مقارنة سريعة بين توكيل دايهاتسو وتوكيل سكودا(دير الملاك)

**د.محمد الشيخ** · 12-07-2010 01:16 AM

المشاركة الأصلية كتبت بواسطة elgabry1977

انا عربيتى سكودا و كلام حضرتك عن التوكيل كله سلبم و فعلا لازم يتحسن عن كده

ربنا يسهل ونلاقى تغيير حقيقى مع افتتاح المركز الجديد ولو ان الادارة واسلوب التعامل مع العملاء ليس له اى علاقة بمساحة المركز وانما بيعتمد بشكل اساسى على الفكر والابداع والتخطيط

**Imhotep** · 12-07-2010 11:34 AM

اتفق معك فى كل ما ذكرت عن توكيل دايهاتسو فى عناصر القارنة.... شكرا لجهدك

**محمد عز** · 12-07-2010 12:56 PM

مقارنة ظريفة وجيدة

واكيد هتفيد ناس كتير

**M.Mosaad** · 12-07-2010 01:12 PM

شكرا علي نقل التجربه و توكيل ديهاتسو محترم فعلا بس هو برضة احسن الوحشين لان انا ليا ملاحظات كتير عليه في كفاءة مهندسين الاستقبال و اسعار العماله بس واضح من كلامك ان احنا في نعمه

اللي مندهش ليه ان توكيل زي بتاع اسكودا المفروض انه معاه ماركه محترمه جداااااااااا و المفروض من اسعار عربياتها اللي ارخص واحدة فيهم اكتر من 100 الف لازم يكون خدمته احسن من كدة بكتيرررررررر

**د.محمد الشيخ** · 12-07-2010 02:36 PM

المشاركة الأصلية كتبت بواسطة mahora

اتفق معك فى كل ما ذكرت عن توكيل دايهاتسو فى عناصر القارنة.... شكرا لجهدك

المشاركة الأصلية كتبت بواسطة محمد عز

مقارنة ظريفة وجيدة

واكيد هتفيد ناس كتير

اهلا وسهلا بحضراتكم

المشاركة الأصلية كتبت بواسطة m.mosaad

شكرا علي نقل التجربه و توكيل ديهاتسو محترم فعلا بس هو برضة احسن الوحشين لان انا ليا ملاحظات كتير عليه في كفاءة مهندسين الاستقبال و اسعار العماله بس واضح من كلامك ان احنا في نعمه

اللي مندهش ليه ان توكيل زي بتاع اسكودا المفروض انه معاه ماركه محترمه جداااااااااا و المفروض من اسعار عربياتها اللي ارخص واحدة فيهم اكتر من 100 الف لازم يكون خدمته احسن من كدة بكتيرررررررر

اتفق مع حضرتك

**amr100** · 13-07-2010 03:39 AM

بصراحة عندي استفسار هو اللي واخد التوكيل في مصر الخاص بالدايهاتسو مش هو مجموعة عبداللطيف حميل بتاع السعوديه صح ولا لأ

**GMakram** · 13-07-2010 10:00 AM

انا بقالى سنه معايا السيريون وبصراحه من خلال معاملتى مع التوكيل او من خلال تواجدى فى منتدى دايهاتسو هنا لاقيت مشاكل قليله جدا جدا تكاد تكون معدومه ده غير ان التوكيل بالرغم من كل الخدمات اللى بيقدمها ديه لكنه مش مستكفى لاء ده بيدور على راحه عملائه اكتر حتى لسه معاذ(احد اعضاء منتدى دايهاتسو) نقل لنا خبر ان التوكيل متمثل فى انسه مى بيدور على افكار جديده وخدمات جديده ممكن يضيفها لراحه الاعضاء,توكيلنا فعلا توكيل محترم بكل ما تحمل الكلمه من معانى-مع انى ليا بعض التحفظات الصغيره- لكنه فى مجمله توكيل محترم جدا وانا شخصيا ببقى رايح اعمل صيانتى وانا مطمن ومش قلقان على عربيتى,شكرا لنقل المقارنه وهنيئا لنا بتوكيلنا العزيز

تحياتى

**trazan** · 20-07-2010 12:10 PM

يجماعة انا عايز اسال خمس اسئلة جايز ملهومش علاقة بالموضوع ده بس ارجو تفيدوني

السؤال الاول:
انا بفكر اشتري عربية ميرا موديل من 1991 حتي 1998 فلو لقيت حاجة حلوة وحبيت افحصها في التوكيل ممكن اعرف ينفع ولا لا .....طيب لو هينفع ممكن اعرف الفحص هيتكلف كام و ايه هي الاجراءات المطلوب عملها.
و لو مش هينفع فين افضل مكان او افضل بنزينة للكشف علي السيارة و ايه الحاجات اللي اخالي بالي منها قوي.

السؤال الثاني:
هل الفحص في التوكيل او بنزينة يضمني سلامة الموتور و الشاسيه بنسبة كام في المائة؟

السؤال الثالث :
هل في علامات او اساسيات اطمئن من خلالها علي الموتور و علي الشاسيه بنفسي. ؟

السؤال الرابع:
من فضلكم لو اي حد عنده معلومات عن اسعار قطع غيار الميرا في التوكيل او بره التوكيل يريت يفيدني؟

السؤال الخامس:
انا عندي فيات 128 موتور 1300 سي سي عايز ابيعها علشان اشتري ميرا 850 سي سي
لو حد سئالني ايه هيا المميزات اللي في الميرا اللي ممكن بيها اضحي بموتور 1300 سي سي مقابل موتور 850 سي سي ارد اقول ايه؟