفاتك الثابته اللى لازم تتدفع كل شهر على جنب زى الايجار والكهربا والميه والغازوالتليفون وبنزين العربيه فى ظرف لوحده ومحدش يمد ايده عليه مهما كانت الاسباب والباقى قسمه اربع تربع بعدد ايام الاسبوع واشترى حاجة البيت وطلباته اسبوعى بدل ماتشترى يومى اوتشترى شهرى لان فالحالتين يا اما بتجيب اقل من اللى محتاجه او اكتر من الىل محتاجه
وربنا يعينك ويعيننا على الغلاء اللى احنا فيه دا
اديه كله للمدام وهي بتتعامل وبتعرف تفاصل بس سيب معاك جزء لمصروف العربية ومصروف جيبك لان المدام موتها وسمها انك تاخد فلوس للعربية مع ان العربية دي هي اللي بتوديها لزيارة والدتها واخواتها وبتتفسح بيها وتروح تصييف بها برده بس كله ده ومينفعش تدفعلها فلوس فخلي بالك من النقطة دي
كلام ضحى صحيح تماما ومعرفتش امشيها غير كدة رغم اني متجوز من 8 سنين
ومفش شهر زي التاني
لانك ممكن تنزل تلاقي عرض كويس تجيب سلعة تقعد 6 شهور
وممكن شهر تلاقية بيصرف كتير وشهر بيصرف قليل
حسب نوع الاكل والبس
واللبس ده مشكلة لازم تكون عاكل حسابك قبل التخفيضات
وانا اتعودت اجيب حاجات ولادي في التخفيضات لان الاسعار الهبل بتنزل للمعقول جدا
لما يكون بنطلون جينز بناتي ب 450 جنية وينزل في التخفيض ل 100 ده هايل
لما يكون جاكيت ب 600 وتجيبه ب 150 ده رائع
لكن لو وقف على دماغة مش هادفع فيه التمن الهبل ده
وبالتوفيق
بلاش نحسبها ولازم نحسبهابلاش نحسبها لو حسبتها هتلاقي نفسك مش هتعرف تتجوز ولا تصرف ألا بعد .......... الله اعلم (دا لو بتفكر تتجوز) ولو متجوز هتفضل شايل هم وازاي ومش ازاي واعمل ايه... و.......
ولازم نحسبها بس مش بالورقة والقلم بالعقل
يعني خروج كل شوية مش مهم.
نازل اقعد على القهوة طب ليه (قاعدتك مع اسرتك بالدنيا) سجاير حاول تقللها.
وياريت لو كل شهر تطلع حاجة من مرتبك للفقراء ولو 20 جنيه
يعني الواحد يعقلها وربنا هيبارك
يا رزاق يا كريم يا فتاح يا عليم
اللهم اغننا بحلالك عن حرامك وبفضلك عن ما سواك
والله بتفق معاك في كل كلمة قلتها فعلا
وبردو فيه راي تاني بيقولوا ان فيه ستات بيبعزقوا اكتر من الرجالة وبيخربوها وبردو عندهم حق
ربنا يرزق الكل ستات من النوع الاول ربنا يخليهم لينا
لو عملت كدة يا اسلام باشا هلاقي نفسي مديون من قبل الشهر ما يبدا وهقتل المدام والعيال واقتل اعضاء المنتدي وبعدين اقتل نفسي
خليها على الله والله لو حسبناها معظمنا هيطلع مديون من نص الشهر
طب ازاي بتمشي
بستر ربنا والله مش اكتر
حبيبي يا سيفوز انا متاكد انك مش متجوز
يا باشا لاشيبسي والبيبسي دلوقت بنمنع عنهم الاولاد بمعركة
والتسوق بتبقي نازل عامل حسابك هاتشتري ايه وتنزل تلاقي العملية خرمت ومتقولش ازاي
صعب جدا تلاقي ابنك نفسه في حاجة وممكن تجيبها له وتزنق نفسك شوية وتقوله لا
وبعدين ايه الاقسام اللى انت مقسمها دي
قسم للمستقبل والتاني للسفريات والفسح والتالت للاحتياجات اليومية
يا رايق بالقوي
اخرك عيل يجي له شوية برد ولا اي تعب تانى من بتوع العيال يضرب لك اول قسمين ويتفضل القسم التالت
ولا اقولك بلاش تعب
