عرض للطباعة
كنت عايز اعمل باكية فى جراج للعربية
الجراج قطعة ارض مسورة
صاحب الجراج بيعملها اعمدة بوص وبالعرض خشب رفيع
وبيغطى بالبوص
المشكلة انها وقعت 3 مرات وستر ربنا انها اخر مرة لحقتها قبل ما تقع على العربية
عايز اعرف
ايه الخامات اللى تتعمل منها الباكية
وتتثبت ازاى فى الارض وفى بعضها
لو هاجيب واحد يعملها
اجيب نجار ولا فيه حد متخصص للموضوع ده
وياحد كام
أزيك يا استاز أحمد يارب تكون بخير
لو انت ضامن ان الجراج دا يفضل فتره طويله
يبقى تجيب حداد يشوف المكان ويعملك أربع عمدان حديد يثبتو فى الأرض بمونه خرسانه ويعملك قوايم بالعرض والطول عشان يحمل عليهم بعد كدا الصاج اللى هيحمى العربيه من الشمس والمطر وهيحجز جزء من التراب
بس طبعا الموضوع ده هيكلفك مبلغ جامد شويه لكنه أئمن وانضف كتير
الف شكر ليك يا محمد
فى انتظار اراء اخرى
للرفع ........
+1اقتباس:
المشاركة الأصلية كتبت بواسطة m.mostafa80
ممكن تستغنى عن الصاج و تحطه بلاستك معرج شبه الصاج بالظبط علشان يبقى خفيف و اعمله مايل شوية علشان المطر
و بالتوفيق
الفكره بتاعت القوايم الحديد ديه فكره جميله جدا وعمليه و ميزتها انها حتعيش معاك , السقف طبعا لما يكون بلاستيك حيكون احسن في الحر وممكن كمان توصل لمبه في السقف لغرض زياده الامان .
لو عايز تعملها خشب يبقى لازم تجيب نجار مسلح أفضل من أي حد تاني ,
و هيجيب عرقين خشب يتعملوا قوايم و لواح خشب لربط القوائم ببعض بالعرض و لوحين لربط القوائم بالسور و المهم التثبيت كويس سواء في السور و في القوائم ,
و بالنسبة للتسقيفة ممكن تعملها مشمع زي بتاع الإعلانات أو بوص (مش عملي) أو بلاستيك زجزاج أو ألواح صاج زجزاج ,
و كله بحسابه و ممكن تشوف نجار تتفق معاه و يجيب الحاجات دي مستعملة علشان تقلل التكلفة لأن الجراجات دي ممكن في أي وقت يتم بناؤها و بالتالي هيضيع عليك أي تكاليف.
السلام عليكم ورحمة الله وبركاته :
1- القوائم فكرة ممتازة
2- خد بالك عاليه من قادام وأقل منها في الميل ورا
3- أربع خوص بين أربع قوائم وخرم الخوص أخرام بين كل واحد والتاني 40 سنتيمتر
4- إدهن برايمر قبل ما تحط في الأرض ولو في دوكو يبقي أحسن علشان الصدا
5- ثبت كويس في الأرض حفرة عميقة علشان الهواء هايعبي في السقف وممكن لقدر الله يقع علي العربية
6- السقف زي ما أحد الزملاء قالك فايبر معالج معرج طولي علشان المياه تنزل وما تتحوش فوقه وقبل ما تحطه إثقب من المنتصف علشان تعلق لمبه ببرنطيه ألمونيم ولمبه شبه بتاعه العواميد .
7- إرفع السقف وربط بسلك رباط كويس أو بمسامير برمه .
8- كده يا باشا عندك جراج خصوصي نظيف ضد الشمس والمطر وتقدر تقف تغسل بنفسك وتفك كاوتشات وتنزل تحت العربية وتعمل إلي نفسك فيه :)
إحترامات
زي ما استاذ /مصطفى بيقول كده لو الجراج ده موجود لفتره طويله ممكناقتباس:
المشاركة الأصلية كتبت بواسطة m.mostafa80
يتعمل 4 او 6 عمدان حديد حسب المساحه المطلوبه ويتعمل قوايم للسقف بالطول وبالعرض يتحمل عليهم
بلاستيك معرج وتكلفة تنفيذه وتركيبه بالدهان لو المساحه 3*6 تقريباً 5000 جنيه وينفذها أي حداد كويس
في حل تاني ان حضرتك تكلم دغش للتند هو بيعمل باكيات مخصوصه للجراجات بتكون عباره عن اعمده خشب معالج ضد المياه او اعمده حديد والسقف بيكون بالخامه والشكل اللي حضرتك هتختاره
السعر بيكون بالمتر من 400:500 جنيه حسب الإختيارات
http://www.daghashgroup.com/Small_untits.html
الحل الأخير وده بيكون أفضل من ناحية الشكل وينفع لو الجراج خاص وهو البرجولا الخشب الأعمده بتتعمل خشب عزيزي والسقف يتعمل قوايم بالطول وبالعرض خشب موسكي محمل عليه خشب بغدادلي او الواح بولي كاربونيت (خامه شبه الزجاج ) ويتم دهان الخشب بدهان ( مش فاكره اسمه) من يوتن مقاوم للمياه
ودي اي نجار يعملها لحضرتك بس اعتقد انها أغلى الحلول في السعر
+++11111اقتباس:
المشاركة الأصلية كتبت بواسطة sara2001
تمام زى مقالت سارة وانا اعرف شركه بتعمل الجراجات دى من اليكسان بولى كاربونيت و ده افضل بولى كاربونيت لانه انتاج جنرال اليكتريك ( انا طبعا مبعملش اعلان لكن جربت كذا نوع قبل كده و ده افضلهم و كمان بيدو ضمان 10 سنين ) و ممكن تخش على الموقع تشوف صور و افكار للجراجات فى الموقع بتاعهم www.lexanegypt.com
هى لشركة موجوده فى 2يحيى شريف النزهه الجديدة خلف السندباد وارقام التليفوانات 26248456-26248457
و تكلم المهندس / محمد توفيق التعامل معاه كويس جدا و بينصحك بالافضل و الارخص
و بالتوفيق