الموضوع: جرادل عوامات وشمسيات بحر نايل موتورز-موضوع خيالي

المشاركة الأصلية كتبت بواسطة karim_monir

نييييييييهههههههههههههههه هههه
ربنا يسامحك يا كلاتاتا

يا جماعة الموضوع كوميدي وخيالي من قعدتي على البحر

ده في ناس صدقت بجد اني عامل الحاجات دي
نييييييييييييهههههههههههه هههههه

المشاركة الأصلية كتبت بواسطة karim_monir

اه يا عم دول صدقو
واقولهم قابلوني تحت البرج من واحدة لاتنين الضهر
يعني في عز الشمس وبرضه صدقو
واقولهم منتجات مضروبة وعوامات وجرادل
وبرضه صدقو
واقولهم حمادة ونادية
وبرضه صدقو
لاء وبدون احراج ناس باعتالي على الخاص بتسالني
طب اقولهم ايه
عدلت اسم الموضع بقي
هاهاهاهاها
الشمس بتعمل اكتر من كدة
بس بصراحة مش الشمس مش بشوفها كتير عشان انا خفاش ليل بنزل البحر بعد ما تضلم
هاهاهاها
بس الهوا شنيع بينفد على الدماغ على طول وانا واخد على عوادم القاهرة والتراب
نييييييييييهههههههههههههه
صدري تعب من الهواء النضيف :-)

على فكرة حتى بعد ما غيرت اسم الموضوع برضه أنا صدقت وفعلا كنت ناوي لو جت فرصة ... لولا المدام هية اللى كانت بتقرأ المشاركة معايا وقالتلي ياعم ده تلاقيه بيهزر ... رجعت اقرا بتركيز وبرضه ماقتنعتش غير لما كملت قراية للموضوع

ماشي .. بس هاقول إيه .. ياللا مصيف سعيد بقى ... وكده كده راحعلنا تاني بالسلامة بإذن الله


بس الأسعار اللى إنت كاتبها رخيصة على فكرة ومغرية إن حد ينزل يستناك فعلا

المشاركة الأصلية كتبت بواسطة kh_talaat

انصحك يا كريم انك تعاود للقاهرة باسرع وقت ممكن

المنتدى كله فتح شبكة القر الدولي على كريم منير

على فكرة يا جدعان شنوري برضه بيصيف

آه أتاريني مش لاقيله مشاركات خالص بقاله كام يوم ... وواضح كده إنه قطع علاقته بالنت في المصيف نهائي

عقبال ماترجعوا جميعا بالسلامة