عندك مصاريف المدارس دي بقة ممكن تضرب القسمين واحتمال تخش على القسم التالت كمان
وبعدين نروح نتفسح فين
اوروبا
ههههههههههههههههههههههههه ههههههههههههههههههههههههه ههههههههههههه
اذا كان كريم البرجوازي بيصيف في الساحل الشمالي ولا مش عارف اسكندرية
تقولي اوروبا
انت معانا هنا ولا من بلد تانية
وموبايل ايه ده اللى يترمي الموبايل حاجة من اتنين يا اما يتسرق يا اما يتغير قبل ما يروح المحكمة علشان يشتكي الواحد ويطلب اعدامه
هدية ليكم
[youtube]http://www.youtube.com/watch?v=0Ytf6aXp9Zg&feature=related[/youtube]
اشترى حاجاتك جملة مرة واحدة وبطل تدخل السوبر ماركت علشات تجيب ازازة مايه او عصير لانك حتشترى حاجات كتير لمجرد انك شوفتها وافتكرتها
بره بيقول متروحش السوبر ماركت وانت جعان لانك حتشترى حاجات كتير حتبقى حاسس انك محتاجها
متروحش كارفور وسبينس مهما كان فى عروض لانهم بيشتغلوا على اساس انهم يوروك حاجات كتير وتبدا تشترى اكتر من اللى انت محتاجه فعلا
مصاريف البيت نسبه وتناسب وبيدخل فيها متغيرات كتيره مرتبك كام محتاج تدخر ولا ربنا كرمك وعندك مايكفيك . المهم خللى مصاريفك مناسبه لدخلك وتأكد ان كل واحد يقدر يتحكم فى ميزانيته والقرش الابيض بينفع فى اليوم .............شخصيا بندم على مصاريف كتيره راحت فى الباى باى من غير لازمه ولما كنت اخرج على الاقل يكون معايا كام الف جنيه ودا من اكتر من 18 سنه يعنى كان لسه الجنيه معقول ومافيش اولاد ومأدراك بمصاريفهم . دلوقتى ماسك معاهم على الواحده ومصاريف البيت مبلغ اسبوعى ثابت عشان تريح دماغك بس عليك كل الفواتير والدكاتره واللبس الفسح .
أنا ماشي على نظام
10 % بتطلع لله
35 % مصاريف البيت الأساسية
25 % مصاريف متنوعة ( تعليم ، سفر، خروج، ملابس ، ....)
30 % ادخار ،
طبعاً كل شهر غير التاني ،، بس بحاول على أخر السنة اظبتها
الف الف الف مبروك ياباشا
اللهم بارك لكما وبارك عليكما وجمع بينكما في الخير
وده لينك موضوع كنت عاملة خاص بالحكاية دي
http://www.nilemotors.net/Nile/66053-a.html
يا ميكي كلنا هذا الرجل
فاكر البرنامج بتاع شخصيات مقلوبة بتاع مصطفي حسين بتاع الكاريكاتير
كان فيه شخصية عاملها احمد راتب اللى هي الكحيت
ها
افتكرتها
لولا الملامة كلنا ممكن نبقي الكحيت والموظفين بتوع القهوة اللى مغطيين جسمهم بورق الجرايد
ايا كانت الوظيفة او المكانة اللى لاناس بتشوفها لكن على رايكم الكل دلوقت بيكح تراب
والله نصيحة ذهبية يا احمد
وفعلا اي سوبر ماركت لو دخلت وانت مش واخد احتياطاتك وسايب المدام والعيال في العربية برة وجبت اللى انت عايزه بسرعة وخرجت يبقي شكرا الميزانية انضربت طبعا انا بتكلم لو طلب سريع
كارفور وسبينس وغيرهم ممن فتحوا لخراب بيوتنا الله يسامحهم مش هقول غير حسبي الله ونعم الوكيل
الاول ربنا يخلي لك عمر يا ابو عمر
وطبعا بند مصاريف علاج العيال ده لوحده كارثة لا ينفع معاه تدابير ولا احتياطات وبيخلص على اي فلوس عاينها للطوارئ
ويااااااااااااااااه والله فكرتني بايام زمان من 18 سنة
