موقف بنتعرض لية كلنا
هتقول اية لو واحد صحبك جدا وانتا بتعزة قالك هات مفتاح عربيتك علشان عايز اسوقها شوية ؟
وانتا اكتر حاجة بتكرها فى حياتك انك تشوف حد قاعد على الدريكسيون بتعها .
عرض للطباعة
موقف بنتعرض لية كلنا
هتقول اية لو واحد صحبك جدا وانتا بتعزة قالك هات مفتاح عربيتك علشان عايز اسوقها شوية ؟
وانتا اكتر حاجة بتكرها فى حياتك انك تشوف حد قاعد على الدريكسيون بتعها .
لو صاحبي بجد مش هيطلب مني الطلب ده
لانه اكيد هيبقي عارف انا بحب ايه و بكره ايه
هرفض طبعا
-
مش شرط اني ارفض على حسب يعني لو صاحبي قوي, بيعرف يسوق كويس ولا لا, هل لو انا رفضت هو ممكن يزعل مني .........كده يعني وبعدين هديلو بيها لفه صغيره كده مش هخليه يلف بيها طول النهار
عشان برضو ابقا مزعلتوش
بضايق جدا من الموضوع ده ,,,
بس بحاول أرفض بأسلوب محترم ومن غير احراج ,,,
خصوصا ان والدى اللى هو والدى واللى جايبلى العربيه مبيركبهاش وعمره ما طلب يسوقها ....
انتيمى بس اللى ممكن يسوق عربيتى ,,غير كده مفيش....لو اى حد تانى بضرب الوش الخشب بابتسامة سخيفة واليوم بيعدى....
تصدق بقى ان العربية ما حدش من صحابى كلهم ساقوها اخرهم يقعدوا يحركوا فى الدريكسيون
ههههههههههههه
بس واحد صاحبى هو اكبر من بحوالى يجى كدة قول 12 سنة مثلا هو الى بيسوقها
لانى واثق فى سواقتها جدا جدا وطلع عينة معايا فى حاجات بجد لو كنت طلبتها من اخويا ما كنش يوافق يعملها معايا
طب تعمل ايه انت لو واحد مش صاحبك اوي يعني زميلك في الشغل وانت عارف انه ممكن يعمل فيها حاجات مش كويسه زي؟(.........................) وممكن يشرب كمان فيها ومابيمشيش اقل من 120 في الحالات العاديه ولما اتحججت لاقيته زعل جدااااااااا ناس معندهاش دم !!!!!!!!!!!!!!!!!:khd:
مش بوافق بس بجيبها بتهريج
وبتعدي
:khd:
كنت قريت هنا جملة عجبتنى اوى بس للأسف مش فاكر مين اللى قالها
الجملة كانت بتقول
عربيتك زى مراتك ما ينفعش تسلفها لحد
أنا عندي إتنين من إصحابي يس..(منهم واحد إبن عمي وصاحبي)
دووول بسسسسس إلي ممكن أديهم العربية من غير تفكير
علشان بيحافظوا عليها جداااااااااااا ... جدااااااااااا
وعندهم دم ..لما بيروحوا مشوار بيها
بيرجعوها متفولة
ونظيفة
حتى لو واخدنها وسخة والبنزين ناقص
غير كده
ماحدش بيقعد على كرسي السواق غيري
الفلوس دي الواحد بيتعب فيها باعم الحج
وحاجة تانية ...ودي الأهم
لو فتحتها على البحري ....مش هتقدر تقفلها تاني
الموضوع ده بيبقي جديد للي ميعرفكش لكن اللي عارفك كويس وعارف انك مش بتدي عربيتك حتي لسايس الجراج يركنها مش ممكن حيطلبها منك
انا هقول كلمه مختصره و مثل بلدى
العربيه زى مرتك
يعنى مراتك تنفع تسلفه
هو ده المقصود
المشكلة ان مع ناس ميتقلهمش لا
مديرك فى الشغل
حماك
اخوك الكبير
انا لما بركب جنبهم العربية وهما ببيدوسوا بنزين بحس انهم بيدوسو على قلبى ولو خدو مطب بحس بية فى كل جسمى ويا سلام لو بيعدى مطب وحكت بحس بالحكة فى حتة مينفعش اقولها