الموضوع: هي خبطة العربية دي حاجة عادية؟

المشاركة الأصلية كتبت بواسطة ahmedezzat78

انا واحد راسملى فن تجريدى بمسمار على شنطة العربيه يوم ما اشتريتها

و خلال الاسبوع الاول اتحكت كتير قوى و هيه واقفه مكانها

مش عارف ده حقد و الا صدفه ؟؟؟ الله اعلم

الاتنين حضرتك ...... انا ايام مكان والدى لسة راشش العربية من حوالى 8 سنين ... فى شاب ( *** ) كتب على الباب بمسمار بطول الباب (((( الحب الحقيقى )))) ..............!!!!!!!!!!!!!!!!!!!!!!! فعلا دة واحد ابن ناس محترمين جدا :D

ومش حتكلم على المرايات الى بتتخبط يوميا .. لغاية مفكرت اجيب المرايا الكبيييييييير الى بتتركب فى الصالون واقفلهم واخلص من الهم دة

الخبطات و الخرابيش و الحاجات دي زي ادوار البرد كده...لازم تجيلك و مش ممكن حتعرفي تهربي منه حتي لو مشترتيش عربيه اساساً :) :) :)

المشاركة الأصلية كتبت بواسطة OlaOsman

طيب يا جماعة.. الله يبشركوا بالخير :o

حد في الموضوع ده عنده كلمة حلوة يقولها قبل ما ننزل بالتتر؟

أنتوا بقى كلمكم بتشتكوا إن العربية بتكون واقفة وعربية تانية تخبطها :)

أنا هاحكلكوا على اللي حصل لزميلي في الشغل.. الراجل بيسافر وسايب عربيته مركونة قدام باب العمارة (فيها بواب).

والشارع بتاعهم اتجاهين وبجزيرة صغيرة في النص.. المهم أول الشارع مرتفع عن المنطقة اللي فيها عمارة زميلي.

هناك في أول الشارع على الاتجاه التاني عمارة راكنة قدامها عربية لادا قديمة..

أنا بكرر إن العربية اللادا على الاتجاه التاني من الشارع (أبو جزيرة صغيرة) وهي واقفة في المنطقة العالية من الشارع.

يرجع الباشا زميلي يلاقي البواب بيقابله من قبل العمارة ب20 أو 30 متر ويحكيله عربيته اتخبطت إزاي :)

العربية اللادا (الواقفة) فراملها سابت ونزلت مع انحدار الشارع، عدت الجزيرة وخرجت الاتجاه التاني واخدت العربية اللانوس وش في وش..

طبعا صاحب اللادا قعد يعتذر لزميلي وزميلي طبعا مش عارف يقول أي حاجة.. الراجل مالوش ذنب.

شوفتوا جمال اكتر من كده ؟؟ أهو العربيتين كانوا واقفين. :)

أظن مفيش احسن من كده ختام للموضوع ده ولا حد عند رأي ؟؟؟ :)