هي خبطة العربية دي حاجة عادية؟

**Ahmed Anwer** · 24-02-2008 02:12 AM

المشاركة الأصلية كتبت بواسطة Nader

انا عندي نكتة ظريفة بمناسبة الموضوع دة

مرة واحد لبس في حفرة طلع من غير شكمان!!!

:(

هاقولك نكتة احلي يا نادر باشا ،،

واحد عنده عربية 4 × 4

كل يوم ينزل يلاقي واحد كاتبله جنب 4×4

= 16

يصلحها يكتبهاله تاني ،،

اخر ما زهق ام كاتب علي العربية بنفسه

4×4 = 16

لقاه كاتبله صح ...........

**PRO-DRIVE** · 24-02-2008 02:17 AM

و جاية افتح العربية لقيت المفتاح مش بيدخل احااااول برضه مافيش فايدة مابقيتش فاهمة فه ايه يعني ابصلك يبني الاقي حد حاطط حتة خشبة صغيرة كدة جوة البتاعة دى اللى بنحط فها

بحمد الله المره الوحيده اللي سبت العربيه فيها تحت بيتنا رجعت لقين نفس الحركه طبق الاصل

:@ :@ :@

جبت ملقاط و طلعتها بالعافيه :@

**Noha.M** · 24-02-2008 02:26 AM

المشاركة الأصلية كتبت بواسطة pro-drive

بحمد الله المره الوحيده اللي سبت العربيه فيها تحت بيتنا رجعت لقين نفس الحركه طبق الاصل

:@ :@ :@

جبت ملقاط و طلعتها بالعافيه :@

لووووووووووووووول

دة مش انا وحدي بأة

لأ هايل برضة المساواة في الظلم عدل D:

**mahamedaraby** · 24-02-2008 02:45 AM

ياجماعه الموضوع ده جيه على الجرح النهارده والله لسه العربيه مخبوطه كان عن نادى الشرطه كده ولسه هناخد المضب والطريق المشكله كان واقف لقيت عربيه سيت الراجل مركبلها اكصطدام اكبر منها اساسا ولقيته عندى بس الحمد الله الاكصطدام اتشرخ بس والشنطه محصلتهاش حاجه والراجل قبل مانزل عمال يشورلى معلش وهو راجل كبير والله ماكملته اساسا علشان راجل كبير ومش هاخد منه حاجه

وطبعا لا نغفل دور البطل الرئيسى فى الخبطات وهو فى ركن العربيه وتخبط وهى واقفه

**sherif_84** · 24-02-2008 02:58 AM

صاحبكم بقى لما اشترى الشاهين وهى لسه جديدة وقعت عليها صناديق بيبسى
كنت واقف فى الاشارة فى حالى وقدامى نص نقل محمل بيبسى قام الباشا مريح على ورا وألاقى الصناديق عمالة تقع على الكبوت والزجاج الامامى بس الحمدلله الزجاج مااتكسرش والكبوت طبعا اطبق ونزلت زعت فيه وسبته هعمله ايه اهو سواق غلبان
بس الشاهين فى اليوم ده شربت بيبسى لحد ماشبعت
والنوبيرا طبعا اتخبطت
اشتريناها جديدة 2006 ووالدى كان ماشى فى حاله وجنبه اتوبيس نقل عام والظاهر ياعينى سواق النقل العام لقى قدامه الحارة بتاعته واقفة فكسل يفرمل ويهدى ماهو مستعجل ماعندوش وقت يقف ووالدى ماشى فى الحارة اللى جنب الاتوبيس راح البيه كاسر عليه خبط الرفرف اليمين والكبوت اتزحزح شوية من مكانه من تأثير الخبطة
الحمــدلله على حاجة وربنا يهدى الجميع
أخوكم شريف

**OlaOsman** · 24-02-2008 07:01 AM

يا صباح التعقيد

لا بجد.. انا فعلا بافكر ما اشتريش عربية.. و لو اشتريت هاصرف نظر خااااااااااالص عن الزيرو.. هاجيب عربية شكلها مش نافع اساسا يحصل له اي حاجة :D

مش برضه بيقولوا هم يضحك و هم يبكي :o

**abdelaziz-waleed** · 24-02-2008 07:46 AM

انا بقي اتخبطت عربيتي في كمين في مدينة نصر
ربنا يسامحو سواق التاكسي داخل الكمين وعينه على الظابط مشعارف كان خايف منه ولا معندوش رخصة ولا ايه وفجأة لاقيته لاصق في الرفرف اليمين بتاعي.

المهم ان الظباط بتوع الكمين ما صدقوا لأقوا شغل بقى وكانو عاوزني اعمل محضر والكلام ده بس والله صعب عليا سواق التاكسي فامرضتشي اعمله محضر ومشيت هو انا هاستفاد ايه الله يسهله

**DODY** · 24-02-2008 02:04 PM

الحديث ذو شجون وقلبتوا علينا المواجع يا جماعة بس عاوز اعرف من الاخت onna معنى كلمة (لوووووووووووووووول) !

**SEATLOVER** · 24-02-2008 02:11 PM

المشاركة الأصلية كتبت بواسطة OlaOsman

.. هاجيب عربية شكلها مش نافع اساسا يحصل له اي حاجة :D

+100000000

**Noha.M** · 24-02-2008 03:08 PM

المشاركة الأصلية كتبت بواسطة DODY

الحديث ذو شجون وقلبتوا علينا المواجع يا جماعة بس عاوز اعرف من الاخت onna معنى كلمة (لوووووووووووووووول) !

its a laugh out loud :D:D
LOL
لول

هأ هأ هأ

LOOOOOOOL:D:D:D

الموضوع: هي خبطة العربية دي حاجة عادية؟

LinkBack

أدوات الموضوع

عرض

-

-

المواضيع المتشابهه

العربية اتخبطت خبطة بسيطه

افتونى ... حاجة عادية و لا كده الموتور كده بالسلامة

صوت خبطة من الp لل r - العربية لسة زيرو

العربية اتخبطت خبطة جامدة اوي (بس الحمد لله علي كل حاجة)

هي الشتايم القذرة بأت حاجة عادية خلاص؟

الكلمات الدلالية لهذا الموضوع

المفضلات

المفضلات

ضوابط المشاركة