الى سمير بك عياد ومحمد بك ممدوح واهل الخبره

**samirayad** · 10-07-2010 06:12 PM

عمل الاتى:
فعمل اختبار امامى قاللى عشق الرابع وفك البوجيه رقم 1 من الشمال ورفع الجنب الامامى الايسر للسياره

وجاب مقاس الزيت وقعد يحرك العجله للامام والخلف واثناء تحريكه لها يضع مقاس الزيت مكان البوجيه وكان بيلا حظ حركه التروس الخارجيه

تروس أيه الميكانيكى الربع كم ده

أيه دخل التروس بتاعة التقسيمه

بالعجله اللى متصله بالكبلن ثم كورونة الفتيس

ده كله شغل أستعراض فى نظرى

**samirayad** · 10-07-2010 06:14 PM

ونصحنى بشراء كاوتشه للعمه(بتبقى موجوده تحت فلتر الهواء عشان عدم وجودها بيخنق العربيه

ونعم النصيحه

ممكن تورينى مكانها بصوره كده

أو أى زميل يورينى صورتها فى الانوس

دا أذا كانت موجوده أساسا

أما ألقى نظره كده

فى الكتالوج وأبص على اللى قبل الفلتر

لحسن الميكانيكى ده

حيجننى الصراحه

**ashraf_5971** · 10-07-2010 06:17 PM

معلش يا باشا هو رفع الجنب الايمن مش الايسر......وكان بيحرك العجله اليمنى

طب اعمل ايه.......عشان انا زهقت بصراحه.....ربنا يكرمك ويرضى عليك

**samirayad** · 10-07-2010 06:37 PM

شوف الصوره دى للعمه وأسفلها
وقوللى هو قالك أيه اللى ناقص عندك تحت الفلتر

**samirayad** · 10-07-2010 06:45 PM

بس انا عملت عمره موتور بعدها غيرت سبايك ((طقم شنبر وسبيكه و وش سلندر+قشط)

وصوت نحره عندما ازود بنزين

بالمناسبه

بتستعمل زيت نوعه أيه

وهل لينت صح

وهل غيرت الزيت والفلتر بعد التليين مباشرة

وحتغير الزيت والفلتر الحاليين أمتى .........؟

**ashraf_5971** · 10-07-2010 07:02 PM

المشاركة الأصلية كتبت بواسطة samirayad

شوف الصوره دى للعمه وأسفلها
وقوللى هو قالك أيه اللى ناقص عندك تحت الفلتر

كاوتشه اسطوانيه الشكل قطر 5سم تقريبا تصل بين الشكل رفم 3 الى الشكل رقم 13

**ashraf_5971** · 10-07-2010 07:07 PM

المشاركة الأصلية كتبت بواسطة samirayad

بالمناسبه

بتستعمل زيت نوعه أيه

زيت التعاون3000.....دى وصيه الميكانيكى

وهل لينت صح

نعم بعد الف كم

وهل غيرت الزيت والفلتر بعد التليين مباشرة

نعم

وحتغير الزيت والفلتر الحاليين أمتى .........؟

بعد 500كم

**samirayad** · 10-07-2010 08:23 PM

كاوتشه اسطوانيه الشكل قطر 5سم تقريبا تصل بين الشكل رفم 3 الى الشكل رقم 13

بسيطه

يمكن قصده على رقم 10 الموصل بين الأثنين
أو كاوتشه فى المنطقه دى

عموما نحطها فى دماغنا

بس دى ماتعملش صوت نحر ....بمعنى النحر

**samirayad** · 10-07-2010 08:29 PM

المشاركة الأصلية كتبت بواسطة ashraf_5971

بعد 500كم

بلاش موضوع زيت التعاون ده ....الله يخليك

الانوس عصفوره رقيقه

عاوزه زيت محترم شويه

نزل الزيت الحالى فى وعاء نظيف

وحاول بعد مالزيت ينزل وفكيت الفلتر برضه

شوفللى كده جوه الزيت أى رايش نحاسى ( لاقدر الله )

وبص برضه على رايش فى شوية الزيت اللى بيبقوا فى الفلتر

وحسس بأيديك على الرايش ده

لقيت كل الملمس لأى شوية زيت

حتى من اللى فى قعر العبوه اللى أنت مجمع فيها الزيت

( لقيت الملمس حلو ومفيهوش أى رايش )

يبقى كده أطمنا على سبايك العمره

ومتقلقش

وخير بإذن الله

أعمل موضوع الزيت ده الأول

وطمنى على طول

ومتمشيش على الزيت ده تانى من دلوقتى

سخن وغيره وأفحصه وقوللى على ملمسه

وهل فيه رايش فى قعر العبوه ولا لا

زيت التعاون3000.....دى وصيه الميكانيكى

وصاياه كلها طين

أبقى أديله سكه ....الزبون ده

**samirayad** · 10-07-2010 08:40 PM

أعمل موضوع الزيت ده الأول

وطمنى على طول

ومتمشيش على الزيت ده تانى من دلوقتى

سخن وغيره وأفحصه وقوللى على ملمسه

وهل فيه رايش فى قعر العبوه اللى حننزل فيها الزيت ولا لا

وفى قلب الفلتر ولا لا

هاااااااااااااااااااااااا اااااااااااااااااام جدااااااااا