ساعتها يا شباب كان الالف جنيه اللى بيتكلم عنهم ابو عمر دول حكاية
ساعتها كان الجنيه لسة محترم مش هفأ زي دلوقت
وانا بعمل تقريبا زيك هي عليها مصروف البيت والنور واشتراك العمارة والدكاترة واللبس والفسح عليا وحط معاهم السجاير ومصاريف العربية تبقي النتيجة الطبيعية زي اي مواطن مصري اني اخر الشهر بشحت كالمعتاد
تصدق يا فانتوماكس والله لو قادر تظبط العملية كدة تبقي عبقري
انا معرفش بخرج ايه لله دي لظروفها والله ربنا كاتبه بيخرج
مصاريف البيت الاساسية والمتنوعة بتاكل المرتب واي مليم دخل فوق المرتب
الادخار قول يا رب
لما نغطي الاساسيات نبقي نفكر في الادخار
يا محمد يه لو الكبيرة عدا الشهر سليم من غير ما يتعب الوسطانية يصعب عليها وتعيا هي ولو الوسطانية عدت الشهر سليمة الصغيرة تلحق اخر يومين وتعيا هي
وكالمعتاد لو اي حد فيهم تعب الكل بيتعدي منه قبل ما اعراض المرض تظهر على المريض نفسه وتلاقي نفسك عامل مستشفي في البيت وكل سنة وانتم طيبون
وبعدين الناس اللى تبوفر دي اموت واعرف قادرين تعيشوا ازاى او توفروا ازاي
نفترض لمجرد الافتراض موظف في وظيفة محترمة بس دخلها معقول لكن مش محترم يعني قولوا مثلا بياخد له الفين جنيه في الشهر لو عنده عيلين صغيرين لسة في ابتدائي ودخلهم مدرسة محترمة بس مش محترمة اوي بردو قولوا مصاريف لامدرسة حولاى 4 الاف جنيه بالباص يعني 8 الف جنيه الاتنين يعني مرتب 4 شهور بالكامل طار في رسوم المدرسة لوحدها يعني لو بيوفر كل شهر من الالفين جنيه 650 جنيه يا دوب يحوش فلوس المدرسة ويتفضل للمعيشة هو والمدام والعيلين 1350 جنيه ودول متهيالي الحد الادني للمعيشة
وتقولوا لي ادخار
بقولكم ايه تصبحوا على خييييييييييييييييييييير
اعتقد دي بتعتمد علي شخصية الراجل
انا لسه يوم الخميس اللي فات كنت بتكلم مع صحابي ولقيتهم هيضربوني لما بقولهم انا بصرف حوالي 1000 او 1300 جنيه شهريا (مصروف جيب + بنزين + اكل وشرب + فواتير مياه ونور ونت)
بس طبعا في جميعيات وايجار بحوالي 4500 جنيه شهريا
بالنسبه لشخصية الراجل : انا مثلا مش بحب اخرج كتيير ومش بحب اجيب حاجات ملهاش لازمه يعني الاساسيات بس
في ناس تانيه بالنسبه ليها الخروجات مرتين في الأسبوع واللبس كل شهر والفسح واحدث الأجهزه دي بتبقي حاجه اساسيه مينفعش يستغني عنها وبالتالي ده لازم يصرف
انا مش مع راي اللي بيقول متحسبهاش: لاني لما بعمل كده بصرف وخلاص والاقي نفسي كل يوم بسحب بال 200 حنيه ولاني مش بحسبها فبصرف وخلاص
وطبعا اهم حاجه الزكاه اللي الحمد لله مواظب عليها من يوم مااشتغلت ودي بتفرض جامد جدا
انا كنت بتكلم في الموضوع مع زمايلي واحنا عالقهوة
واحد زميلي طلع بفكرة حلوة
نفرض انك بتقبض 1500 جنية
هانخليهم 1000 ونسيب ال 500 للايجار او الكهرباء والتليفون والحوارات دي
هيتبقي 1000
نمسك ال 1000 / 30
33جنيه في اليوم
واليوم اللي تصرف فيه زيادة عن 33 جنيه تعوض تاني يوم وماتصرفش حاجة
انا هاتكلم عن نفسي انا بحط بنزبن كل 10 ايام ب 60 جنية 92
ايه رايكم
لا احنا بيت عيلة كلنا اخوات في بيت واحد